- છેલ્લા 10 વર્ષમાં દેશનું ડાયરેક્ટ ટેક્સ કલેક્શન 3 ગણું વધ્યું
- 5.59 લાખ કરોડથી વધીને 20 લાખ કરોડ રૂપિયા થઈ ગઈ
India :ભારતનું ડાયરેક્ટ ટેક્સ કલેક્શન છેલ્લા 10 વર્ષમાં રૂપિયા 5.59 લાખ કરોડથી વધીને રૂપિયા 20 લાખ કરોડ થયું છે. તેમજ આ સમયગાળા દરમિયાન ટેક્સ-ટુ-જીડીપી રેશિયો પણ વધીને 6 % થઈ ગયો છે. જે અગાઉ 5.6 % હતો.
નાણાકીય વર્ષ 2024-25માં 7.28 કરોડ ITR સબમિટ કરવામાં આવ્યા હતા. તેમાંથી 4.98 કરોડ ITR પર પ્રક્રિયા કરવામાં આવી છે. તેમજ 15 દિવસથી ઓછા સમયમાં 3.92 કરોડ ITRની પ્રક્રિયા કરવામાં આવી હતી. આવકવેરા વિભાગ છેલ્લા કેટલાક વર્ષોમાં ટેક્સ બેઝ બમણું કરવામાં સફળ રહ્યું છે. આ ઉપરાંત ફેસલેસ શાસન, ઈ-વેરિફિકેશન અને ઈ-ફાઈલિંગ વગેરે દ્વારા કરદાતાઓ માટે અનુપાલન ઘટાડવામાં આવ્યું છે.
નાણાકીય વર્ષ 2024-25માં 7.28 કરોડ ITR જમા થયા
વિભાગનું ધ્યાન કરદાતાઓ માટે સેવાઓ વધારવા અને ટેક્નોલોજીને કારણે અનુપાલન ઘટાડવાનું છે. તેમણે વધુમાં જણાવ્યું હતું કે ગત નાણાકીય વર્ષમાં ચોખ્ખી કર વસૂલાતમાં 17.7 %નો વધારો થયો હતો. તે જ સમયે, ગયા વર્ષની સરખામણીમાં આ વર્ષે સબમિટ કરાયેલ ITRની સંખ્યામાં 7.5 %નો વધારો થયો છે. આ સાથે નવી કર વ્યવસ્થા હેઠળ 72 % આવકવેરા રિટર્ન ફાઇલ કરવામાં આવ્યા છે. તેમાંથી 58.57 લાખ પ્રથમ વખત ઇન્કમ ટેક્સ રિટર્ન ફાઇલ કરનારા હતા. જે દર્શાવે છે કે ભારતમાં ટેક્સ બેઝ વધી રહ્યો છે.
