સફાઈ દરમિયાન આ વસ્તુઓ મળે તો સમજો શુભ સંકેત

Diwali 2024 : દિવાળી થોડા દિવસોમાં આવી રહી છે અને દરેક ઘરમાં દિવાળીની સફાઈનું કામ પૂરજોશમાં ચાલી રહ્યું છે. ત્યારે ધાર્મિક માન્યતાઓ અનુસાર, દિવાળીની સફાઈ દરમિયાન કેટલીક વસ્તુઓ મળવી ખૂબ જ શુભ માનવામાં આવે છે.

દશેરા પૂરા થતાંની સાથે જ દરેક ઘરમાં રોશનીનો તહેવાર દિવાળીની તૈયારીઓ શરૂ થઈ જાય છે. ત્યારે ઘણીવાર લોકો દિવાળીના ઘણા દિવસો પહેલા ઘરની સફાઈ શરૂ કરી દે છે અને પછી સજાવટ કરવામાં આવે છે. દિવાળી પર બજારોમાં ભારે ઉત્તેજના જોવા મળી રહી છે. દિવાળીને હવે ગણતરીના દિવસો જ બાકી રહ્યા છે. ત્યારે આ વર્ષે દિવાળી 31મી ઓક્ટોબર અથવા 1લીના રોજ ઉજવવામાં આવશે. જો કે, આ વખતે દિવાળીની તારીખને લઈને મૂંઝવણ છે.

વાસ્તુશાસ્ત્ર અને જ્યોતિષમાં દિવાળીની સ્વચ્છતા સાથે જોડાયેલી ખાસ વાતો જણાવવામાં આવી છે. આ પ્રમાણે જો દિવાળીની સફાઈ દરમિયાન કેટલીક ખાસ વસ્તુઓ જોવા મળે તો તેને શુભ માનવામાં આવે છે. તેમજ આ વસ્તુઓ મળવાથી સંકેત મળે છે કે દેવી લક્ષ્મી તમારા પર મહેરબાન છે અને તમને ભવિષ્યમાં ઘણો ધન પ્રાપ્ત થવાનો છે. આવો જાણીએ દિવાળીની સફાઈ દરમિયાન કઈ વસ્તુઓને શુભ માનવામાં આવે છે.

પૈસા

ઘણી વખત આપણે કપડાના ખિસ્સા કે પર્સમાં પૈસા રાખીને ભૂલી જઈએ છીએ. ત્યારે જો તમને દિવાળીની સફાઈ દરમિયાન આવા પૈસા મળી આવે છે, તો તે તમારા પર દેવી લક્ષ્મીની કૃપાનો સંકેત છે. તેમજ તેનાથી જલ્દી જ ઘરમાં પૈસા આવશે.

શંખ અથવા કોડી

જો તમને દિવાળીની સફાઈ દરમિયાન શંખ અથવા કોડી જોવા મળે છે, તો તે એક અદ્ભુત શુભ સંકેત છે. તેમજ જો તમને પૈસા મળશે, તો તમને અપાર સંપત્તિ અને સમૃદ્ધિની સાથે પદ અને પ્રતિષ્ઠા પણ મળશે.

મોરનું પીછું

દિવાળીની સફાઈ દરમિયાન મોરનું પીછું મળવું ખૂબ જ શુભ છે. તેમજ આ જીવનની સમસ્યાઓ દૂર થવાની નિશાની છે. આ સાથે તમને આર્થિક લાભ પણ થશે અને તમારા જીવનમાં મધુરતા આવશે.

ચોખા (અક્ષત)

ચોખા શુક્ર ગ્રહ સાથે સંબંધિત છે, જે સંપત્તિ અને વૈભવ આપે છે, તે જ સમયે, હિન્દુ ધર્મમાં, અક્ષત વિના પૂજા પૂર્ણ થતી નથી. તેમજ દિવાળીની સફાઈ દરમિયાન બોક્સમાં ચોખા મળવાએ સૌભાગ્ય અને સંપત્તિના આગમનની નિશાની છે.

લાલ રંગનું કપડું

ધનની દેવી લક્ષ્મીની પૂજામાં લાલ રંગનું કપડું શુભ માનવામાં આવે છે, કારણ કે લાલ રંગ દેવી લક્ષ્મીને પ્રિય છે. તેમજ દિવાળીની સફાઈ દરમિયાન લાલ કપડું કે લાલ ચુનરી મળવીએ સૂચવે છે કે સારા દિવસો આવવાના છે.

અસ્વીકરણ : અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે અબતક મીડિયા કોઈપણ માહિતીનું સમર્થન કે પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો.