સાગર સંઘાણી
કોઈએ પૂછ્યું, તમે કેટલા નસીબદાર છો ? મેં જવાબ આપ્યો, ભારતમાં કુલ 29 રાજ્યો છે અને મારો જન્મ ગુજરાતમાં થયો છે. ૧લી મે ના રોજ ગુજરાતના સ્થાપના દિવસ છે જેને લઈને રાજ્યકક્ષાની ઉજવણી જામનગર શહેરમાં કરવા માટેનો નિર્ણય થયો છે. સ્થાપના દિવસના અનુસંધાને આગામી ૧લી મેં ના દિવસે જામનગરના પ્રદર્શન મેદાન/ ઓસવાળ સેન્ટરના ગ્રાઉન્ડમાં સ્થાપના દિવસની ઉજવણી માટે તંત્ર દ્વારા તૈયારીઓ કરવામાં આવી રહી છે, અને જિલ્લા કલેક્ટર, એસ.પી. સહિતના અધિકારીઓ દ્વારા આજે સ્થળ નિરીક્ષણ કરાયું હતું.
જામનગરના જિલ્લા કલેક્ટર બીજલ શાહ, જિલ્લા પોલીસવડા પ્રેમસુખ ડેલુ, ઇન્ચાર્જ કમિશનર શ્રી ભાવેશ જાની સહિતના અધિકારીઓ તથા અન્ય સ્ટાફ વગેરે દ્વારા આજે જામનગરના પ્રદર્શન ગ્રાઉન્ડ તેમજ ઓસવાળ સેન્ટરના સ્થળની મુલાકાત લેવામાં આવી હતી.
ગુજરાત રાજ્યનો સ્થાપના દિવસ કે જેની જામનગર શહેરમાં રાજ્ય કક્ષાએ ઉજવણી કરવાનું નક્કી થયું છે, જેના અનુસંધાને સમગ્ર કવાયત કરવામાં આવી રહી છે. સ્થાપના દિવસ નિમિત્તે સાંસ્કૃતિક પ્રોગ્રામ સહિતના કાર્યક્રમના આયોજનના ભાગરૂપે તંત્ર કવાયત કરી રહ્યું છે.
