ગુજરાતના લોકોને મફત વીજળી કેવી રીતે મળે?, હું ટૂંક સમયમાં ઉકેલ જણાવીશ, કેજરીવાલે અમદાવાદમાં જાહેરાત કરી
AAP પાર્ટીના મુખ્યા અને દિલ્હીના મુખ્યમંત્રી અરવિંદ કેજરીવાલના ગુજરાત પ્રવાસનો આજે બીજો દિવસ છે. આ પ્રસંગે તેમણે અમદાવાદમાં લોકોને સંબોધિત કર્યા હતા. પોતાના સંબોધનમાં તેમણે ગુજરાતમાં દિલ્હી અને પંજાબ મોડલ લેવાની વાત કરી હતી.
તેમણે કહ્યું કે અમારી સરકારે પંજાબમાં 300 યુનિટ સુધી વીજળી ફ્રી કરી છે. ગુજરાતમાં પણ આવું થઈ શકે છે, હું રવિવારની મારી આગામી બેઠક દરમિયાન ઉકેલ રજૂ કરીશ. તેમણે આ દરમિયાન દિલ્હીની શિક્ષણ વ્યવસ્થા અંગે પણ ચર્ચા કરી હતી. આ દરમિયાન તેમણે ભાજપ સરકાર પર પણ આકરા પ્રહારો કર્યા હતા.
