ગ્રીન એનર્જી, બાયો-એનર્જી અને ડિજિટલ ક્રાંતિ આ ત્રણ મુદાઓ ભારતનું ભાવિ બદલી નાખશે: ભારત આર્થિક વૃદ્ધિ અને તકોમાં અભૂતપૂર્વ વૃદ્ધિનું સાક્ષી બનશે
ભારત આર્થિક વૃદ્ધિ અને તકોમાં અભૂતપૂર્વ વૃદ્ધિનું સાક્ષી બનશે. ભારતીય અર્થતંત્ર ત્રણ ટ્રિલિયન ડોલરની અર્થવ્યવસ્થામાંથી વર્ષ 2047 સુધીમાં 40 ટ્રિલિયન ડોલરની બની જશે. તે વિશ્વની ટોચની ત્રણ અર્થવ્યવસ્થાઓમાં સામેલ થશે. આ વાતો કોઈ રાજકીય નેતાએ નહિ રિલાયન્સ ઈન્ડસ્ટ્રીઝના વડા મુકેશ અંબાણીએ પંડિત દીનદયાલ એનર્જી યુનિવર્સિટીના દીક્ષાંત સમારોહ દરમિયાન કહી હતી.
મંગળવારે પંડિત દીનદયાળ એનર્જી યુનિવર્સિટીના દીક્ષાંત સમારોહને સંબોધતા મુકેશ અંબાણીએ કહ્યું કે ત્રણ ક્રાંતિકારી ક્રાંતિ આવનારા દાયકાઓમાં ભારતના વિકાસને સંચાલિત કરશે, જેમાં સ્વચ્છ ઉર્જા ક્રાંતિ, બાયો-એનર્જી ક્રાંતિ અને ડિજિટલ ક્રાંતિનો સમાવેશ થાય છે. ભારતના ભાવિ નેતાઓએ સુનિશ્ચિત કરવું જોઈએ કે રાષ્ટ્ર વૈશ્વિક સ્વચ્છ અને હરિયાળી ઉર્જા ક્રાંતિનું નેતૃત્વ કરે. આ મિશનમાં સફળતા હાંસલ કરવાના 3 મંત્રો છે થિંક બિગ… થિંક ગ્રીન… અને થિંક ડિજિટલ. તેમના ભાષણ દરમિયાન મુકેશ અંબાણી ભારતીય અર્થવ્યવસ્થાના ભવિષ્યને લઈને ખૂબ જ આશાવાદી દેખાયા હતા.
તેમણે કહ્યું કે ગ્રીન એનર્જી અને બાયો એનર્જી ટકાઉ ધોરણે ઉર્જાનું ઉત્પાદન કરશે. તે જ સમયે, ડિજિટલ ક્રાંતિ આપણને ઊર્જાનો વધુ સારી રીતે ઉપયોગ કરવામાં સક્ષમ બનાવશે. આ ત્રણ આપણું જીવન બદલી નાખશે. ગ્રીન એનર્જી, બાયો-એનર્જી અને ડિજિટલ ક્રાંતિ એકસાથે ભારત અને વિશ્વને આબોહવા સંકટનો સામનો કરવામાં મદદ કરશે.
ગ્રીન એન્ડ ક્લીન એનર્જીને એનર્જી ઓપ્શન્સ ગણાવતા સીએમડી મુકેશ અંબાણીએ કહ્યું કે આનાથી જીવન જીવવાની રીત સરળ બનશે. તાજેતરના ભૂતકાળમાં, પેટ્રોલ અને ડીઝલ જેવા પરંપરાગત ઇંધણનો વપરાશ વધ્યો છે.તેની અસર પર્યાવરણ પર પણ જોવા મળશે. તેણે કહ્યું કે મને અંગત રીતે પર્યાવરણ અને પ્રાણીઓ પ્રત્યે ખૂબ લગાવ છે. તેથી જ અમે ગ્રીન એનર્જીને પ્રોત્સાહન આપવા માટે ગ્રીન એનર્જીમાં સતત રોકાણ કરી રહ્યા છીએ.
