ઉનાળામાં ત્વચા અને વાળને લગતી ઘણી સમસ્યાઓ થઈ શકે છે. આ સમય દરમિયાન, સૂર્યપ્રકાશ, ધૂળ અને પરસેવાના કારણે, વાળ ખૂબ જ શુષ્ક અને નિર્જીવ થઈ જાય છે. વાળને સ્વસ્થ રાખવા માટે તમારા આહારની સાથે સાથે વાળની સંભાળ પર પણ ધ્યાન આપવું જરૂરી છે.
હેર માસ્ક વાળના વિકાસ માટે ખૂબ જ ફાયદાકારક માનવામાં આવે છે. આવી સ્થિતિમાં, તમે ઘરે બનાવેલા હેર માસ્કનો ઉપયોગ કરી શકો છો. અહીં જુઓ મેથીના દાણામાંથી બનેલો આ જાદુઈ માસ્ક કેવી રીતે બનાવવો અને તેનો ઉપયોગ કેવી રીતે કરવો.
આ પેક બનાવવા માટે તમારે જરૂર છે-
મેથીના દાણા
દૂધ
એલોવેરા જેલ
નાળિયેર તેલ
પેક કેવી રીતે બનાવવું
આ પેક બનાવવા માટે સૌ પ્રથમ એક બાઉલમાં મેથીના દાણા લો અને પછી તેને જરૂર મુજબ પાણીમાં પલાળી દો. આખી રાત પલાળી રાખ્યા બાદ સવારે તેમાં દૂધ ઉમેરો અને પછી તેને બ્લેન્ડરમાં નાખીને પીસી લો. જ્યારે પેસ્ટ તૈયાર થઈ જાય, ત્યારે તેમાં એલોવેરા જેલ અને નારિયેળ તેલ ઉમેરો. બરાબર મિક્ષ કર્યા પછી તે તૈયાર છે.
કેવી રીતે એપ્લાઇ કરવું
જો તમે વાળના વિકાસ માટે પેક લગાવતા હોવ તો પહેલા તમારા વાળ ધોઈ લો. આ સૌથી જરૂરી છે જેથી માથાની ચામડીમાં ફસાયેલી ગંદકી બહાર આવી શકે. જ્યારે વાળ સહેજ ભીના રહી જાય, ત્યારે આ પેકને સંપૂર્ણપણે માથાની ચામડી અને વાળની લંબાઈ પર લગાવો. તેને ઓછામાં ઓછા 30 મિનિટ સુધી રહેવા દો. પછી શેમ્પૂથી વાળ ધોઈ લો.