કિડની ભલે શારિરિક રોગ છે પરંતુ ડિપ્રેશન, તણાવ:, ચિંતા સહિત માનસિક રોગોની પણ ખુબ નિષેધક અસર કિડની પર થતી જોવા મળે છે
તારીખ 11 માર્ચ એટલે વર્લ્ડ કિડની દિવસ. કિડનીના દર્દીઓનું પ્રમાણ એ દિવસોદિવસ વધી રહ્યું છે ત્યારે તેના વિશેની જાગૃતતા અને માહિતી હોવી જરૂરી છે. કિડની ભલે શારીરિક રોગ છે પણ ડિપ્રેશન, તણાવ, ચિંતા વગેરે માનસિક રોગોની પણ ખૂબ નિષેધક અસર કિડની પર થતી જોવા મળે છે.
જીવનમાં કટોકટી વધતા માનસિક તાણ એક સાથે અનેક રોગોને આમંત્રણ આપી રહ્યા છે. ખાસ કરીને તાણની અસર કિડની સુધી પહોંચી રહી છે. જે ઘણા સર્વે પરથી સાબિત પણ થયું છે.
તણાવના કારણે લોકોને બ્લડ પ્રેશર અને ડાયાબિટીસ થાય છે, જે ધીરે ધીરે કિડનીને નુકસાન પહોંચાડે છે.
કિડની રોગના મુખ્યત્વે ત્રણ કારણો છે. પ્રથમ ડાયાબિટીઝ છે. ડાયાબિટીઝના દર્દીઓમાં, 25 થી 30 ટકા કિડની નબળી પડે છે. પ્રોટીન લીક થવાથી કિડની નબળી પડે છે. જેના કારણે રોગ વધે છે. તે જ સમયે, બ્લડ પ્રેશર રોગથી પીડિત લોકોની કિડની પણ નબળી છે. હાલમાં સૌથી વધુ જોખમ ફાસ્ટ ફૂડને કારણે છે. બર્ગર, પિઝા, ચૂમિંગ્સ વગેરે લોકોનું મેદસ્વીપણા વધારે છે. જેના કારણે શરીરમાં અનેક પ્રકારના રોગો થવા લાગે છે. મેદસ્વીપણાથી બાળપણમાં પણ કિડનીમાં સોજો આવે છે. એટલે કે કિડની રોગની શરૂઆત થાય છે. ફાસ્ટ ફૂડ આરોગ્ય માટે ખૂબ જોખમી છે. જો કિડનીની બીમારીથી બચવું હોય તો ખોટી ચિંતાથી મુક્ત રહેવું પડશે. વધુ તણાવથી દૂર રહેવું પડશે, માંદગી નજીક આવશે નહીં. ડાયાબિટીઝના દર્દીઓએ સમય સમય પર તેમની સારવાર કરાવવી છે. આ સિવાય બીપી નિયમિત ચેક કરો.કસરત કરો. યુરિન ટેસ્ટ પણ કરાવી લો.
પહેલાં શહેરના લોકો તણાવમાં રહેતા હતા, પરંતુ હવે ગ્રામીણ વિસ્તાર પણ તેનાથી અછડતો નથી. તણાવને કારણે ઘણી બીમારી વધી છે. માનસિક વિકાર પણ વધી રહ્યો છે. ઉપરાંત, ડાયાબિટીઝ સહિતના અન્ય પ્રકારનાં રોગમાં વધારો થઈ રહ્યો છે.
ઘણા રોગો ની જેમ કિડનીનો રોગ પણ મનોશારીરિક હોઈ શકે
ઘણા રોગોની જેમ કિડનીનો રોગ પણ મનો શારીરિક હોઈ શકે. જેમાં રોગના લક્ષણો શારીરિક હોય પરંતુ તેનું કારણ એ શારીરિક ન હોતા માનસિક હોય છે.
