રૂ.1,80,600નો મુદામાલ કબ્જે કરતી લોકલ ક્રાઇમ બ્રાન્ચ પોલીસ : બુટલેગર ફરાર
અંજાર તાલુકાના વર્ષામેડી પાસેથી ગાંધીધામ એલ.સી.બી.એ ગત મોડી રાત્રે દૂધની આડમાં દારૂની હેરાફેરી થતી હોવાની બાતમી આધારે છોટા હાથી વાહનમાં અમુલ દૂધના કેરેટમાંથી વિદેશી દારૂની 228 બોટલો મળી કુલ રૂ. 1,80,600 નો મુદ્દામાલ ઝડપી પાડ્યો છે.
આ અંગે પ્રાપ્ત વિગતો મુજબ ગાંધીધામ એલ.સી.બી.ની ટિમ ગત રાત્રે અંજાર વિસ્તારમાં પેટ્રોલિંગમાં હતી. ત્યારે અંજાર તાલુકાના વર્ષામેડી ગામના ગેટ પાસે ઉભા હતા. ત્યારે તેમને બાતમી મળતા એલસીબી દ્વારા વર્ષામેડી ગામમાં પ્રવેશતા સામે છોટા હાથી જી.જે.08. વાય. 8474 સાથે ઉભેલો સચીન ઉર્ફે બાડો સાકરાભાઈ રબારી પોલીસની ગાડી જોઈ અંધારી ગલીમાં અલોપ થઈ ગયો હતો.
આ રેડ દરમ્યાન ભારતીય બનાવતનો વિદેશી દારૂ અમુલ દૂધના પીળા કેરેટ નંગ 16 અને 228 નંગ મેકડોવેલ્સ વિસકીની બોટલનો જથ્થો અને છોટાહાથી સહિત કુલ રૂ. 1 લાખ, 80 હજાર 600નો મુદામાલ કબ્જે કર્યો છે અને બુટલેગર સચિનની શોધખોળ હાથ ધરી છે.
