યુપીએસસી (મેઇન)માં ચોરી કરવાના ગુનામાં તમિલનાડુના કેડર ટ્રેઈની અધિકારી સફીર કરીમની ધરપકડ કરવામાં આવી છે. અધિકારીને ઈન્ટેલીજન્સ બ્યુરોએ પરીક્ષામાં ચોરી કરતા રંગે હાથ ઝડપી લીધો હતો. તે પરીક્ષા ખંડમાં શર્ટમાં કેમેરો અને ઈયરફોન લઈ ગયો હતો. કરીમની પત્ની તેને હૈદરાબાદથી ચોરી કરાવતી હતી. અધિકારી પ્રશ્નો પૂછતો અને તેની પત્ની ફોનમાં જવાબ આપતી હતી. કરીમ હાલ નાન્ગુનેરી ખાતે એએસપીની ફરજ બજાવે છે. આઈએએસ બનાવા કરીમે આ બીજો પ્રયત્ન કર્યો હતો. તેણે ૨૦૧૫માં યુપીએસસી પાસ કરી હતી. આ કેસમાં તેની પત્નીની પણ ધરપકડ કરવામાં આવી છે.
