મોદી સાથે રવિવારે મંત્રીમંડળ પણ શપથ લ્યે તેવી ધારણા

• એનડીએના સાંસદોની બેઠક મળી: મંત્રી મંડળની ફોર્મ્યુલા નક્કી થઈ ગયાની ચર્ચા, કોને મંત્રી મંડળમાં સ્થાન મળે છે તેના ઉપર દેશભરની મીટ

લોકસભા ચૂંટણીમાં નેશનલ ડેમોક્રેટિક એલાયન્સને બહુમતી મળ્યા બાદ ગઠબંધન સરકાર બનાવવાની તૈયારીઓ તેજ થઈ ગઈ છે.  આજે સંસદીય દળની બેઠક પ્રસ્તાવિત છે, જેમાં વડાપ્રધાન નરેન્દ્ર મોદીને સંસદીય દળના નેતા તરીકે પસંદ કરવામાં આવ્યા છે.  તે પછી રાષ્ટ્રપતિ ભવનમાં દાવો રજૂ કરવામાં આવશે અને 9 જૂને મોદી મંત્રીઓ સાથે વડાપ્રધાન તરીકે શપથ લ્યે તેવી શક્યતાઓ છે.

સૂત્રોના જણાવ્યા અનુસાર, કોઈપણ નંબરની ફોમ્ર્યુલાને બદલે તમામ સાથી પક્ષોને યોગ્ય પ્રતિનિધિત્વ આપવાની યોજના છે.  આવી સ્થિતિમાં, પાંચ સભ્યો સુધીની પાર્ટીને એક મંત્રી પદ આપવામાં આવી શકે છે અને જેડીયુ અને ટીડીપી તેનાથી વધુ સંખ્યા ધરાવતા ત્રણ–ત્રણ મંત્રી પદ આપી શકે છે.  જો કે, અટકળો ચાલુ રહી કે આ પક્ષોએ ચાર મંત્રી પદની માંગણી કરી છે અને ટીડીપીએ પણ લોકસભા અધ્યક્ષ પદની માંગણી કરી છે.

બંને પક્ષમાંથી કોઈએ ઔપચારિક રીતે આ માંગણીઓ જણાવી નથી.  ભાજપના સૂત્રોના જણાવ્યા અનુસાર આ પક્ષો દ્વારા હજુ સુધી કોઈ માંગણી કરવામાં આવી નથી.  શપથ ગ્રહણ સમારોહને લઈને ગુરુવારે બીજેપી અધ્યક્ષ જેપી નડ્ડાના નિવાસસ્થાને એક લાંબી બેઠક પણ યોજાઈ હતી.  આ બેઠકમાં કેન્દ્રીય ગૃહમંત્રી અમિત શાહ પણ હાજર હતા.  આ બેઠકમાં તૈયારીઓની સાથે ચૂંટણીની સમીક્ષા પણ થઈ હતી. વધુમાં આજે પણ સાંસદો સાથે બેઠક છે. જેમાં જે.પી.નડા, અમિત શાહ અને રાજનાથ સિંહને જવાબદારી સોંપવામાં આવી છે.

નરેન્દ્ર મોદી 9 જૂને સતત ત્રીજી વખત વડાપ્રધાન તરીકે શપથ લઈ રહ્યા છે.  આ માટે માલદીવના રાષ્ટ્રપતિ મોહમ્મદ મુઈઝુને પણ આમંત્રણ મોકલવામાં આવ્યું છે.  ગયા વર્ષે મુઈઝુ રાષ્ટ્રપતિ બન્યા કે તરત જ માલદીવ–ભારત સંબંધો બગડી ગયા.  માલદીવના કેટલાક મંત્રીઓએ પણ મોદી વિરુદ્ધ વાંધાજનક ભાષાનો ઉપયોગ કર્યો હતો. પણ મુઇઝુ આ શપથ સમારોહમાં હાજરી આપશે તેવું સૂત્રો જણાવી રહ્યા છે.

શપથ ગ્રહણ માટે ભારતના પડોશી દેશોના નેતાઓને આમંત્રણ મોકલવામાં આવ્યા છે. જેમાં શ્રીલંકાના રાષ્ટ્રપતિ રાનિલ વિક્રમસિંઘ, બાંગ્લાદેશના વડા પ્રધાન શેખ હસીના, નેપાળના પીએમ પ્રચંડ અને મોરેશિયસ અને ભૂટાનના નેતાઓ સામેલ હશે.