પિતાજી અને માતાજીથી મોટો કોઈ ‘જી’ નથી
તે જ સમયે, મુકેશ અંબાણીએ વિદ્યાર્થીઓને સલાહ આપી હતી કે 4જી અને 5જીના યુગમાં માતા અને પિતાથી મોટો કોઈ ’જી’ નથી. તેમણે વિદ્યાર્થીઓને કહ્યું, ’આજકાલ દરેક યુવાનો 4જી અને 5જી વિશે ઉત્સાહિત છે, પરંતુ તેમણે યાદ રાખવું જોઈએ કે આ દુનિયામાં ’માતાજી અને પિતાજી’થી મોટો કોઈ ’જી’ નથી. તે તમારી શક્તિ અને સમર્થનનો સૌથી વિશ્વાસુ આધારસ્તંભ હતો અને રહેશે
ડિજિટલની ‘અંબાડી’ ઉપર મુકેશની સવારી
મુકેશ અંબાણીએ ત્રણ મંત્ર આપ્યા એમાં એક મંત્ર થિંક ડિજિટલ છે. જો આગામી સમયમાં વિકાસ કરવો હશે તો ડિજિટલ બનવું પડશે તેમ મુકેશ અંબાણીએ જણાવ્યું હતું. વધુમાં મુકેશ અંબાણીએ નેટવર્ક ક્ષેત્રમાં ઝંપલાવી જીઓના સહારે ઇતિહાસ રચ્યો છે.આમ હાલ તેઓ ડિજિટલની અંબાળીની સવારી કરી રહ્યા છે.
પાંચ ટ્રીલિયન ડોલરની ઇકોનોમીનું લક્ષ્ય 2025માં નહિ 2027માં પૂર્ણ થશે!
2025 સુધીમાં ભારત પાંચ ટ્રિલિયન ડોલરનું અર્થતંત્ર બનવું વર્તમાન સંજોગોમાં અશક્ય છે અને તે હાંસલ કરવા માટે દેશે આગામી પાંચ વર્ષ માટે વાર્ષિક નવ ટકાના દરે વૃદ્ધિ કરવાની જરૂર છે, એમ રિઝર્વ બેંકના ભૂતપૂર્વ ગવર્નર સી રંગરાજને જણાવ્યું હતું. આઈસીએફએઆઈ ફાઉન્ડેશન ફોર હાયર એજ્યુકેશનના 11મા દીક્ષાંત સમારોહમાં તેમનું સંબોધન આપતાં, રંગરાજને જણાવ્યું હતું કે કોવિડ-19ની ત્રીજી તરંગની પ્રતિકૂળ અસરને રોકવાના પ્રયાસોમાં અર્થતંત્રને અસર થઈ છે. “થોડા વર્ષો પહેલા, એવી આશા હતી કે ભારત 2025 સુધીમાં પાંચ ટ્રિલિયન યુએસ ડોલરનું મજબૂત અર્થતંત્ર બની જશે. તે અશક્ય બની ગયું છે. ભારતની અર્થવ્યવસ્થા 2019માં 2.7 ટ્રિલિયન ડોલર જેટલી મજબૂત હતી. 22 માર્ચના અંતે, અમે હજુ પણ આ સ્તરે રહીશું. 2.7 ટ્રિલિયન ડોલરથી 5 ટ્રિલિયન ડોલર સુધી જવા માટે, અર્થતંત્રે સતત પાંચ વર્ષ સુધી 9 ટકાના દરે વૃદ્ધિ કરવી પડશે,” રંગરાજને જણાવ્યું હતું. એટલે હવે આ સ્વપ્ન 2027માં સાકાર થાય તેવું લાગી રહ્યું છે.
