મહોર વિસ્તારમાં છ લોકોએ હથિયારથી સજ્જ આતંકીઓને પકડવાનું ઓપરેશન પાર પાડી સમગ્ર જમ્મુ- કાશ્મીરમાં દેશ દાઝનું ઉદાહરણ પૂરું પાડ્યું: ગ્રામજનોએ કહ્યું, હવે આતંકવાદને ઉછેરવા નહિ દઈએ
જમ્મુ-કાશ્મીરના રિયાસી જિલ્લાના દૂરના મહોર વિસ્તારમાં આવેલું એક નાનકડું ગામડું જે એક સમયે આતંકવાદનું કેન્દ્ર હતું. પરંતુ ત્યાંના ગ્રામવાસીઓએ દેશદાઝ અને બહાદુરી બતાવતા, ભારે હથિયારો અને દારૂગોળો સાથે સજ્જ લશ્કર-એ-તૈયબાના બે આતંકવાદીઓને પકડીને સુરક્ષા કર્મચારીઓને સોંપ્યાલ હતા. ગ્રામજનોનું કહેવું છે કે હવે તેઓ તેમના વિસ્તારમાં ફરી આતંકવાદને ફેલાવા દેશે નહીં.
ગ્રામીણો દ્વારા પકડાયેલા આતંકવાદીઓની ઓળખ લશ્કરના કમાન્ડર તાલિબ હુસૈન શાહ તરીકે કરવામાં આવી હતી જેઓ તેમના ગૃહ જિલ્લા રાજૌરીમાં અનેક વિસ્ફોટોના માસ્ટરમાઇન્ડ હોવાનું માનવામાં આવે છે. બીજી તરફ, બીજા આતંકવાદીની ઓળખ તેના સહયોગી ફૈઝલ અહેમદ ડાર તરીકે થઈ છે, જે દક્ષિણ કાશ્મીરના પુલવામા જિલ્લાનો રહેવાસી છે. બંને શનિવારે રાત્રે સુરક્ષાદળોથી ભાગી છૂટ્યા બાદ આશ્રય લેવા ગામમાં ગયા હતા.છ નિ:શસ્ત્ર નજીકના સ્થાનિકોએ ગામમાં આ બે સશસ્ત્ર આતંકવાદીઓ સાથે અથડામણ કરી હતી. લગભગ બે કલાક ચઢાણ કરીને આ ગામમાં પગપાળા પહોંચી શકાય છે.
મોહમ્મદ યુસુફે કહ્યું, “જ્યારે હું કામ કર્યા પછી શનિવારે સાંજે મારા ’ધોક’ ગામ પહોંચ્યો, ત્યારે મેં મારા ઘરમાં બે અજાણ્યા લોકોને જોયા, જેનાથી હું ગભરાઈ ગયો. તેણે પોતાનો પરિચય એક બિઝનેસમેન તરીકે આપ્યો. તેણે મને ફોન બંધ કરીને જમીન પર મૂકવાનો આદેશ આપ્યો. તેઓએ મને બહાર જવાથી પણ અટકાવ્યો હતો.”યુસુફે જણાવ્યું કે અંધારું હોવાથી એક હાથે મોબાઈલ ફોન જમીન પર રાખ્યો અને બીજા હાથે તેને ઉપાડ્યો અને તેને શૌચ માટે બહાર જવા દેવા વિનંતી કરી. ઘરમાંથી બહાર આવ્યા પછી, મેં મારા ભાઈને ફોન કર્યો અને કહ્યું, આ કદાચ અમારી છેલ્લી વાતચીત છે કારણ કે કેટલાક લોકો મારા ઘરે આવ્યા છે અને તેઓએ અમારા સમગ્ર કુળ વિશે માહિતી એકત્રિત કરી છે.
