ભારતમાં ૪જી લોન્ચ કરનાર જીઓ હવે ભારતને ૫જી નેટવર્ક આપવા પણ સજ્જ થઈ ગયું છે. ભારતમાં ડેટાની માંગ પારખીને જીઓ ફરીથી બીજી કંપનીઓ કરતાં કેટલાય કદમ આગળ ધપી ગયું છે. ક્યુઅલકોમ ટેકનોલોજીઓ અને જિઓ પ્લેટફોર્મ્સ લિમિટેડ (જિઓ) એ તેની સંપૂર્ણ માલિકીની એકમ રેડિસિસ કોર્પોરેશન સાથે જણાવ્યું હતું કે તેઓએ વર્ચ્યુઅલાઇઝ્ડ રેડિયો એક્સેસ નેટવર્ક (આરએન) સાથે ઓપન અને ઇન્ટરઓપરિબલ ઇંટરફેસ કમ્પ્લિયન્ટ આર્કિટેક્ચર આધારિત 5 જી સોલ્યુશન્સ વિકસાવવા માટેના પ્રયત્નો વિસ્તૃત કર્યા છે.
કંપનીઓએ જણાવ્ય્યુ કે તેમણે ક્યુઅલકોમ 5જી આરએન પ્લેટફોર્મનો લાભ આપીને જિઓ 5જીએનઆર સોલ્યુશન પર 1 જીબીપીએસ માઇલસ્ટોન હાંસલ કર્યો છે અને કહ્યું કે આ જિઓના 5 જી ઓળખપત્રોને સમર્થન આપે છે અને ગીગાબીટ 5 જી એનઆર પ્રોડક્ટ પોર્ટફોલિયોમાં જિઓ અને ભારતના પ્રવેશને પણ સૂચિત કરે છે. કંપનીઓએ જણાવ્યું કે આ કામ ભારતના સ્વદેશી 5 જી નેટવર્ક ઇન્ફ્રાસ્ટ્રક્ચર અને સર્વિસિસના વિકાસને ઝડપી કરવા અને આગળ વધારવા માટે છે. 5જી ટેક્નોલોજી સાથે વપરાશકર્તાઓને ઉચ્ચ ડેટા રેટ અને ઝડપી કોમ્યુનિકેશન અને ઉન્નત ડિજિટલ સેવાનો અનુભવ વિવિધ સ્માર્ટ ડિવાઇસ જેવા કે સ્માર્ટફોનથી લઈને આઇઓટી ઉપકરણ પર મળશે.
રિલાયન્સ જિઓ ઇન્ફોકોમના પ્રમુખ મેથ્યુ ઓમમેને જણાવ્યું હતું કે, “જિઓ પ્લેટફોર્મ્સ ક્વાલકોમ ટેક્નોલોજીસ સાથે સુરક્ષિત આરએન સોલ્યુશન્સનો વિકાસ સ્થાનિક ઉત્પાદન માટે અને સમાવિષ્ટ 5જી રાષ્ટ્ર માટે આત્મનિર્ભર ભારતની અનુભૂતિને વેગ આપવા માટે આદર્શ સંયોજન પૂરું પાડે છે.”
ક્યુઅલકોમ ટેક્નોલોજીના સિનિયર વાઇસ પ્રેસિડેંટ દુર્ગા મલ્લડીએ જણાવ્યું હતું કે “અમે તાજેતરમાં જ અમારા ક્યુઅલકોમ 5 જી આરએન પ્લેટફોર્મનો લાભ મેળવી રિલાયન્સ જિઓ 5 જી એનઆર પ્રોડક્ટ પર 1 જીબીપીએસથી વધુનો લક્ષ્યો મેળવ્યો છે, અને અમે રિલાયન્સ જિયો સાથેના અમારા પ્રયત્નોને લચીલા અને સ્કેલેબલ 5 જી આરએન તૈનાતને સક્ષમ બનાવવા માટે આગળ જોઈ રહ્યા છીએ.”
જિઓ પ્લેટફોર્મ્સે આ વર્ષે ગૂગલ, ફેસબુક, ક્યુઅલકોમ જેવા રોકાણકારો પાસેથી કુલ 1.52 ટ્રિલિયન રૂપિયા અને અન્ય માર્કી રોકાણકારોના ઘણા બધા ફંડ એકત્ર કર્યા છે. ક્યુઅલકોમ વેન્ચર્સ, ક્વાલકોમ ઇન્કોર્પોરેટેડના રોકાણ ક્ષેત્રે પણ 0.15 ટકા હિસ્સેદારી માટે જિયો પ્લેટફોર્મ્સમાં 730 કરોડ રૂપિયાનું રોકાણ કર્યું છે.
