બી-52એચે ગુઆમમાં એન્ડરસન એરફોર્સ બેઝ પરથી ઉડાન ભર્યું આ હથિયાર અવાજની ગતિ કરતાં 5 ગણી ઝડપે ઉડી શકે છે
યુએસ એરફોર્સે હાઇપરસોનિક એ.જી.એમ-183 એ એર-લોન્ચ્ડ રેપિડ રિસ્પોન્સ વેપનનું અંતિમ પરીક્ષણ કર્યું હતું. બી-52એચ બોમ્બરે અત્યંત વ્યૂહાત્મક યુએસ પેસિફિક ટાપુ પ્રદેશ ગુઆમથી મિસાઇલ છોડ્યું. વાયુસેનાએ એ નથી જણાવ્યું કે તેમનું પરીક્ષણ સફળ રહ્યું કે નહીં. એરફોર્સના પ્રવક્તાએ જણાવ્યું હતું કે, બી-52એચ એ ગુઆમમાં એન્ડરસન એરફોર્સ બેઝ પરથી ઉડાન ભર્યા બાદ સંપૂર્ણ ઓપરેશનલ એર-લોન્ચ્ડ રેપિડ રિસ્પોન્સ વેપનનું પ્રોટોટાઇપનું સંચાલન કર્યું હતું જેને ઓલ-અપ રાઉન્ડ ટેસ્ટ કહેવામાં આવે છે.
માર્શલ આઇલેન્ડ્સમાં આર્મી ફેસિલિટી, રીગન ટેસ્ટ સાઇટ પર આ પરીક્ષણ કરવામાં આવ્યું હતું. વાયુસેનાએ આ પરીક્ષણના ઉદ્દેશ્યો વિશે માહિતી આપી નથી. પરંતુ કહ્યું કે તેને લોકહીડ માર્ટિન દ્વારા બનાવવામાં આવેલા હાઇપરસોનિક હથિયારની ક્ષમતાઓ વિશે મહત્વપૂર્ણ માહિતી મળી છે. ગુઆમ ચીનની નજીકનો વિસ્તાર છે. આ પ્રથમ વખત છે જ્યારે યુએસ દ્વારા એર-લોન્ચ્ડ રેપિડ રિસ્પોન્સ વેપનનું અથવા કોઈપણ હાઇપરસોનિક મિસાઇલનું પરીક્ષણ કરવામાં આવ્યું છે. આવા પરીક્ષણો સમગ્ર પેસિફિક અને ખાસ કરીને ચીન માટે મોટો સંદેશ છે.
એરફોર્સને એર-લોન્ચ્ડ રેપિડ રિસ્પોન્સ વેપન ટેકનોલોજી અને અન્ય હાઇપરસોનિક ક્ષમતાઓ પ્રદાન કરવા માટે તૈયાર. લોકહીડ માર્ટિને જણાવ્યું હતું કે તાજેતરના એન્ડ-ટુ-એન્ડ ફ્લાઇટ ટેસ્ટને પગલે લોકહીડ માર્ટિને એર-લોન્ચ્ડ રેપિડ રિસ્પોન્સ વેપનની ક્રાંતિકારી ક્ષમતાઓમાં સંપૂર્ણ વિશ્વાસ સાથે પરીક્ષણ પૂર્ણ કર્યું છે અને અમે યુએસ એરફોર્સને આ હાઇપરસોનિક હથિયાર પહોંચાડવા માટે તૈયાર છીએ. યુએસ એરફોર્સ બે મુખ્ય એર-લોન્ચ હાઇપરસોનિક હથિયાર કાર્યક્રમો ચલાવી રહી છે, જેમાંથી એક એઆરઆરડબલ્યુ છે.
આ હથિયાર અવાજની ગતિ કરતાં 5 ગણી ઝડપે ઉડી શકે છે. ચીન અને રશિયાએ તેમના હાઇપરસોનિક શસ્ત્રોમાં ભારે રોકાણ કર્યું છે. યુએસ કોંગ્રેસ પેન્ટાગોન પર તેની ક્ષમતાઓ વિકસાવવામાં વધુ પ્રગતિ દર્શાવવા માટે સતત દબાણ હેઠળ છે. યુએસ એરફોર્સ સેક્રેટરી ફ્રેન્ક કેન્ડલે ગયા વર્ષે માર્ચમાં પરીક્ષણ નિષ્ફળતા પછી ધારાસભ્યોને જણાવ્યું હતું કે એર-લોન્ચ્ડ રેપિડ રિસ્પોન્સ વેપનનું પ્રોગ્રામ પરીક્ષણમાં સંઘર્ષ કરી રહ્યો છે.
