- સુચિત જંત્રી દર સામે વાંધા-સુચનો રજૂ કરવા આગામી મંગળવારે ક્રેડાઇની બેઠક
ગુજરાત સરકાર નવા વર્ષથી રાજ્ય ભરમાં જંત્રીના નવા દરને લાગુ કરવાની તૈયારી કરી રહ્યું છે. સુચિત જંત્રી દર સામે વાંધા-સુચનો પણ મંગાવવામાં આવ્યા છે. જંત્રી દરમાં 50 ટકાથી લઇ 900 ટકા સુધીનો ભારેખમ વધારો ઝીંકવામાં આવ્યો છે. જો આ દર યથાવત રાખવામાં આવશે તો આગામી દિવસોમાં રાજ્યમાં બિલ્ડર લોબી, રિયલ એસ્ટેટ ક્ષેત્ર અને પ્રજાજનો માટે મૂસિબતની મોકાણ સર્જે તેવી પણ દહેશત હાલ જણાય રહી છે. જંત્રી દરમાં તોતીંગ વધારા સામે તર્કબધ્ધ રજૂઆત કરવા માટે આગામી મંગળવારે ક્રેડાઇ અમદાવાદની એક બેઠક મળશે. જેમાં જરૂરી ચર્ચા-વિચારણા કર્યા બાદ સરકારમાં વાંધા સુચનો રજૂ કરવામાં આવશે.
જો સરકાર દ્વારા ડ્રાફ્ટમાં દર્શાવેલો જંત્રીનો વધારો યથાવત રાખવામાં આવશે તો આગામી દિવસોમાં ગુજરાતમાં રિયલ એસ્ટેટ ક્ષેત્ર મંદીની ગર્તામાં ધકેલાઇ જશે. હાલ રીયલ એસ્ટેટ ક્ષેત્ર વધતા-ઓછા પ્રમાણમાં મંદીનો સામનો કરી રહ્યું છે. જો જંત્રી દરમાં 900 ટકા સુધીનો વધારો ઝીંકવામાં આવશે તો બિલ્ડરો અને રિયલ એસ્ટેટ માટે મૃત્યુઘંટ વાગી જશે.
જંત્રીના દરમાં વધારાની સૌથી વધુ અસર સામાન્ય જનતાને પડશે. ઘરનું ઘર ખરિદવું મોંઘુ પડશે. એક તરફ આરબીઆઇ દ્વારા છેલ્લા ઘણા સમયથી વ્યાજદરમાં ઘટાડો કરવામાં આવતો નથી. ઇએમઆઇ મોટા છે. આવામાં જો જંત્રી દરમાં વધારો ઝીંકવામાં આવશે તો મધ્યમ વર્ગીય પરિવારનું ઘરના ઘરનું સપનુ રોળાય જશે.
ગુજરાત રિયલ એસ્ટેટ ક્ષેત્ર વિકાસશીલ વિસ્તારોમાં 900% સુધીના વધારા સાથે, ડ્રાફ્ટ જંત્રી દરોના તાજેતરના પ્રકાશન બાદ અનેક પડકારો સાથે ઝઝૂમી રહ્યું છે. અગાઉના દર 2023 માં બમણા થયાના મહિનાઓ પછી ડ્રાફ્ટ દરો રજૂ કરવામાં આવ્યા હતા.
સૂચિત વધારાએ બિલ્ડરોના સંગઠનો અને ખેડૂતોના જૂથોને રાજ્ય સરકાર પાસેથી રાહત મેળવવા માટે રજૂઆતો તૈયાર કરવા માટે પ્રેરિત કર્યા છે. બિલ્ડરોના મત મુજબ “જંત્રીના દરોમાં સુચિત વધારો અતિશય ભારે છે. તેનાથી ખેડૂતો, મકાન ખરીદનારાઓ, મકાનમાલિકો અને રિયલ એસ્ટેટ ક્ષેત્રને ગંભીર અસર થશે.
એપ્રિલ 2023 માં, રાજ્ય સરકારે જંત્રીના દરોમાં 100% વધારો લાગુ કર્યો હતો. હવે, નવા પ્રસ્તાવિત દરો વર્તમાન સ્તરોથી 50% થી 900% સુધી વધશે. એપ્રિલ 2023 પહેલાના દરોની તુલનામાં 2,030% સુધીનો અસરકારક વધારો, જે તેને ભારતીય ઈતિહાસમાં સંભવત: સૌથી તીવ્ર જંત્રી દર વધારો બનાવે છે. “ક્રેડાઈ અમદાવાદના પ્રમુખ ધ્રુવ પટેલે જણાવ્યું હતું કે, “આ પ્રકારનો જંત્રી વધારો નવા દરોમાં વધારો કરશે. સ્ટેમ્પ ડ્યુટી અને એફએસઆઈના ઊંચા દરોને કારણે પ્રોજેક્ટ અવ્યવહારૂ છે અને ખેડૂતો મુદતની જમીન માટે ખરીદદારો શોધવા માટે સંઘર્ષ કરશે. અમારા સંગઠન દ્વારા રાજ્ય સરકાર સમક્ષ વાંધાઓ રજૂ કરતા પહેલા આ અસરોની ચર્ચા કરવા માટે 3 ડિસેમ્બરે બેઠક યોજાશે.”
આ ડ્રાફ્ટ દરો લાગુ કરવાથી રિયલ એસ્ટેટ સેક્ટર અસ્થિર થઈ શકે છે.
વિકાસશીલ વિસ્તારોમાં પ્રોજેક્ટ ધરાવતી રિયલ એસ્ટેટ કંપનીના મેનેજિંગ ડિરેક્ટર તરલ શાહે જણાવ્યું હતું કે, “ઘણા વિસ્તારોમાં જંત્રીના દરો હવે જમીનની વાસ્તવિક કિંમત કરતાં વધી ગયા છે. આ એફએસઆઈ અને ટીડીઆરના ખર્ચને અસર કરશે, પ્રોજેક્ટની સદ્ધરતા પર જોખમ ઊભું કરશે. શહેરના વિકાસશીલ વિસ્તારોમાં જમીનના સોદાઓ પર અસર થશે. છેલ્લા કેટલાક મહિનાઓથી હાઉસિંગ માંગ કરી રહ્યું છે.
જંત્રીમાં તોતીંગ ભાવ વધારો રિયલ એસ્ટેટની કેડ ભાંગી નાંખશે, મધ્યમ વર્ગીય પરિવારનું ઘરના ઘરનું સપનુ રોળાય જશે
રાજ્ય સરકારની તિજોરી ચોક્કસ છલકાય જશે પરંતુ ગુજરાતની વિકાસ યાત્રા પર વિપરીત અસર પડવાની પણ ભીતી
