પેનલ્ટી શૂટઆઉટમાં કુવૈતને હરાવીને ભારત નવમી વખત સાફ ચેમ્પિયન બન્યું

અગાઉ ભારતીય ટીમ 1993, 1997, 1999, 2005, 2009, 2011, 2015, 2021માં જીતી ચૂકી છે

ભારત અને કુવૈત વચ્ચે સાફ ચેમ્પિયનશિપ 2023 ની ફાઇનલ મેચ બેંગલુરુમાં રમાઈ હતી. આ મેચમાં બંને ટીમો વચ્ચે ટક્કરની મેચ જોવા મળી. હાફ ટાઈમ સુધી મેચ 1-1 થી બરાબર રહી હતી. આ પછી મેચનું પરિણામ પેનલ્ટી શૂટ આઉટથી થયું. તેને સુનીલ છેત્રીના નેતૃત્વમાં રમી રહેલી ટીમ ઈન્ડિયાએ આ જીતમેળવી હતી. ભારતે પેનલ્ટી શૂટઆઉટમાં 5-4થી જીતમેળવી હતી. ભારતીય ફૂટબોલ ટીમે નવમી વખત સાફ ચેમ્પિયનશિપ જીતી છે. આ અગાઉ ભારતીય ટીમ 1993, 1997, 1999, 2005, 2009, 2011, 2015, 2021માં જીતી ચૂકી છે.

ભારતીય ફુટબોલ ટીમએ સુનીલ છેત્રીના નેતૃત્વમાં ફાઇનલ મેચમાં કુવૈતને પેનલ્ટી શૂટ-આઉટમાં 5-4થી હરાવ્યું હતું. જીતનો હીરો ગોલકીપર ગુરપ્રીત સંધુ રહ્યો. તેણે પેનલ્ટી બચાવીને ભારતને ચેમ્પિયન બનાવ્યું. આ સાથે ભારત નવમી વખત સાફ ચેમ્પિયનશિપનું વિજેતા બન્યું છે. નિયમિત સમય અને ઈજા અને વધારાના સમયમાં બંને ટીમો 1-1થી બરાબરી પર હતી. આ પછી મેચ પેનલ્ટીમાં ગઈ જ્યાં ભારતીય ગોલકીપર ગુરપ્રીત સંધુ દિવાલ બનીને ઉભો રહ્યો અને જીતનો હીરો બન્યો.

બંને ટીમો પહેલા હાફમાં કરેલા ગોલને આગળ વધારી શકી ન હતી અને ત્યાર બાદ બંને ટીમો વચ્ચેની મેચ એકસ્ટ્રા ટાઇમમાં જતો રહ્યો. આ મેચની શરૂઆતમાં કુવૈતનો દબદબો જોવા મળ્યો હતો. કુવૈતે 14મી મિનિટે સારો દેખાવ કર્યો હતો. તેના વતી અબ્દુલ્લા અલબાલુશીએ ગોલ કર્યો હતો. આ પછી ભારતીય ટીમે કુવૈત પર એટેક કર્યો. ત્યારપછી લલિયાન્ઝુઆલા ચાંગટેએ 39મી મિનિટે ભારતીય ટીમને બરાબરી પર પહોંચાડી દીધી હતી.