જે લોકો એવું વિચારે છે કે તેઓ મને ગેરલાયક ઠેરવીને, મને ધમકીઓ આપીને, મને જેલમાં નાખીને ચૂપ કરી શકે છે, તો એવું નહિ થઈ શકે : હું સંસદની અંદર હોઉં કે ન હોઉં તેનાથી મને કોઈ ફરક પડતો નથી
સંસદ સભ્ય પદ ગુમાવી ચૂકેલા રાહુલ ગાંધીએ ફરી ગર્જના કરી સરકારને પડકાર ફેંક્યો છે. તેઓએ કહ્યું છે કે હું લોકતંત્ર માટે લડતો રહીશ, કોઈનાથી ડરતો નથી. જે લોકો એવું વિચારે છે કે તેઓ મને ગેરલાયક ઠેરવીને, મને ધમકીઓ આપીને, મને જેલમાં નાખીને ચૂપ કરી શકે છે, તો એવું નહિ થઈ શકે. હું સંસદની અંદર હોઉં કે ન હોઉં તેનાથી મને કોઈ ફરક પડતો નથી.
સુરત કોર્ટે મોદી સરનેમને લઈને થયેલા માનહાનિના કેસમાં રાહુલ ગાંધીને ર વર્ષની સજા ફટકારી હતી. જે બાદ રાહુલ ગાંધીનું સંસદ સભ્ય પદ પણ રદ કરી દેવામાં આવ્યું છે. આ વિકટ પરિસ્થિતિ વચ્ચે રાહુલ ગાંધીએ આજે પત્રકાર પરિષદને સંબોધી હતી. તેમણે કહ્યું કે અદાણી અંગે મેં સંસદમાં સવાલો કર્યા હતા. તેના મેં પુરાવાઓ પણ રજૂ કર્યા હતા. તેમ છતાં મારા સવાલોના જવાબો આપવામાં આવ્યા નથી. તેનાથી વિપરિત મને ધમકાવીને ચૂપ કરાવી દેવાનો પ્રયાસ કરાયો છે. અદાણીના મુદ્દા પરથી ફક્ત દેશનું ધ્યાન ભટકાવવા આ બધા ગતકડાં કરવામાં આવી રહ્યા છે. સંસદમાં મંત્રીઓએ મારા વિશે જુઠ્ઠાં નિવેદનો આપ્યા. મને મારી વાત રજૂ કરવાની તક પણ ન આપી. મેં સ્પીકર સાથે મુલાકાત કરી. તેમને પત્રો પણ લખ્યા.
હું ભારતના લોકતંત્ર માટે લડી રહ્યો છું. હું લોકશાહી માટે લડતો રહીશ. હું કોઈથી ડરતો નથી. જો આ લોકો એવું વિચારે છે કે તેઓ મને ગેરલાયક ઠેરવીને, મને ધમકીઓ આપીને, મને જેલમાં નાખીને ચૂપ કરી શકે છે, તો મારી પાસે તે ઇતિહાસ નથી. હું ભારતના લોકતંત્ર માટે લડી રહ્યો છું અને લડતો રહીશ. હું કોઈથી ડરતો નથી.સંસદની અંદર છું કે બહાર છું તેનાથી મને કોઈ ફરક નથી પડતો. મારે મારી તપસ્યા કરવી છે, હું કરીશ. રાજનીતિ મારા માટે ફેશનની વસ્તુ નથી. સાચું બોલવું એ મારા માટે નવી વાત નથી. આ મારા જીવનની તપસ્યા છે. ભલે તમે મને ગેરલાયક ઠેરવશો મને જેલમાં નાખો. પણ મારે મારી તપસ્યા કરવી છે. આ દેશે મને પ્રેમ આપ્યો છે. તેથી જ મારે તેના માટે આ બધું કરવું પડશે.
