Junagadh: માંગરોળમાં મોડીસાંજે શહેરમાં માર્કેટીંગ યાર્ડ નજીક બે જુથો વચ્ચે અથડામણ થતાં 3 ઇજાગ્રસ્ત થતાં તેમને સારવાર માટે માંગરોળ સરકારી હોસ્પિટલમાં સારવાર માટે ખસેડવામાં આવ્યા હતા અને વધુ સારવાર માટે જૂનાગઢ ખસેડાયા હતા. ત્યારે આ ઘટના કેમેરામાં કેદ થઈ હતી.
આ ઘટનામાં મારામારીમા લોખંડના ટામીનો ઉપયોગ થયો હોવાનું દેખાય આવે છે. અને ઘટના સ્થળે છોડાવવા વાળા અને બાંધવા વાળા પણ દેખાઈ આવે છે. માંગરોળ સરકારી હોસ્પિટલ ખાતે લોકોનાં ટોળાં જોવા માટે ઉમટી પડ્યા હતા. પરંતુ શહેરમાં શાંતિ જાળવવા પોલીસ દ્વારા ટોળાં વિખેર્યા હતા.
હાલ પોલીસ દ્વારા ચુસ્ત બંદોબસ્ત ગોઠવવામાં આવ્યો છે અને શહેરમાં કોઈ અનિચ્છનિય ઘટના ન બને તે માટે લોકોને શાંતિ જાળવવા પોલીસ દ્વારા અપીલ કરવામાં આવી હતી.
નીતિન પરમાર