કદાચ તેઓ અમને મારી નાખશે.”યુસુફે જણાવ્યું કે ફોન કોલથી ગભરાયેલા તેના ભાઈ નઝીર અહેમદે અન્ય સંબંધીઓ રોશન દીન, શમસુદ્દીન, મુશ્તાક અહેમદ અને મોહમ્મદનો સંપર્ક કર્યો. તેમણે કહ્યું કે તમામ સંબંધીઓએ સાથે મળીને આતંકવાદીઓ પાસેથી મોરચો સંભાળવાનો નિર્ણય કર્યો કારણ કે સુરક્ષા દળોને ગાઢ જંગલોમાંથી ગામ સુધી પહોંચવામાં ઘણો સમય લાગશે.અહેમદે કહ્યું, અમે મોડી રાત્રે ઘટનાસ્થળે પહોંચ્યા, અમે જોયું કે આતંકવાદીઓ ઘરમાં સૂઈ રહ્યા હતા જ્યારે યુસુફ પણ ત્યાં પડ્યો હતો. અમે સવાર સુધી રાહ જોઈ જેથી તેઓ દિવસના પ્રકાશમાં ભાગી ન શકે.ઈકબાલે કહ્યું કે છમાંથી ચાર લોકો રવિવારે સવારે પરિસરમાં ગયા હતા જ્યારે બે દેખરેખ માટે બહાર રહ્યા હતા. જેમ જેમ તેમને ખબર પડી કે આતંકવાદીઓએ તેમના હથિયારો બેગમાં છુપાવ્યા છે, ત્યારે પહેલા તે બેગને આતંકવાદીઓ પાસેથી છીનવી લેવાનો નિર્ણય લેવામાં આવ્યો.અમે વ્યૂહરચનાના ભાગરૂપે પહેલા ભારે હથિયારો અને દારૂગોળોથી ભરેલી બેગ છીનવી લીધી અને પછી તેમને ફટકાર્યા.
શાહે વળતો જવાબ આપ્યો અને ભાગવાનો પ્રયાસ કર્યો અને ઘરમાં લગભગ એક કલાક સુધી ચાલેલી ઝપાઝપી દરમિયાન તે દરવાજા સુધી પણ પહોંચી ગયો. મુશ્તાકે આતંકવાદીને ઘણી વાર થપ્પડ મારી અને અમે તેને કાબૂમાં લાવી દીધો.”ઇકબાલે કહ્યું કે તે તેના ડરને દૂર કરવામાં સક્ષમ છે કારણ કે સેના અને પોલીસ નિયમિતપણે તેની સાથે વાતચીત કરે છે અને પરિસ્થિતિને કેવી રીતે હેન્ડલ કરવી તે અંગે પ્રેરણાદાયી પ્રવચનો આપે છે મુશ્તાકે કહ્યું, “માહોર એક સમયે આતંકવાદનું કેન્દ્ર હતું અને લગભગ એક દાયકા પહેલા સેનાએ તેનો અંત લાવ્યો ત્યારે લોકોએ રાહતનો શ્વાસ લીધો હતો. અમે અમારી સેના અને પોલીસની સાથે છીએ અને આતંકવાદને ફરીથી વધવા નહીં દઈએ.
ફુલગામમાં બે આતંકીઓએ પરિવારની વિનંતી ધ્યાને લઈને આત્મસમર્પણ કરી દીધું !!
જમ્મુ-કાશ્મીરના કુલગામ જિલ્લામાં સુરક્ષાદળો અને આતંકવાદીઓ વચ્ચે શરૂ થયેલા એન્કાઉન્ટરમાં અત્યાર સુધીમાં બે આતંકવાદીઓએ આત્મસમર્પણ કર્યું છે. પોલીસે જણાવ્યું કે કુલગામના હદીગામ ગામમાં ઘેરાબંધી અને સર્ચ ઓપરેશન દરમિયાન શરૂ થયેલા એન્કાઉન્ટરમાં સામેલ બે આતંકવાદીઓએ તેમના પરિવારજનોની અપીલ અને પોલીસની વિનંતી પર આત્મસમર્પણ કર્યું. પોલીસ પ્રવક્તાએ કહ્યું કે એન્કાઉન્ટર દરમિયાન બે સ્થાનિક આતંકવાદીઓએ તેમના માતા-પિતા અને પોલીસની અપીલ પર આત્મસમર્પણ કર્યું. તેમની પાસેથી ગુનાહિત સામગ્રી, હથિયારો અને દારૂગોળો મળી આવ્યો છે. આત્મસમર્પણ કરાયેલા આતંકવાદીઓની ઓળખ હજુ સુધી જાણી શકાઈ નથી કે તેઓ કયા જૂથના છે. પોલીસે જણાવ્યું કે આ વિસ્તારમાં હજુ પણ સર્ચ ઓપરેશન ચાલુ છે. અથડામણ ત્યારે શરૂ થઈ જ્યારે સુરક્ષા દળોની ટીમે આતંકવાદીઓની હાજરી વિશે ગુપ્ત માહિતીના આધારે મધરાતે કુલગામના હડીગામ ગામમાં ઘેરાબંધી અને સર્ચ ઓપરેશન શરૂ કર્યું.
