ભારત વિશ્વની પાંચમી સૌથી મોટી અર્થવ્યવસ્થા છે. તે 2030 સુધીમાં વિશ્વની ત્રીજી સૌથી મોટી અર્થવ્યવસ્થા બનવાની સંભાવના છે, જે 7300 બિલિયન ડોલરના જીડીપી સાથે જાપાનને પાછળ છોડી દેશે. આ સાથે જ તે એશિયાની બીજી સૌથી મોટી અર્થવ્યવસ્થા બની જશે. તેમ એક અહેવાલમાં જણાવાયું છે.
એસ એન્ડ પી ગ્લોબલ ઈન્ડિયા મેન્યુફેક્ચરિંગએ તેના નવીનતમ પરચેઝિંગ મેનેજર્સ ઈન્ડેક્સમાં આ વાત કહી છે. 2021 અને 2022માં બે વર્ષની ઝડપી આર્થિક વૃદ્ધિ પછી, ભારતીય અર્થતંત્ર 2023 નાણાકીય વર્ષમાં મજબૂત વૃદ્ધિ દર્શાવવાનું ચાલુ રાખવા માટે તૈયાર છે. આ નાણાકીય વર્ષમાં જીડીપી ગ્રોથ 6.2-6.3% રહેશે.
7.3 ટ્રીલિયન ડોલરના જીડીપી સાથે ભારત જાપાનને પણ પાછળ છોડી એશિયાની બીજી સૌથી મોટી અર્થવ્યવસ્થા બનવાની શકયતા
ભારતનું ગ્રોસ ડોમેસ્ટિક પ્રોડક્ટ માર્ચ 2024માં પૂરા થતા નાણાકીય વર્ષમાં 6.2-6.3 ટકા વધવાની ધારણા છે. આ સાથે ભારતીય અર્થવ્યવસ્થા આ નાણાકીય વર્ષમાં સૌથી ઝડપથી વિકસતી મુખ્ય અર્થવ્યવસ્થા બની જશે. એપ્રિલ-જૂન ક્વાર્ટરમાં એશિયાની ત્રીજી સૌથી મોટી અર્થવ્યવસ્થાનો વિકાસ દર 7.8 ટકા હતો.
એસએન્ડપી ગ્લોબલે જણાવ્યું હતું કે, નજીકના ગાળાના આર્થિક આઉટલૂક પ્રોજેક્ટ્સ 2023ના બાકીના સમયમાં અને 2024 સુધી મજબૂત વિસ્તરણ ચાલુ રાખશે. જે સ્થાનિક માંગમાં મજબૂત વૃદ્ધિ પર આધારિત છે. વર્તમાન ભાવે ભારતનો જીડીપી, યુએસ ડોલરના સંદર્ભમાં માપવામાં આવે છે, જે 2022માં 3500 બિલિયન ડોલરથી વધીને 2030 સુધીમાં 7300 બિલિયન ડોલર થવાનો અંદાજ છે. આર્થિક વિસ્તરણની આ ઝડપી ગતિના પરિણામે, 2030 સુધીમાં ભારતીય જીડીપીનું કદ જાપાન કરતા વધી જશે, જે ભારત એશિયા-પેસિફિક ક્ષેત્રમાં બીજા નંબરનું સૌથી મોટું અર્થતંત્ર બનશે.
હાલ અમેરિકાનું અર્થતંત્ર ટોચ ઉપર
હાલમાં, અમેરિકા 25,500 બિલિયન યુએસ ડોલરની જીડીપી સાથે વિશ્વની સૌથી મોટી અર્થવ્યવસ્થા છે. આ પછી, 18000 બિલિયન યુએસ ડોલર સાથે ચીન બીજા નંબરની સૌથી મોટી અર્થવ્યવસ્થા છે અને જાપાન 4200 બિલિયન યુએસ ડોલર સાથે ત્રીજી સૌથી મોટી અર્થવ્યવસ્થા છે. તે જ સમયે, 2022 સુધીમાં, ભારતીય જીડીપીનું કદ બ્રિટન અને ફ્રાન્સના જીડીપી કરતા મોટું થઈ જશે. ભારતનો જીડીપી 2030 સુધીમાં જર્મની કરતાં વધી જવાની ધારણા છે.
2030 સુધીમાં ભારત જર્મનીનો પણ ઓવરટેક કરી શકે છે
એસ એન્ડ પી નો અંદાજ છે કે ભારતનો જીડીપી 2030 સુધીમાં જર્મની કરતાં વધી જશે. ઉલ્લેખનીય છે કે ગયા વર્ષે જ ભારતે બ્રિટનને પછાડીને વિશ્વની પાંચમી સૌથી મોટી અર્થવ્યવસ્થા બની હતી.હવે ભારત 2030 સુધીમાં જર્મનીને પણ પાછળ છોડી શકે છે.
