સુરત શહેરમાં સોશીયલ મીડિયાના રીલ્સ દ્વારા ભાઈગીરી જમાવવાનો ટ્રેન્ડ વધી રહ્યો છે. ગેંગસ્ટર સ્ટાઇલમાં વિડિયો બનાવી લોકોમાં ડર ફેલાવનારા શખ્સોને પોલીસ એક પછી એક પાઠ ભણાવી રહી છે. તાજેતરમાં લિંબાયત વિસ્તારના અસ્ફાક નામના શખ્સ ઉપર મારામારીનો કેસ નોધાઇ ચુક્યો છે. ક્રાઇમ બ્રાન્ચે અસ્ફાકને ઝડપી પાડ્યો હતો. પોલીસની સખત કાર્યવાહી પછી અસ્ફાકે પોતાનો પસ્તાવો જાહેર કરતા કહ્યું કે હવે તે સુધરવા માંગે છે. પોલીસે તેના સોશ્યલ મીડિયા એકાઉન્ટ્સ ડિલીટ કરાવી દીધા છે.
સુરત શહેરમાં સોશીયલ મીડિયાના રીલ્સ દ્વારા ભાઈગીરી જમાવવાનો ટ્રેન્ડ વધી રહ્યો છે. ગેંગસ્ટર સ્ટાઇલમાં વિડિયો બનાવી લોકોમાં ડર ફેલાવનારા શખ્સોને હવે સુરત પોલીસ એક પછી એક પાઠ ભણાવી રહી છે. તાજેતરમાં લિંબાયત વિસ્તારના અસ્ફાક નામના શખ્સ ઉપર મારામારી નો કેસ નોધાઇ ચુક્યો છે પોલીસ કાર્યવાહી પણ થઈ છતાં પોતાને “માફિયા” તરીકે રજૂ કરવાનો પ્રયાસ કર્યો રીલના માધ્યમથી પોતાના સોશ્યલ મીડિયા પર કરી રહ્યો હતો. આ વીડિયો પોલીસની નજરમાં આવતા જ, આખો ખેલ ઉલટી દિશામાં ફેરવાઈ ગયો.
ક્રાઇમ બ્રાન્ચે અસ્ફાકને ઝડપી પાડી, ક્રાઇમ બ્રાન્ચ લઇ આવી હતી. પોલીસની સખત કાર્યવાહી પછી અસ્ફાકે પોતાનો પસ્તાવો જાહેર કરતા કહ્યું કે હવે તે સુધરવા માગે છે. પોલીસે માત્ર તેની ધમકાવનારી સ્ટાઇલ તોડી નાખી, પણ તેના સોશ્યલ મીડિયા એકાઉન્ટ્સ પણ ડિલીટ કરાવી દીધા છે.
સુરત પોલીસે સ્પષ્ટ સંકેત આપી દીધો છે – “રિલ્સમાં ભાઈગીરી અને ગેંગસ્ટર ઍટિટ્યુડ નહિ ચાલે!” આજ સુધી રીલ્સમાં ગુંડાગીરી દેખાડીને લોકપ્રિય થવાના સપના જોતા લોકો હવે પોલીસના રડાર પર છે. તાજેતરમાં જ પોલીસ બુલડોઝર ઍક્શન પણ લઈ રહી છે, જ્યાં આવા શખ્સો જે ગુનાહિત પ્રવૃત્તિઓમાં સામેલ છે, તેમની સંપત્તિઓ પર કાર્યવાહી કરવામાં આવી રહી છે.
અસ્ફાક અગાઉ પણ મારામારી જેવા ગુનાઓમાં પોલીસ ચોપડે ચડી ચૂક્યો છે. હવે જો તે ફરીથી આવા વિડીયો બનાવવાનો પ્રયાસ કરશે, તો સુરત પોલીસ તેની સામે વધુ કડક પગલાં ભરશે. સૌ કોઈ માટે સ્પષ્ટ સંદેશ – જો ભાઈગીરી કરશો, તો પોલીસ તમને છોડી નહીં.
અહેવાલ: ભાવેશ ઉપાધ્યાય
