ગોંડલ સંપ્રદાયના પૂ.ધીરગુરુદેવનું આજે બુધવારે સાંજે ૮:૩૦ કલાકે રાયજીબાગ ખાતે કોમ્યુનિટી હોલમાં સુખની શોધમાં વિષય પર પ્રવચન યોજાશે. જયારે તા.૭ને ગુરુવારે સવારે ૮ કલાકે જગમાલ ચોક ખાતે જૈન ભવનમાં મંગલપ્રવેશ અને ૯ કલાકે સમુહ ભકતામર અને ૯:૩૦ કલાકે એકશન ટુ રીએકશન વિષય પર પ્રવચન યોજાયેલ છે. જયારે આજે તા.૬ને બુધવારે સવારે ૯ કલાકે સવિતાબેન પ્રાણલાલ પંચમીયા પ્રેરિત વડીલ વંદના ગૃહ ખાતે પ્રવચનમાં પૂ.ધીરગુરુદેવે જણાવેલ કે, વૃદ્ધાશ્રમમાં મોકલનાર પરિવારજનનો દોષનથી. પોતાના કર્મના ઉદયે બન્યું છે. તેવી વિચારણા કરવી. તેમજ જીવનમાં ન રડો, ન નડો ના સુત્રને આત્મસાત કરવું જરૂરી છે. મુખ્યદાતા પરીવારનો અને દર વર્ષે ૨-૩ મહિના વસતા અશ્વીનભાઈ અને સરોજબેન પંચમીયાનું મોમેન્ટોથી સન્માન શોભાએ કરેલ. વડીલોએ ભકિતગીતોથી ભાવસભર વાતાવરણ બનાવ્યું હતું.
