કારને આંતરી ૧૦ શખ્સો તૂટી પડયા
જામનગરની તારમામલ સોસાયટીમાં આજે બપોરે બે જુથ વચ્ચે માથાકુટ થતાં દસ જેટલા શખ્સોએ ત્રણ ભાઇઓ સહીત ચાર ઉપર સશસ્ત્ર હુમલો કર્યો હતો. જેમાં તમામ ઘવાયેલાઓને સારવાર માટે હોસ્પિટલમાં ખસેડાયા હતા.
જામનગરમાં તારમામદ સોસાયટીમાં આજે બપોરે કોઇ બાબતે બે જુથ વચ્ચે ઉગ્ર બોલાચાલી થયા બાદ મામલો બિચકયો હતો. અને લાયાકતઅલી તૈયબઅલી અંસારી (ઉ.વ. ૪૫) ઇર્ષાદ તાયબઅલી અન્સારી (ઉ.વ.૪૦), ઇમ્તીયાઝ (ઉ.વ.૩૦) અને ફૈઝલ લીયાકતઅલી (ઉ.વ.૧૮) ઉ૫ર સામેવાળો ઇકબાલ, અસ્લમ સહીત દસ શખ્સો તલવાર, પાઇપ, લાકડી, ધોકા જેવા જીવલેણ હથિયારોથી હુમલો કર્યો હતો.
આ ઉ૫રાંત એક કારમાં તોડફોડ પણ કરી હતી. આ બનાવમાં ઇજા પામનારા ચારેયને સારવાર માટે હોસ્૫ીટલમાં ખસેડાયા હતા. બનાવની જાણ થતાં પોલીસ કાફલો હોસ્પિટલ તેમજ બનાવ સ્થળે દોડી ગયો હતો. અને તપાસનો ધમધમાટ શરુ કર્યો છે. તેમજ હત્યાના પ્રયાસ સહીતની કલમ હેઠળ ગુનો દાખલ કરી તપાસ હાથ ધરી હતી.
