ભગવતિપરામાં શંકાશીલ પતિએ પત્ની અને સાળીને છરી ઝીંકી

અબતક, રાજકોટ
જંગલેશ્ર્વરમાં એકતા કોલોની-4 માં રહેતી હુશેનાબેન હુશેનભાઇ કટારીયા નામની પરિણીતાએ તેના પતિ હુશેન સતારભાઇ કટારીયા સામે છરીથી હુમલો કરી જાનથી મારી નાખવાની ધમકી આપ્યાની પોલીસમાં ફરીયાદ નોંધાવી છે. ગત તા. ર7ના પિયરમાં કહાનીનો ધાર્મિક કાર્યક્રમ હોવાથી પતિ તેણીને પિયર મુકી ગયો હતો. દરમિયાન તેણી પિયરમાં હતી ત્યારે પતિ પોતાને તેડવા આવ્યો હતો, પરંતુ પતિ અવાર નવાર ચારિત્ર પર શંકા કરી હેરાન કરતો હોય જેથી એ સાથે આવવાની ના પાડી હતી. તેથી તે ગાળો દેવા દેવાનું ચાલુ કર્યુ હતું. જેથી નાની બહેન ફરીદા અને માતા હાલુબેન દોડી આવ્યા હતા બહેને ગાળો બોલવાની ના પાડતા ઉશ્કેરાયેલા પતિએ છરી કાઢી બહેનને માથામાં એક ઘા ઝીંકી દીધો હતો. બહેનને બચાવવા જતા મને પણ છરી ઝીંકી દીધી હતી. માતા વચ્ચે પડતા તેમને જાનથી મારી નાખવાની ધમકી આપી હતી. બી ડીવીઝન પોલીસે ફરીયાદ નોંધી, હુશેન સતારભાઇ કટારીયાની શોધખોળ હાથ ધરી છે. આ કેસની વિશેષ તપાસ પી.એસ.આઇ. પી.બી. ત્રાજીયા ચલાવી રહ્યા છે.