હાલમાં લગ્નસરાની મોસમ ચાલી રહી છે તો સાથે જ કોલેજમાં પણ પરીક્ષાઓ ચાલી રહી છે જેમાં મોરબી ખાતે આ નવવધુના 26 એપ્રિલના લગ્ન હતા અને સાથે જ તેની પરીક્ષાનું પેપર પણ હતું ત્યારે યુવતી પાનેતરમાં સુસજ્જ બનીને પરીક્ષા આપવા પહોંચી હતી.
જિંદગી ની પરીક્ષા માં તો આગળ જઈને પાસ થવાનુ જ છે પણ તે પહેલાં ભણતર ની પરીક્ષા માં પણ પાસ થવું છે તેવું માનતી ખુશાલી આજરોજ લગ્નના પોશાકમાં પી.જી પટેલ કોલેજ પહોંચીને M.COM. ની પરીક્ષા આપી હતી એક જ દિવસે પરીક્ષા અને લગ્ન હોય ત્યારે બને જવાબદારી ખુશાલી એ નિભાવી હતી. જેમાં પ્રોત્સાહન આપતા યુવતીના ભાવિ પતિએ કહ્યું હતું કે “તું પરીક્ષા આપ જાન હું રોકીને રાખીશ” ત્યારે આ યુગલ વિદ્યાર્થીઓ માટે અને જે પરિવારો છે કે નવવધુઓ ને અભ્યાસ કરવાથી રોકતા હોય છે તેવા પરિવારો માટે પણ પ્રેરણારૂપ બન્યું છે.
મોરબીની પી. જી. પટેલ કોલેજમાં અભ્યાસ કરતા ખુશાલી ચાવડા કે જેઓના આજે લગ્ન હતા અને સાથે સાથે m. com semester– 4 ની પરીક્ષા પણ હતી ત્યારે આવી સ્થિતિ વચ્ચે તેઓ પાનેતર પહેરીને પરીક્ષા દેવા પહોંચ્યા હતા અને તમામ લોકો ચોંકી ગયા હતા. સંસારની પરીક્ષા પહેલા ભણતરની પરીક્ષા આપનાર ખુશાલીબેન આ તકે, જણાવ્યું કે આવી સ્થિતિ વચ્ચે પરીક્ષા આપવા માટે આવવું થોડું મુશ્કેલ હતું અને માતા પિતા એ પણ એક તકે કહી દીધું હતું કે લગ્ન જરૂરી છે પરંતુ ભાવિ પતી અને શિક્ષકો ના સાથ મળ્યા બાદ પરિવારનો પણ સાથ મળ્યો હતો. તેમજ તેમના ભાવી પતી રાજ જોષી એ તો જણાવ્યું હતું કે, તું પરીક્ષા આપ હું જાન રોકી ને રાખીશ ત્યારે તેઓના આ વલણ ને કારણે આ બધું શક્ય બન્યું અને આ સાથે બીજા વાલીને વિનંતી કરતા કહ્યું કે દીકરીઓને શિક્ષણ માટે પૂરતો સાથ આપે. આમ ખુશાલીબેન તમામ વિદ્યાર્થી માટે પ્રેરણાદાયક ઉદાહરણ પૂરું પાડ્યું હતું.
સાથે જ પરીક્ષા આપનાર યુવતીના ભાવિ પતી રાજ જોષી એ જણાવ્યું હતું કે કોઈ દીકરી ને આપણે આપણા ઘરે લઈને આવતાં હોય તો તેના મન ની ઈચ્છાઓને મારવી ન જોઈએ આપણે તેના મન પર હક જતાવી શકતા નથી અને દરેક પરિવારે આ રીતે વર્તવું જોઈએ.
