તાઉતે વાવાઝોડા બાદ ‘યાસ’ વાવાઝોડાનો ખતરો વધી રહ્યો છે. યાસ વાવાઝોડાનું પશ્ચિમ બંગાળ અને ઉત્તરી ઓડિશાના દરિયાકાંઠાના વિસ્તારોમાં જોખમ છે. હવામાન વિભાગ (IMD)એ 24 કલાકની અંદર વાવાઝોડામાં તીવ્ર ફેરવાશે તેવી આગાહી કરી છે. હવામાન વિભાગના જણાવ્યા અનુસાર, યાસ વાવાઝોડાને કારણે ઓડિશા અને પશ્ચિમ બંગાળના કાંઠાળ વિસ્તારોમાં આજે ભારે પવન સાથે ભારે વરસાદની સંભાવના છે.
At 0830 IST, SCS ‘Yaas’ about 280 km south-southeast of Paradip. To intensify further and cross north Odisha-West Bengal coasts between Paradip and Sagar Island close to north of Dhamra and south of Balasore, during noon of Wednesday, the 26th May as a Very Severe Cyclonic Storm. pic.twitter.com/U03UVjILj9
— India Meteorological Department (@Indiametdept) May 25, 2021
ઓડિશા સરકારે યાસ વાવાઝોડાને ધ્યાનમાં રાખીને પશ્ચિમ બંગાળની સરહદ બાલાસોર જિલ્લામાં બચાવકર્મીઓની એક મોટી ટુકડી મોકલી છે. વિશેષ રાહત કમિશનર (એસઆરસી) પી કે જેનાએ જણાવ્યું હતું કે, હવામાન વિભાગ તરફથી મળેલી માહિતીના આધારે ઓડિશા સરકાર રાજ્યમાં વાવાઝોડાના આગમન જોતાં તમામ પગલાં લઈ રહી છે. જેનાએ જણાવ્યું હતું કે, યાસ બે થી 4. 5 મીટરની ઉચી લહેરો ઉઠી રહી છે જેને જોતા નીચાણવાળા વિસ્તારોવાળા લોકોને સલામત સ્થળે ખસેડવા પગલાં લેવામાં આવી રહ્યા છે.
ઓડિશાના મયૂરભંજ જિલ્લા અને પશ્ચિમ બંગાળના પૂર્વ મેદિનીપુર અને દક્ષિણ 24 પરગના જિલ્લામાં પવનની ગતિ 100-120 કિ.મી પ્રતિ કલાકથી વધીને 145 કિ.મી પ્રતિકલાકની હોઈ શકે છે. ઓડિશાના પુરી, કટક,ખુર્દા અને જાજપુર જિલ્લા તથા પશ્ચિમ બંગાળના ઝારગ્રામ,પશ્ચિમ મેદનીપુર અને ઉત્તર 24 પરગના જિલ્લાઓમાં હવાની ગતી 80-90 કિ.મીથી 110 કિ.મી. સુધી પહોંચી શકે છે.
LIVE: ‘વાવાઝોડા પર પળપળેની નજર, ઓડિશા અને પશ્ચિમ બંગાળમાં ‘યાસ’ના આગમનથી ‘તબાહી’ની શરૂઆત
https://www.abtakmedia.com/live-hurricane-like-glimpse-arrival-of-yas-in-odisha-and-west-bengal-marks-the-beginning-of-catastrophe/
હવામાન વિભાગે માછીમારોને આગલી સૂચના સુધી સમુદ્રમાં ન જવાની સલાહ આપી છે. દક્ષિણ પૂર્વી રેલ્વેએ બુધવાર સુધીમાં અનેક પેસેન્જર સ્પેશિયલ ટ્રેનો રદ કરવાની પણ જાહેરાત કરી છે.
આ પણ વાંચો:
યાસ વાવાઝોડાના આગમન પહેલા પૂર્વીય મેદિનીપુર જિલ્લાના દીઘા વિસ્તારને ખાલી કરી દેવાયો
