નામ , સરનામાને લઇ આધારમાં સુધારો કરવો છે તો અઠવાડિયામાં જ કરી લ્યો

આધાર ધારકોએ 14મી સપ્ટેમ્બર પછી આધાર અપડેટ કરવા માટે 25 રૂપિયાની ફી ચૂકવવી પડશે.

આધાર કાર્ડ ધારકોને વસ્તી વિષયક માહિતીની ચોકસાઈ જાળવી રાખવા માટે આધાર માહિતી અપડેટ કરવા વિનંતી કરી રહી છે. તેને અપડેટ કરવા માટે, તમારી ઓળખનો પુરાવો અને સરનામાના દસ્તાવેજોનો પુરાવો અપલોડ કરો. આ કાર્ય મહત્વપૂર્ણ છે, તેથી યુઆઈડીએઆઈએ 15 માર્ચથી 14 સપ્ટેમ્બર, 2023 સુધી દસ્તાવેજોને મફત ઓનલાઈન અપલોડ કરવાની મંજૂરી પણ આપી છે. અગાઉ છેલ્લી તારીખ 14 જૂન, 2023 હતી. ત્યારબાદ તેને 14 સપ્ટેમ્બર સુધી લંબાવવામાં આવી હતી અને હવે છેલ્લા કેટલાક દિવસો જ બાકી છે.

એક તરફ જ્યાં લોકોને ફ્રીમાં અપડેટ કરવાની તક આપવામાં આવી છે, તો બીજી તરફ આધાર કેન્દ્ર પર જઈને ત્યાં બેઠેલા લોકો પાસેથી ડોક્યુમેન્ટ્સ અપડેટ કરાવવા પર 50 રૂપિયાનો ચાર્જ લેવામાં આવશે. યુઆઈડીએઆઈ વેબસાઈટ અનુસાર, ‘વસ્તી વિષયક માહિતીની ચોકસાઈ ચાલુ રાખવા માટે આધાર અપડેટ કરો. તેને અપડેટ કરવા માટે, તમારી ઓળખનો પુરાવો અને સરનામાના દસ્તાવેજોનો પુરાવો અપલોડ કરો. આધાર માટે ઓળખ અને સરનામા માટે અપડેટ કરાયેલ સહાયક દસ્તાવેજો જીવનની સરળતા, સારી સેવા વિતરણ અને સચોટ પ્રમાણીકરણને સક્ષમ કરે છે. તેથી, તાજેતરના ઓળખ અને સરનામાના દસ્તાવેજો સબમિટ કરવા આધાર નંબર ધારકના હિતમાં છે.

આધાર કાર્ડ આજના સમયમાં ખૂબ જ મહત્વપૂર્ણ દસ્તાવેજ છે. બેંકમાં ખાતું ખોલાવવાનું હોય કે મોબાઈલ સિમ લેવાનું હોય, દરેક જગ્યાએ આધાર કાર્ડ જરૂરી છે. એટલું જ નહીં જો તમે સરકારી યોજનાઓનો લાભ લેવા માંગતા હોવ તો આધાર કાર્ડ પણ જરૂરી રહેશે. જો આધાર કાર્ડમાં કંઇક ખોટું થાય તો આપણા ઘણા કામ અટકી શકે છે. આ દરમિયાન આધારને લઈને એક મોટું અપડેટ સામે આવ્યું છે. જો તમે તમારા આધારમાં કંઈપણ અપડેટ કરવા માંગો છો, તો તમે તેને 14 સપ્ટેમ્બર પહેલા મફતમાં કરી શકો છો. આ પછી, તમારે આધાર અપડેટ માટે ચૂકવણી કરવી પડશે.

જો તમે 14 સપ્ટેમ્બર સુધી આધાર અપડેટ નહીં કરો તો તે પછી તમારે તેને અપડેટ કરવા માટે પૈસા ચૂકવવા પડશે. આધાર ધારકોએ 14મી પછી આધાર અપડેટ કરવા માટે 25 રૂપિયાની ફી ચૂકવવી પડશે. તમને જણાવી દઈએ કે મફત આધાર અપડેટ સેવા ફક્ત MyAadhaar પોર્ટલ પર જ ઉપલબ્ધ છે. જો તમે આધાર કેન્દ્ર પર જઈને તમારું આધાર ફિઝિકલી અપડેટ કરો છો તો તમારે ફી ચૂકવવી પડશે. પરંતુ તમે 14 સપ્ટેમ્બર સુધી ઓનલાઈન માધ્યમથી મફતમાં આધાર અપડેટ કરી શકો છો.

આ રીતે આધાર કાર્ડ ઓનલાઈન અપડેટ કરો

• વેબસાઇટ https://myaadhaar.uidai.gov.in/ પર જાઓ .
• હવે તમારો આધાર નંબર એન્ટર કરીને વેબસાઈટ પર લોગીન કરો.
• પ્રોફાઇલ પર ક્લિક કરીને તમારા સરનામાંની વિગતો તપાસો.
• જો તમારી વિગતો સાચી નથી, તો તમારે ડ્રોપ-ડાઉન મેનૂમાંથી તમારો ID પ્રૂફ દસ્તાવેજ પસંદ કરવો પડશે
• હવે તમારે ID પ્રૂફ ડોક્યુમેન્ટ અપલોડ કરીને સબમિટ કરવાનું રહેશે.