- આર્મી, NDRFની ઘણી ટીમો અસરગ્રસ્ત વિસ્તારોમાં હાજર
- ભૂસ્ખલનને કારણે 277 લોકોના મોત થયા છે.
- ભૂસ્ખલનને કારણે સેંકડો મકાનોને નુકસાન થયું છે.
Wayanad Landslides News : કેરળમાં મંગળવારે મોડી રાત્રે થયેલા ભૂસ્ખલનના કારણે 277 લોકોના મોત થયા છે. આ દુર્ઘટનાનો મુદ્દો દેશના બંને ગૃહોમાં પણ ઉઠાવવામાં આવ્યો હતો. કેરળમાં મંગળવારે બે દિવસનો રાજ્ય શોક જાહેર કરવામાં આવ્યો છે. બુધવારે પણ રાહત અને બચાવ કાર્ય ચાલુ છે. અસરગ્રસ્ત વિસ્તારોમાં ડોક્ટરોની ટીમ હાજર છે, જે ઘાયલોની સારવાર કરી રહી છે. તે જ સમયે, આજે રાહુલ અને પ્રિયંકા ગાંધી વાયનાડ જવા રવાના થયા છે.
મળતી માહિતી મુજબ, ભૂસ્ખલન બાદ મુંડક્કાઈ અને ચુરલમાલા વિસ્તારમાં 180 થી વધુ લોકો ગુમ છે અને 300 થી વધુ ઘરોને સંપૂર્ણ નુકસાન થયું છે. મંગળવારે સવારે 2 થી 4 વાગ્યાની વચ્ચે ભૂસ્ખલન થયું હતું, જેના કારણે ઘરોમાં સૂઈ રહેલા લોકોને બચવાની તક મળી ન હતી.