રાહુલ ગાંધીએ કહ્યું- દેશમાં ઓબીસીનો કોઈ મામલો નથી. આ અદાણી અને મોદીજી વચ્ચેના સંબંધની વાત છે. જો તમે ભારત જોડો યાત્રા દરમિયાન આપેલા મારા નિવેદનો જોશો તો મેં આવું ક્યારેય કહ્યું નથી. મેં દરેક વર્ગને એક થવા કહ્યું. તેમણે કહ્યું- બધા એક છે, દેશમાં ભાઈચારો હોવો જોઈએ.કોંગ્રેસ નેતા રાહુલ ગાંધીએ કહ્યું કે તેઓ મને કાયમ માટે ગેરલાયક ઠેરવે તો પણ હું મારું કામ કરતો રહીશ. હું સંસદની અંદર હોઉં કે ન હોઉં તેનાથી મને કોઈ ફરક પડતો નથી. હું દેશ માટે લડતો રહીશ.
લોકતંત્ર પર મોટું આક્રમણ થઈ રહ્યું છે
આ દેશના લોકતંત્ર પર આક્રમણ સમાન બાબત છે. તેમણે કહ્યું કે મને અયોગ્ય જાહેર કરીને પણ તમે ચુપ નહીં કરાવી શકો. મારા પર વિદેશમાં ઊંધી વાતો બોલવાના આરોપ મૂકી રહ્યા છો. તે ખોટું છે. હું સવાલો પૂછવાનું બંધ નહીં કરું. મને ધમકાવીને ચુપ નહીં કરાવી શકો. હું કોઈનાથી ડરતો નથી. તેમણે કહ્યું કે મોદી અને અદાણી વચ્ચે જૂના સંબંધો અને સાંઠગાંઠ છે. મોદી અદાણી વિશે કંઈ જ બોલતા કેમ નથી? અદાણી ગ્રૂપની અનેક કંપનીઓ ફેક છે. તેની કંપનીઓમાં કરાયેલું રોકાણ કોનું છે?
ગાંધી ક્યારેય માફી નથી માંગતા, હું સાવરકર નથી
કોંગ્રેસ નેતા રાહુલ ગાંધીની સદસ્યતા રદ કરવાના વિરોધમાં દેશભરમાં દેખાવો થઈ રહ્યા છે. તેના પર તેમણે કહ્યું- મને સમર્થન કરવા માટે હું તમામ વિપક્ષી પાર્ટીઓનો આભાર માનું છું, અમે બધા સાથે મળીને કામ કરીશું. માફીના પ્રશ્ન પર તેમણે કહ્યું- ગાંધી ક્યારેય માફી માંગતા નથી. હું સાવરકર નથી.
તમામ સમાજ એક છે, નફરત અને હિંસા ન હોવી જોઈએ
રાહુલ ગાંધીએ કહ્યું કે ભારત જોડો યાત્રા પર મારું કોઈ પણ ભાષણ જુઓ, મેં હંમેશા કહ્યું છે કે તમામ સમાજ એક છે. નફરત ન હોવી જોઈએ, હિંસા ન હોવી જોઈએ. આ ઓબીસીનો મામલો નથી, નરેન્દ્ર મોદી અને અદાણી વચ્ચેના સંબંધોનો મામલો છે. ભાજપ ધ્યાન હટાવવાનું કામ કરે છે, ક્યારેક ઓબીસીની વાત કરશે, તો ક્યારેક વિદેશની વાત કરશે.
હું પૂછતો જ રહીશ કે 20,000 કરોડ રૂપિયા કોના છે
રાહુલ ગાંધીએ જણાવ્યું કે હું પ્રશ્નો પૂછવાનું બંધ કરીશ નહીં. અદાણીજીનો મોદીજી સાથે શું સંબંધ છે. હું પૂછતો રહીશ કે 20 હજાર કરોડ રૂપિયા કોના છે. હું પૂછતો રહીશ, હું આ લોકોથી ડરતો નથી. જો આ લોકો એવું વિચારે છે કે તેઓ મને ગેરલાયક ઠેરવીને, મને ધમકીઓ આપીને, મને જેલમાં ધકેલી શકે છે, તો મારી પાસે તે ઇતિહાસ નથી. હું ભારતના લોકતંત્ર માટે લડી રહ્યો છું અને લડતો રહીશ. હું કંઈપણથી ડરતો નથી.
