ડેવલપમેન્ટ બેંકના બોર્ડ ઓફ ગવર્નર્સની 7મી વાર્ષિક બેઠકને સંબોધતા નાણામંત્રી નિર્મલા સીતારમને આપ્યું મહત્વનું નિવેદન
એક તરફ ફુગાવો સતત વધી રહ્યો છે. પણ સરકાર આ ક્ષણિક ફુગાવાને ગણકાર્યા વગર લાંબા ગાળાના આર્થિક વિકાસ ઉપર ધ્યાન કેન્દ્રિત કરી રહી છે. આ અંગે નાણામંત્રી નિર્મલા સીતારમને પણ કહ્યું છે કે વિકટ પરિસ્થિતિ વચ્ચે પણ ચાલુ વર્ષમાં 9 ટકા વિકાસ દર હાંસલ કરાશે. સરકાર આ માટે સતત પ્રયત્નશીલ છે.
નાણાપ્રધાન નિર્મલા સીતારમણે ગુરુવારે જણાવ્યું હતું કે ભારતનો આર્થિક વિકાસ ચાલુ નાણાકીય વર્ષમાં 8.9 ટકાના દરે મજબૂત રહેવાની સંભાવના છે, જે દેશની મજબૂત સ્થિતિસ્થાપકતા અને ઝડપી પુનઃપ્રાપ્તિને દર્શાવે છે. આગામી નાણાકીય વર્ષમાં પણ ઉચ્ચ વૃદ્ધિ દર હાંસલ કરવાનું ચાલુ રાખશે.
વિડિયો કોન્ફરન્સિંગ દ્વારા ન્યૂ ડેવલપમેન્ટ બેંકના બોર્ડ ઓફ ગવર્નર્સની 7મી વાર્ષિક બેઠકને સંબોધતા, તેમણે બહુપક્ષીયતાના મહત્વ અને આર્થિક પુનઃપ્રાપ્તિ માટે વૈશ્વિક સહકારની ભાવના પર ભાર મૂક્યો.
મંત્રીએ સ્વીકાર્યું કે એનડીબીએ ઉભરતા બજાર અર્થતંત્રો માટે એક વિશ્વસનીય વૃદ્ધિ ભાગીદાર તરીકે સફળતાપૂર્વક પોતાને સ્થાપિત કર્યા છે અને ગુજરાતમાં ગિફ્ટ સિટી ખાતે ભારત પ્રાદેશિક કાર્યાલયની સ્થાપના તરફની પ્રગતિની પ્રશંસા કરી હતી.તેમણે કહ્યું કે એનડીબી આગામી દાયકાઓમાં તેના સભ્ય દેશોની વિકાસ યાત્રામાં મહત્વપૂર્ણ અને અર્થપૂર્ણ ભૂમિકા ભજવશે.
કોવિડને કારણે, ભારત દ્વારા આયોજિત એનડીબીની આ વર્ષની વાર્ષિક મીટિંગ વર્ચ્યુઅલ મોડમાં યોજવામાં આવી હતી, નિવેદનમાં કહેવામાં આવ્યું છે કે, વાર્ષિક મીટિંગ માટે આ વર્ષની થીમ ‘એનડીબી: ઑપ્ટિમાઇઝિંગ ડેવલપમેન્ટ ઇમ્પેક્ટ’ હતી.
આ વર્ષે ભારત આઝાદીના 75 વર્ષની ઉજવણી કરી રહ્યું છે તે વાત પર પ્રકાશ પાડતા, નાણામંત્રીએ ઉલ્લેખ કર્યો કે વર્તમાન નાણાકીય વર્ષમાં ભારતનો આર્થિક વિકાસ મજબૂત રહ્યો છે અને તે 8.9 ટકા રહેવાનો અંદાજ છે જે તમામ મોટા અર્થતંત્રોમાં સૌથી વધુ છે.
બ્રાઝિલ, ચીન, રશિયા, દક્ષિણ આફ્રિકાના ગવર્નરો તથા તેના પ્રતિનિધિઓ અને બાંગ્લાદેશ અને સંયુક્ત આરબ અમીરાતના નવા સભ્યોએ પણ બેઠકમાં હાજરી આપી હતી.
બ્રિક્સ દેશોના જૂથ દ્વારા સ્થપાયેલ એનડીબીએ 50 બિલિયન ડોલરથી શરૂ કરવામાં આવેલ હતી. બેંકનો ઉદ્દેશ બ્રિક્સ અને અન્ય ઉભરતી બજાર અર્થવ્યવસ્થાઓ અને વિકાસશીલ દેશોમાં આંતરમાળખા અને ટકાઉ વિકાસ પ્રોજેક્ટ માટે સંસાધનો એકત્રિત કરવાનો છે જેથી વૈશ્વિક વૃદ્ધિ અને વિકાસ માટે બહુપક્ષીય અને પ્રાદેશિક નાણાકીય સંસ્થાઓના હાલના પ્રયાસોને પૂરક બનાવી શકાય.
બેંકની સ્થાપના 2015 માં કરવામાં આવી હતી, જેનું મુખ્ય મથક શાંઘાઈ, ચીનમાં છે. ગયા વર્ષે, એનડીબીએ ચાર દેશો – બાંગ્લાદેશ, યૂએઇ, ઇજિપ્ત અને ઉરુગ્વેનો સમાવેશ કરવા માટે તેની સભ્યપદનો વિસ્તાર કર્યો. એનડીબીએ અત્યાર સુધીમાં 7.1 બિલિયન ડોલરની રકમ માટે ભારતના 21 પ્રોજેક્ટને મંજૂરી આપી છે.
રૂપીયો ગગડી રહ્યો છે, પણ ચિંતા કરવાની જરૂર નથી
રૂપિયો ડોલર સામે ગગડી રહ્યો છે. પણ ચિંતા કરવાનીનજરૂર નથી. ભારતીય રૂપિયો ફરી એકવાર યુએસ ડૉલરની સરખામણીમાં સર્વકાલીન નીચલા સ્તરે એટલે કે 77.73 પર બંધ થયો. છેલ્લા 10 ટ્રેડિંગ સેશન દરમિયાન રૂપિયો પાંચમી વખત ગુરુવારે રેકોર્ડ નીચલા સ્તરે બંધ થયો હતો. જો કે ભારત પાસે નિકાસની તક ખૂબ સારી હોય, સરકાર પણ અર્થતંત્રને લાંબાગાળે ફાયદા થાય તેવી નીતિ અપનાવી રહી છે. વધુમાં ભારત બેલેન્સ ઓફ ટ્રેંડમાં ઝડપથી સુધારો લાવવા સતત કમર કસી રહ્યું છે. માટે આ સ્થિતિ ક્ષણિક હોય ચીંતા કરવાની જરૂર નથી.
