- વિદેશમાં વસતા અંદાજે 1.8 કરોડ ભારતીયોએ દેશમાં અઢળક પૈસા મોકલ્યા, વિદેશથી પૈસા મેળવવામાં ભારત વિશ્ર્વભરમાં પ્રથમ નંબરે
વિદેશમાંથી પૈસા મોકલવાની બાબતમાં ભારતીયોએ નવો રેકોર્ડ બનાવ્યો છે. યુનાઈટેડ નેશન્સ એજન્સી ઈન્ટરનેશનલ ઓર્ગેનાઈઝેશન ફોર માઈગ્રેશનએ કહ્યું કે વર્ષ 2022માં ભારતને રેમિટન્સના રૂપમાં 111 બિલિયન ડોલર એટલે કે અંદાજે રૂ.10 લાખ કરોડ મળ્યા છે. આ વિશ્વમાં સૌથી વધુ છે.
વિદેશથી 100 બિલિયન ડોલરથી વધુ પૈસા મેળવવામાં ભારત વિશ્વનો પ્રથમ દેશ બની ગયો છે. ભારતના 1.8 કરોડ લોકો વિદેશમાં કામ કરે છે. તેમાંથી યુએઈ, અમેરિકા અને સાઉદી અરેબિયામાં મોટી સંખ્યામાં ભારતીય ઈમિગ્રન્ટ્સ છે. ઇન્ટરનેશનલ ઓર્ગેનાઇઝેશન ફોર માઇગ્રેશન, મંગળવારે જારી કરાયેલ તેના વર્લ્ડ માઇગ્રેશન રિપોર્ટ, 2024માં જણાવ્યું હતું કે 2022માં રેમિટન્સ મેળવનારા ટોચના પાંચ દેશોમાં ભારત, મેક્સિકો, ચીન, ફિલિપાઇન્સ અને ફ્રાન્સનો સમાવેશ થાય છે.
રેમિટન્સ એ સ્થળાંતર કરનારાઓ દ્વારા મૂળ દેશમાં મિત્રો અને સંબંધીઓને મોકલવામાં આવેલા નાણાંનો સંદર્ભ આપે છે. રિપોર્ટમાં કહેવામાં આવ્યું છે કે ભારત આ મામલે ટોપ પર રહ્યું છે. તેને 111 બિલિયન ડોલરથી વધુની પ્રાપ્તિ થઈ, જેનાથી તે 100 બિલિયન ડોલર સુધી પહોંચનાર અથવા તો વટાવી જનાર વિશ્વનો પ્રથમ દેશ બન્યો. 2022 માં રેમિટન્સના સંદર્ભમાં મેક્સિકો બીજા ક્રમે હતું. તેણે ચીનને પાછળ છોડીને 2021માં આ સ્થાન હાંસલ કર્યું હતું. આ પહેલા ચીન ઐતિહાસિક રીતે ભારત પછી રેમિટન્સનો બીજો સૌથી મોટો પ્રાપ્તકર્તા હતો.
રિપોર્ટના ડેટા અનુસાર, 2010 (53.48 બિલિયન ડોલર), 2015 (68.91 બિલિયન ડોલર) અને 2020 (83.15 બિલિયન ડોલર) માં રેમિટન્સના સંદર્ભમાં પણ ભારત ટોચ પર રહ્યું હતું. તેને 2022માં 111.22 બિલિયન ડોલરના રેમિટન્સ મળ્યા હતા. દક્ષિણ એશિયાના ત્રણ દેશો ભારત, પાકિસ્તાન અને બાંગ્લાદેશ રેમિટન્સ મેળવનારા ટોચના 10 દેશોમાં સામેલ હતા. પાકિસ્તાન અને બાંગ્લાદેશે 2022માં અનુક્રમે આશરે 30 બિલિયન ડોલર અને 21.5 બિલિયન ડોલરનું રેમિટન્સ મેળવ્યું હતું. પાકિસ્તાન છઠ્ઠા અને બાંગ્લાદેશ આઠમા સ્થાને છે. રિપોર્ટમાં કહેવામાં આવ્યું છે કે વિશ્વમાં સૌથી વધુ સ્થળાંતર કરનારાઓ પણ ભારતીય મૂળના છે. કુલ સંખ્યા દેશની કુલ વસ્તીના લગભગ 1.3 ટકા અથવા 18 મિલિયન જેટલી છે. તેની મોટાભાગની વિદેશી વસ્તી યુએઈ, અમેરિકા અને સાઉદી અરેબિયા જેવા દેશોમાં રહે છે.
વિદેશથી ક્યાં દેશને
કેટલા પૈસા મળ્યા?
ભારત
મેક્સિકા
ચીન
ફિલિપાઈન્સ
ફ્રાન્સ
પાકિસ્તાન
ઇજિપ્ત
બાંગ્લાદેશ
નાઇજિરિયા
જર્મની
111 બિલિયન ડોલર
61.10 બિલિયન ડોલર
51 બિલિયન ડોલર
38 બિલિયન ડોલર
30 બિલિયન ડોલર
29.87 બિલિયન ડોલર
28 બિલિયન ડોલર
21.50 બિલિયન ડોલર
20.13 બિલિયન ડોલર
19.29 બિલિયન ડોલર
