- આજે પણ શેરબજારમાં તેજી યથાવત : સેન્સેકસમાં 250 પોઇન્ટનો ઉછાળો, નિફટીમાં 75 અને બેન્ક નિફટીમાં 180 પોઇન્ટ વધ્યા
વિદેશી ભંડોળના સતત પ્રવાહ અને વૈશ્વિક બજારોમાં મજબૂતાઈ વચ્ચે ગઈકાલે સેન્સેક્સ એક ટકાથી વધુ વધ્યો હતો. ભારે વેચવાલીને કારણે રોકાણકારો માલામાલ બન્યા હતા. સોમવારે રોકાણકારોની વેલ્થમાં રૂ. 2.27 લાખ કરોડથી વધુની આવક નોંધાઇ હતી.
બીએસઇના 30 શેરો વાળા પ્રમુખ ઈન્ડેક્સ સેન્સેક્સ 709.96 પોઈન્ટ એટલે કે 1.16 ટકાના ઉછાળા સાથે 61,764.25 ના સ્તર પર બંધ થયા છે. દિવસ દરમિયાન તે 799.9 પોઈન્ટ અથવા 1.31 ટકા વધીને 61,854.19 પર પહોંચ્યો હતો.
બજારની તેજીને પગલે બીએસઇ-લિસ્ટેડ કંપનીઓની માર્કેટ મૂડી રૂ. 2,27,794.46 કરોડ વધીને રૂ. 2,76,06,443.06 કરોડ થઈ હતી. વિદેશી સંસ્થાકીય રોકાણકારો શુક્રવારના રોજ ચોખ્ખા ખરીદદારો હતા, તેમણે રૂ. 777.68 કરોડના શેર ખરીદ્યા હતા,
નિષ્ણાતોએ જણાવ્યું હતું કે બજારે શુક્રવારના તમામ નુકસાનને પુનઃપ્રાપ્ત કર્યું છે. રિયલ્ટી, ઓટો અને બેન્કિંગ શેરો સ્ટાર આઉટપર્ફોર્મર હતા, જેના કારણે બેન્ચમાર્ક સૂચકાંકોમાં તીવ્ર તેજી જોવા મળી હતી. શુક્રવારે બીએસઇ બેન્ચમાર્ક 694.96 પોઈન્ટ અથવા 1.13 ટકા ઘટીને 61,054.29 પર બંધ રહ્યો હતો. નિફ્ટી 186.80 પોઈન્ટ અથવા 1.02 ટકા ઘટીને 18,069 પર બંધ થયો હતો. માસિક વેચાણના મજબૂત આંકડાઓ જોતાં ઓટોમોબાઇલ અને રિયલ્ટી સારી રિકવરી તરફ ઇશારો કરે છે. સેન્સેક્સ કંપનીઓમાં ઇન્ડસઇન્ડ બેન્ક 4.92 ટકા વધ્યો હતો. અન્ય લાભકર્તાઓમાં ટાટા મોટર્સ, બજાજ ફાઇનાન્સ, બજાજ ફિનસર્વ, એનટીપીસી, એચસીએલ ટેક્નોલોજીસ, મહિન્દ્રા એન્ડ મહિન્દ્રા, એક્સિસ બેંક, મારુતિ અને કોટક મહિન્દ્રા બેંકનો સમાવેશ થાય છે.
રિલાયન્સ ઇન્ડસ્ટ્રીઝ અને એચડીએફસી બેંકમાં આવેલી તેજીએ આ રેલીમાં વધુ ઉમેરો કર્યો હતો. બ્રોડર માર્કેટમાં બીએસઇ મિડકેપ 0.94 ટકા અને સ્મોલકેપ 0.56 ટકા વધ્યા હતા. સૂચકાંકોની વાત કરીએ તો ઑટો 1.71 ટકા, રિયલ્ટી 1.54 ટકા, બેન્કેક્સ (1.50 ટકા), ફાઇનાન્સિયલ સર્વિસિસ (1.46 ટકા) અને સર્વિસિસ (0.93 ટકા) વધ્યા હતા.
બીજી તરફ આજે પણ શેરબજારમાં તેજી યથાવત રહી છે. સવારે 10:30 વાગ્યાની સ્થિતિએ સેન્સેકસમાં 250 પોઇન્ટનો ઉછાળો નોંધાયો છે જ્યારે નિફટીમાં 75 અને બેન્ક નિફટીમાં 180 પોઇન્ટ વધ્યા છે.
