જીઓ લાઈવ ટીવીનું પ્રસારણ કરી નિયમોનું ઉલ્લંઘન કરી રહ્યું છે?

ટેલિકોમ રેગ્યુલેટરી ઓથોરિટી ઓફ ઈન્ડિયા સમક્ષ એરટેલની ફરિયાદ, તપાસ શરૂ

જીઓ લાઇવ ટીવી અને ઓવર-ધ-ટોપ એપ્સનું પ્રસારણ કરી રહ્યું છે, જે બ્રોડકાસિ્ંટગ અને ડાઉનલિંકિંગ નિયમોનું ઉલ્લંઘન છે. તેવી એરટેલે ફરિયાદ કરી છે.જો કે જિઓએ બ્રોડકાસિ્ંટગ અથવા ટેલિકોમ નિયમોના કોઈપણ ઉલ્લંઘનનો ઇનકાર કર્યો હતો.

ટેલિકોમ રેગ્યુલેટરી ઓથોરિટી ઓફ ઈન્ડિયાએ ટેરિફ અને બ્રોડકાસિ્ંટગ ધોરણોના ઉલ્લંઘન બદલ રિલાયન્સ જિયો અને એરટેલના ફિક્સ્ડ-લાઈન બ્રોડબેન્ડ પ્લાનની તપાસ શરૂ કરી છે.  એક અહેવાલમાં કહેવામાં આવ્યું છે કે નવી તપાસ શરૂ કરવામાં આવશે.  એરટેલે ટેલિકોમ રેગ્યુલેટરી ઓથોરિટી ઓફ ઈન્ડિયાને જીઓ ફાયબર બેકઅપ પ્લાન બંધ કરવા વિનંતી કરી હતી, અને દાવો કર્યો હતો કે તે ડિટીએચ ડિજિટલ ટીવી માર્કેટમાં ગ્રાહકોના હિત માટે હાનિકારક છે, અને ઉપભોક્તા હિતોને અને સ્પર્ધાને નુકસાન પહોંચાડશે.  તેના જવાબમાં જિયોએ ટ્રાઈને કહ્યું કે એરટેલ પાયાવિહોણા આરોપો લગાવી રહી છે અને તેની ફરિયાદ સામે ચેતવણી આપી છે.

એરટેલની ફરિયાદમાં આરોપ છે કે જીઓ લાઇવ ટીવી અને ઓવર-ધ-ટોપ  એપ્સનું પ્રસારણ કરી રહ્યું છે, જે બ્રોડકાસિ્ંટગ અને ડાઉનલિંકિંગ નિયમોનું ઉલ્લંઘન છે.  જો કે, જિયોએ બ્રોડકાસિ્ંટગ અથવા ટેલિકોમ નિયમોના કોઈપણ ઉલ્લંઘનનો ઇનકાર કર્યો હતો અને એરટેલ પર આ ફરિયાદ દ્વારા પોતાને નિશાન બનાવવાનો આરોપ લગાવ્યો હતો.  દરમિયાન, ટાટા પ્લેએ જીઓ અને એરટેલ પર તેમના બ્રોડબેન્ડ ડીલ્સ સાથે બંડલ થયેલ લાઈવ ટીવી ચેનલો અને ઓટીટી એપ્સ ઓફર કરીને કિંમતમાં વધારો કરવાનો આરોપ મૂક્યો છે.  આવી ટેલિકોમ રેગ્યુલેટરી ઓથોરિટી ઓફ ઈન્ડિયા દ્વારા કરવામાં આવેલી તપાસમાં જાણવા મળશે કે ખરેખર કોઈ ગેરરીતિ થઈ છે કે કેમ અને જો તેમ હોય તો તેના પર શું પગલાં લેવા જોઈએ.  રિલાયન્સ જિયો ઝડપથી દેશમાં બ્રોડબેન્ડ યુઝર્સમાં ટોચ પર પહોંચી ગયું છે.

જાન્યુઆરી 2023માં જાહેર કરાયેલા ટ્રાઈના ડેટા અનુસાર, રિલાયન્સ જિયોનો બજારહિસ્સો 51.72 ટકા છે, જેમાં વાયર્ડ અને વાયરલેસ બંને સેવાઓનો સમાવેશ થાય છે.  બીજા સ્થાને ભારતી એરટેલનો કબજો છે જે સમગ્ર બ્રોડબેન્ડ માર્કેટના 28.29 ટકા પર નિયંત્રણ ધરાવે છે. વોડાફોન આઈડિયા 14.90 ટકા બજાર હિસ્સા સાથે ત્રીજા સ્થાને છે.  રાજ્યની માલિકીની બીએસએનએલ સમગ્ર બ્રોડબેન્ડ માર્કેટ શેરના માત્ર 3.22 ટકા હિસ્સો ધરાવે છે.