સ્કિલ, સ્થાનિક ઉધમતા, ભરોસાથી વિદેશી રોકાણ સાથે ટૂંક સમયમાં જ ત્રણ ટ્રીલીયનમાંથી 30 ટ્રીલીયન ડોલરનું અર્થતંત્ર બની જશે આપણો દેશ
અબતક, રાજકોટ
વિશ્વની સૌથી મોટી લોકશાહીનું માન ધરાવતા ભારતને હવે સૌથી મોટી આર્થિક મહાસત્તા બનતા કોઇ રોકી નહી શકે. ઉધમ, કૌશલ્ય, ખેતી, ઔદ્યોગીક વિકાસ અને નિકાસને સાથે સ્થાનિક વપરાશ અને ભરોસાને કારણે વિદેશી મૂડી રોકાણ અને સાક્ષરતાના કારણે ભારત ટૂંક સમયમાં સંપૂર્ણ ગરીબીમુક્ત દેશ બની જશે. સીંગાપુરમાં ફોર્બ્સ વૈશ્ર્વિક સીઇઓ પરિષદમાં ગૌતમ અદાણીએ વિશ્ર્વાસ વ્યક્ત કર્યો છે કે દેશને ત્રણ ટ્રીલીયનમાંથી 30 ટ્રીલીયનનાં અર્થતંત્રના લક્ષ્યને પહોંચી વળવા હવે અઘરૂં નહીં લાગે, ગૌતમ અદાણીએ તેમના વ્યક્તવ્યમાં જણાવ્યું હતું કે 20મી ફોર્બ્સ ગ્લોબલ સીઇઓ પરિષદમાં હાજરી મારા માટે ગૌરવની બાબત છે. ત્રણ વર્ષના અંતરાલ બાદ આજે પૂર્વવત બેઠકથી મને આનંદ થાય છે. વર્ચ્યુઅલ મિટીંગો માટે ગુગલ સાથે ઝૂમિંગ ઇન અને આઉટ અથકવા તો માઇક્રોસોફ્ટ સાથે ટીમિંગના કારણે મને એવું લાગતું હતું કે હું કાયમ માટે ક્લાઉડમાં છું. શ્રોતાઓ અને તેમના બપોરના ભોજન વચ્ચે હું ધરતી પર હકીકતમાં જ્યાં ઊભો રહી શકું ત્યાં આપણે પરત ફર્યા તે જોઈને હું વધુ ખુશ થઈ શકતો નથી.
માત્ર 36 મહિનામાં આપણી દુનિયા બદલાઈ જશે એવી કોણે કલ્પના કરી હશે ? માંગમાં સમાંતર ઉછાળો – અને – સંકુચિત પુરવઠાથી સર્જાયેલી અભૂતપૂર્વ જટિલતા છેલ્લા ચાલીસ વર્ષોમાં અદ્રશ્ય ફુગાવાના સ્તર તરફ દોરી જાય છે. અનેક ફેડરલ બેંકો અકલ્પ્યનિય કામકાજ કરી રહી છે વ્યાજ દરો એટલા વધારી દે છે કે તેઓ અર્થતંત્રને મંદીમાં ધકેલી શકે છે. આ આજની વાસ્તવિકતા છે.
યુદ્વ જેવી સ્થિતિમાં સરહદ પાર સારી રીતે અસર કરે છે, ક્લાયમેટ ચેન્જના પડકારોને વેગ આપે છે અને ભવિષ્યના રોગચાળા અંગેની અનિશ્ચિતતા બધુ મળીને અર્થાત આપણે અનિશ્ચિત વમળોમાં છીએ. અને આ કથાના સઢ હજુ ખુલી રહ્યા છે. જે તમામ રાષ્ટ્રની ઇકોસિસ્ટમના મોટા પાયે પુન:જોડાણ તરફ દોરી રહ્યા છે.આપણે તેને નાટોના નવા સભ્યો ઉમેરવાની બહાલી, પશ્ચિમ એશિયામાં અબ્રાહમ સમજૂતીમાંથી બહાર આવી એક રિંગફેન્સ્ડ મધ્ય એશિયા પોતાના ભાગ્ય પર વધુ નિયંત્રણ રાખવા માંગે છે, એવું ઘણું આપણે સાથે જોયું છે. આપણે ઓળખી લેવું જોઈએ કે હવે બહુધ્રુવીય વિશ્વમાં સંક્રમણ સાથે ભૌગોલિક રાજકીય જોડાણોના નવા સમૂહના આપણે સાક્ષી છીએ.વધુ આત્મનિર્ભરતા, ઘટાડેલી સપ્લાય ચેઇનના જોખમો અને મજબૂત રાષ્ટ્રવાદ પર આધારિત વૈશ્વિક જોડાણના નવા સિદ્ધાંતો હાં આગળ જોઇ રહ્યો છું. કેટલાકે આને ‘ડીગ્લોબલાઇઝેશનની વધતી ભરતી’ ગણાવી છે.
