Intex એ તેના બે નવા બજેટ સ્માર્ટફોન એક્વા જ્વેલ 2 અને એક્વા લાયન્સ ટી 1 ને ભારતમાં લોન્ચ કર્યા છે. કંપનીની વેબસાઇટમાં આ સ્માર્ટફોન્સને લિસ્ટ કરવામાં આવ્યા છે. કંપનીએ Intex Aqua Jewel 2 ની કિંમત 5,899 રૂપિયા રાખી છે, જ્યારે Intex Aqua Lions T1 ને રૂ. 4,999માં લોન્ચ કર્યો છે. જોકે તેને હજુ સેલમાં ઉપલબ્ધ નથી કર્યા. આશા છે કે આ સ્માર્ટફોન્સ સેલ માટે જલ્દી ઉપલબ્ધ કરશે.
એક્વા જ્વેલ 2 ની વાત કરી તો તેમાં 5-ઇંચની HD (720×1280 પિક્સલ) ડિસ્પ્લે આપવામાં આવી છે. આ સ્માર્ટફોનમાં ડ્યુઅલ સિમ સપોર્ટ છે પરંતુ એક જ સીમ 4 જી સપોર્ટ આપે છે. અને 2 જીબી રેમ સાથે 1.3GHz ક્વાડ-કોર સ્પ્રેડટ્રમ (SC9832A) પ્રોસેસર આપવામાં આવ્યું છે. તેની ઇન્ટરનલ મેમરી 16GB ની છે જેને કાર્ડની મદદથી 32GB સુધી વિસ્તૃત કરી શકાય છે.
એક્વા જ્વેલ 2 એન્ડ્રોઇડ 7.0 નોગટ પર ચાલે છે. આ સ્માર્ટફોનના રીઅરમાં એલઇડી ફ્લેશ સાથે 8 મેગાપિક્સલનો કેમેરા છે, જ્યારે તેની ફ્રન્ટમાં 5 મેગાપિક્સલનો કેમેરા છે. તેની બેટરી 2500mAh છે. ગ્રાહકોને આ બ્લેક અને શૈંપેન કલરમાં મળશે.
બીજી બાજુ Intex Aqua Lions T1 માં 480×854 પિક્સેલ 5.2-ઇંચ ડિસ્પ્લે આપવામાં આવી છે. તેમાં 1 જીબી રેમ સાથે કવોડ કોર પ્રોસેસર છે. અને ઇન્ટરનલ મેમરી 8GB ની છે, જે કાર્ડની મદદથી 64GB સુધી વધારી શકાય છે. ફોટોગ્રાફી માટે તેના રીઅરમાં 8 મેગાપિક્સલ અને ફ્રંટમાં 5 મેગાપિક્સલનો કેમેરા છે. સાથે સાથે તેની ફ્રન્ટ પર સોફ્ટ ફ્લેશ પણ છે અને બેટરી 2700 એમએએચ છે ગ્રાહકોને આ બ્લેક, શૈંપેન અને કોફી કલરમાં મળશે.
