- લગ્ન જીવનમાં નાની મોટી સમસ્યાઓ સામાન્ય છે, તેને લઈને અલગ થવું તે યોગ્ય નથી: હાઈકોર્ટ
કર્ણાટક હાઈકોર્ટની ધારવાડ બેન્ચે છૂટાછેડાના કેસમાં દંપતીને આધ્યાત્મિક ગુરુ ગાવી સિદ્ધેશ્વર સ્વામીને મળવાની સલાહ આપી છે. ગાવી સિદ્ધેશ્વર સ્વામી ગાવી મઠ, કોપ્પલના વડા છે. જસ્ટિસ કૃષ્ણા એસ દીક્ષિતે તેમની સરખામણી સ્વામી વિવેકાનંદ સાથે કરી અને કહ્યું કે વિવાદોના ઉકેલ માટે તેમની મદદ લઈ શકાય છે. પતિ-પત્નીએ અગાઉ મનોવૈજ્ઞાનિકોની સલાહ પણ લીધી હતી.
બુધવારે સુનાવણી દરમિયાન ન્યાયાધીશે દીક્ષિતે કહ્યું કે કોઈપણ લગ્નમાં સમસ્યાઓ સામાન્ય છે. પરંતુ પતિ-પત્ની માટે નાની નાની બાબતોને લઈને અલગ થવું યોગ્ય નથી. તેણે કહ્યું, કોઈ રસ્તો સીધો નથી હોતો. કોઈપણ રસ્તામાં વળાંક હશે. આપણે તેમની કાળજી લેવી પડશે અને સાવધાની સાથે આગળ વધવું પડશે. આ જ વાત પરિવારમાં પણ લાગુ પડે છે. પરિવારના લોકો વચ્ચે પણ હંમેશા મતભેદો થતાં રહે છે. પણ બધાને સાથે લઈને ચાલવામાં જ શાણપણ છે.
કોર્ટની સલાહ પર પતિએ કહ્યું કે તે સિદ્ધલિંગેશ્વર સ્વામીને મળવા જઈ રહ્યો છે. તેમજ પત્નીએ જણાવ્યું કે તે ગવિસિદ્ધેશ્વર સ્વામી મળવા જવા અંગે વિચારી રહી છે.આ અંગે જસ્ટિસ દીક્ષિતે કહ્યું કે શ્રી ગવિસિદ્ધેશ્વર સ્વામીનું માર્ગદર્શન આ કેસમાં યોગ્ય રહેશે. તેણે કહ્યું કે બંનેએ તેને રવિવારે કોપ્પલમાં મળવા જવું જોઈએ. અહેવાલ અનુસાર સ્વામીજીના સહયોગી શરણુ શેટ્ટરે કહ્યું કે મઠ કોર્ટના નિર્દેશથી વાકેફ છે.
હિંદુ મેરેજ એક્ટની કલમ 13ઇ નો ઉપયોગ પરસ્પર સહમતિથી છૂટાછેડા માટે થાય છે. આ ઉપરાંત વિવાદ ઉકેલવા માટે છ મહિનાનો સમય પણ આપવામાં આવ્યો છે. જો પતિ-પત્ની એક વર્ષથી વધુ સમયથી અલગ રહી રહ્યા હોય તો છૂટાછેડાની અરજી કરી શકાય છે.