ભારત વિશે હવે વાત કરું તો કબૂલ કરનાર હું પ્રથમ વ્યક્તિ હોઈશ કે આપણે હજુ ઘણું કરવાનું છે. હું એ પણ દાવો કરું છું કે ભારતની લોકશાહીનો સાર તેની અપૂર્ણતામાં રહેલો છે. જે લોકો જે ભારતને અપૂર્ણ તરીકે જુએ છે તે એક સમૃદ્ધ અને ઘોંઘાટભરી લોકશાહીને પ્રતિબિંબિત કરે છે. તેમની અપૂર્ણતાઓને દેખાડવા માટે અવાજ ઉઠાવવા માત્ર મુક્ત લોકો જ પરવડી શકે છે.
ભારતનો વાસ્તવિક વિકાસ હમણાં જ શરૂ થઈ રહ્યો છે કારણ કે તે આ વર્ષે તેની સ્વતંત્રતાના 75માં વર્ષથી આઝાદીના 100માં વર્ષ તરફ જઇ રહ્યો છે. આપણો દેશ આ સમયગાળાને અમૃત કાલ કહે છે એટલે જ એક સારી આવતીકાલની શરૂઆત માટેનો આ સંપૂર્ણ સમયગાળો છે.
હવે આગામી 25 વર્ષની કલ્પના કરું તો આ સમયગાળા દરમિયાન, ભારત સાક્ષરતાનું આરામથી 100% સ્તર ધરાવતો દેશ બની જશે. ભારત પણ 2050 પહેલા ગરીબી મુક્ત હશે. આપણે 2050માં પણ માત્ર 38 વર્ષની સરેરાશ વય ધરાવતો દેશ હશું અને વિશ્વમાં સૌથી વધુ વપરાશ કરતા મધ્યમ વર્ગ ધરાવતો દેશ હશું. 1.6 બિલિયન લોકોના વપરાશના તીવ્ર સ્કેલને જોતાં વિદેશી સીધા રોકાણના ઉચ્ચતમ સ્તરને આકર્ષનાર દેશ પણ આપણે બનીશું.આપણે દેશ એવો હશે જે 3 ટ્રિલિયન-ડોલરની અર્થવ્યવસ્થામાંથી 30 ટ્રિલિયન-ડોલરની અર્થવ્યવસ્થામાં જશે, શેરબજારમાં 45 ટ્રિલિયન ડોલરની મૂડી ધરાવતો દેશ હોવા સાથે વિશ્વમાં તેના સ્થાન ઉપર સર્વોચ્ચ વિશ્વાસ ધરાવતો દેશ હશે.
એક ગૃપ તરીકે અમે આગામી દાયકામાં 100 અબજ ડોલરથી વધુ મૂડીનું રોકાણ કરીશું. અમે આ રોકાણના 70% એનર્જી ટ્રાન્ઝિશન સ્પેસ માટે ફાળવ્યા છે. પહેલાથી જ અમે વિશ્વના સૌથી મોટા સોલર પ્લેયર રહ્યા છીએ, અમે ઘણું બધું કરવા માગીએ છીએ. આ સંદર્ભમાં, અદાણી ન્યૂ ઇન્ડસ્ટ્રીઝ એનર્જી ટ્રાન્ઝિશન સ્પેસમાં અમે જે ભૂમિકા અદા કરી રહ્યા છીએ તે તેની અભિવ્યક્તિ છે. સંકલિત હાઇડ્રોજન આધારિત મૂલ્ય શ્રેણીમાં 70 અબજ ડોલરનું રોકાણ કરવા અમે સંકલ્પબધ્ધ છીએ.
ત્યાર પછી ડિજિટલ ટ્રાન્સફોર્મેશનની સ્પેસમાં અમારી મહત્વાકાંક્ષા પણ એનર્જી ટ્રાન્ઝીશનની સંલગ્નતાથી લાભ મેળવવાની છે.
ભારતીય ડેટા સેન્ટર માર્કેટમાં વિસ્ફોટક વૃદ્ધિ જોવા મળી રહી છે. આ સેક્ટર વિશ્વના અન્ય કોઈપણ ઉદ્યોગ કરતાં વધુ ઊર્જા વાપરે છે અને તેથી ગ્રીન ડેટા સેન્ટર્સ બનાવવાનું અમારું પગલું એક ગેમ ચેન્જીંગ તફાવતકારક છે.અમે અમારા બંદરો પર દોરેલા ક્ષેત્રિય અને વૈશ્વિક સ્તરે જોડેલા અન્ડરસી કેબલ્સની હારમાળા દ્વારા આ ડેટા સેન્ટરોને એકબીજા સાથે જોડીશું
