અબતક, નવી દિલ્હી
કોરોનાના નવા વેરીએન્ટ ઓમિક્રોનની દહેશતથી દુનિયા આખી ફફડી ઉઠી છે. આપણે હજુ સુધી આ નવા વેરીએન્ટને ઓળખવામાં નિષ્ફળ ગયા છીએ. ત્યારે નિષ્ણાંતોના જણાવ્યા પ્રમાણે એક નવું તથ્ય બહાર આવ્યું છે. કે ઓમિક્રોન તમે જ્યાં રહો છો તેનાથી નક્કી થાય છે. જે તે વિસ્તારની રોગ પ્રતિકારક શક્તિ, વસ્તીનો હિસ્સો અને વેકસીનેશન ઉપર ઓમિક્રોનનું સંક્રમણ આધાર રાખે છે. ઉપરાંત ઘણા વાયરસો ભૂતકાળમાં જે તે વિસ્તાર પૂરતા સીમિત રહ્યા હતા. તેવી જ રીતે આ વાયરસ પણ સીમિત રહી શકે છે.
દેશમાં ઓમિક્રોન કેસોની સંખ્યા ઝડપથી વધી રહી છે. રાતોરાત આ કેસ 5થી લઈને 21 કેસ સુધી પહોંચ્યા છે. વૈજ્ઞાનિકો અને રોગચાળાના નિષ્ણાતો હજુ પણ આ પ્રકારનો અભ્યાસ કરી રહ્યા છે. કે શું તે ડેલ્ટા વેરિઅન્ટ કરતાં વધુ અસરકારક છે કે ઓછો? રસીકરણ કવરેજ અને ચેપના જોખમ વચ્ચે શું સંબંધ છે તે અંગે પણ સંશોધનો થઈ રહ્યા છે. આ દરમિયાન નિષ્ણાંતોનું માનવું છે કે તમે ક્યાં રહો છો તે મહત્વનું છે. કારણકે ઓમિક્રોનનું સંક્રમણ તેના ઉપર આધાર રાખે છે.
ભૂતકાળમાં પણ અનેક વાયરસો અને રોગો ચોક્કસ વિસ્તાર માટે જ
સિમિત રહ્યા હતા શું ઓમિક્રોનનું સંક્રમણ પણ એવુ જ રહેશે?
નિષ્ણાંતોનું તર્ક સૂચવે છે કે ઓમિક્રોન રોગપ્રતિકારક શક્તિવાળી વસ્તીને ઘણું ઓછું નુકસાન કરશે. નિષ્ણાતો કહે છે કે રસી ઓમિક્રોન વેરિઅન્ટ સામે ઓછામાં ઓછું થોડું રક્ષણ પૂરું પાડશે. કારણ કે તે માત્ર એન્ટિબોડીઝને જ નહીં પરંતુ રોગપ્રતિકારક કોષોને પણ ઉત્તેજિત કરે છે. જે ચેપગ્રસ્ત કોષો પર હુમલો કરી શકે છે. સ્પાઇક પ્રોટીનમાં પરિવર્તનો તે રોગપ્રતિકારક કોષ પ્રતિભાવને મંદ કરતા નથી. કમનસીબે, ભારતની સંપૂર્ણ રસીકરણ કરાયેલી વસ્તી 32% થી ઓછી છે, જે દક્ષિણ આફ્રિકાના રેકોર્ડ કરતા ઓછી છે.190 મિલિયનથી વધુ ભારતીયો હજુ પણ રસી વગરના છે.
1 ડિસેમ્બરના રોજ સમગ્ર ભારતમાં કોવિડ રસીના ડોઝની સંચિત સંખ્યા 1.25 બિલિયનને વટાવી ગઈ હોવા છતાં, આ આશાવાદી આંકડો એ હકીકતને ઢાંકી દે છે કે કેટલાક જિલ્લાઓમાં સંપૂર્ણ રસી આપવામાં આવેલ વસ્તી 15% થી ઓછી છે.
દક્ષિણ આફ્રિકામાં, ઓમિક્રોન વેરીએન્ટના કેસો અગાઉના ત્રણ એરીએન્ટ કરતાં ઝડપથી વધ્યા છે. નેશનલ ઇન્સ્ટિટ્યૂટ ફોર કોમ્યુનિકેબલ ડિસીઝ, દક્ષિણ આફ્રિકાની નેશનલ હેલ્થ લેબોરેટરી સર્વિસના વિભાગ જાહેર કર્યા અનુસાર, દેશમાં કોવિડ-19ના નવા કેસ 27 નવેમ્બરથી 2 ડિસેમ્બરની વચ્ચે 3,220 થી વધીને 11,500 થઈ ગયા છે. ડબ્લ્યુએચઓ દાવો કરે છે કે “પ્રારંભિક પુરાવા સૂચવે છે કે ઓમિક્રોન ફરીથી ચેપનું જોખમ વધી શકે છે એટલે કે જે લોકો અગાઉ કોવિડ -19 ધરાવતા હતા તેઓ આ વેરીએન્ટથી ફરીથી ચેપગ્રસ્ત થઈ શકે છે.
ઓમિક્રોનને લઈને દુનિયા આખી ઉંધેકાંધ
ત્રીજો ડોઝ આપવો કે નહીં? નિષ્ણાંતો બાખડયા
ઓમિક્રોનનું સંક્રમણ વધતા રસી ઉપર સૌની મીટ મંડરાઈ છે. હવે ત્રીજો ડોઝ આપવો કે નહીં તે મામલે નિષ્ણાંતો બાખડયા છે એટલે કે આમને સામને આવી ગયા છે. અમુક નિષ્ણાંતો આ માટે હા પાડે છે તો અમુક ના પાડે છે. બુસ્ટર ડોઝ માટે નેશનલ ટેક્નિકલ એડવાઇઝરી ગ્રુપ ઓન ઇમ્યુનિસેશન દ્વારા હજુ સુધી કોઈ ભલામણ કરવામાં આવી નથી. સૂત્રોએ જણાવ્યું કે કોવિડ-19 માટે નેશનલ ટેકનિકલ એડવાઈઝરી ગ્રૂપ ઓન ઈમ્યુનાઇઝેશનએ ડેટાનું મૂલ્યાંકન કર્યું છે, જે દેશની વસ્તીમાં ઉચ્ચ સેરોપોઝિટિવિટી દર્શાવે છે. જો કે, કેટલાક નિષ્ણાતો માને છે કે જેઓને રસી આપવામાં આવી છે તેઓ રોગપ્રતિકારક શક્તિ ધરાવે છે. પણ વૃદ્ધોમાં રોગપ્રતિકારક શક્તિ ઓછી થઈ શકે છે અને તેઓ વધુ જોખમમાં હોઈ શકે છે.નેશનલ ટેક્નિકલ એડવાઇઝરી ગ્રુપ ઓન ઇમ્યુનિસેશન
આ મુદ્દે ડબ્લ્યુએચઓના માર્ગદર્શનની રાહ જોશે અને ફરીથી વિચારણા કરશે. તેવુ એક અધિકારીએ જણાવ્યું છે. વર્લ્ડ હેલ્થ ઓર્ગેનાઈઝેશનનું વૈજ્ઞાનિક સલાહકાર બોર્ડ આજે જ મળવાનું છે. જેમાં વધારાના ડોઝના મુદ્દા પર ચર્ચા કરવામાં આવનાર છે. જે તે વિસ્તારના લોકોની રોગ પ્રતિકારક શક્તિ, વસતીનો હિસ્સો અને વેકિસનેશન ઉપર ઓમિક્રોનનું સંક્રમણ આધાર રાખે છે