તણાવ, ખોટી ચિંતા, ડિપ્રેશનથી શરીર બને છે રોગોનું ઘર
તણાવ ફક્ત તમારા મગજને જ નહીં પરંતુ શરીરની આંતરિક પ્રણાલીને પણ નુકસાન પહોંચાડે છે. અમેરિકન સાયકોલોજિકલ એસોસિએશને માનવીય શરીરની આંતરિક પ્રણાલી પર તણાવની કેવી અસરો થાય છે તે જણાવ્યું છે. જ્યારે આપણે શારીરિક અથવા માનસિક રીતે તણાવ અનુભવીએ છીએ, ત્યારે શરીર તેની ઉર્જાનો ઉપયોગ તેની સાથે વ્યવહાર કરવા માટે કરે છે જેને ફાઇટ અથવા ફ્લાઇટ રિસ્પોન્સ કહેવામાં આવે છે. નર્વસ સિસ્ટમ એડ્રેનલ ગ્રંથિને એડ્રેનાલિન અને કોર્ટીસોલને મુક્ત કરવાની સૂચના આપે છે. આ હોર્મોન્સને કારણે, ધબકારા વધે છે, બીપી વધે છે, પાચનમાં અસર થાય છે અને લોહીના પ્રવાહમાં ગ્લુકોઝનું સ્તર ઝડપથી વધે છે.
સ્નાયુઓ
તણાવ દરમિયાન સ્નાયુઓ ખેંચાય છે. ઘણી વખત તે માથાનો દુખાવો, આધાશીશી અથવા માંસપેશીઓ અને હાડકાંથી સંબંધિત ફેરફારોનું કારણ બને છે.
શ્વસન
તણાવની સ્થિતિમાં શ્વાસ લેવામાં પણ તકલીફ થઈ શકે છે. કેટલાક લોકોને આને કારણે ઘણી વખત ગભરામણ ના હુમલાઓ આવે છે.
રક્તવાહિની અસરો
કેટલીકવાર થોડો તણાવ પણ ધબકારા વધારે છે અને હૃદયની માંસપેશીઓ સંકોચાઈ જાય છે. આ સ્થિતિમાં, હૃદય દ્વારા શરીરના બીજા ભાગમાં લોહી લઈ જતી રક્ત વાહિનીઓમાં અવરોધ થાય છે. આવી સ્થિતિમાં હાર્ટ એટેકનું જોખમ પણ વધી જાય છે.
ઇન્ટ્રોક્રાઇન સિસ્ટમ
જ્યારે શરીર તણાવમાં હોય ત્યારે મગજ હાયપોથેલેમસમાંથી સંકેતો મોકલે છે જેના દ્વારા એડ્રેનલ ગ્રંથિ કોર્ટીસોલ ઉત્પન્ન કરે છે અને એડ્રેનલ મોડ્યુલા તણાવ હોર્મોન્સ પેદા કરે છે જેને એપિનેફ્રાઇન કહે છે.
ઘણી માનસિક સમસ્યાઓ કિડનીના રોગો તરફ દોરી જાય છે
પાયલોનેફ્રીટીસ તે લોકોમાં દેખાય છે જેઓને તેમના કામથી સંતોષ મળતો નથી.
હતાશા રક્તવાહિનીઓના નુકસાનનું કારણ બને છે, જે સામાન્ય રક્ત પ્રવાહને અવરોધે છે.
કિડનીના રોગો એવા લોકોમાં પ્રગટ થાય છે જેઓ તેમના ભૂતકાળ સાથે તાલમેલ નથી સાધી શકતા, સતત તેમની પરિવર્તનની સ્થિતિને ગુમાવે છે. એવા લોકો કે જેઓ અપ્રિય ઘટનાઓથી ચિંતિત છે અને જેઓ આ ભારમાંથી મુક્તિ મેળવી શકતા નથી તેઓને કિડની ની બીમારી થવાની શકયતા વધુ છે.
એસીડીટી એવા લોકોમાં થાય છે જે માફ કરી શકતા નથી, સતત ઉચ્ચ ભાવનાત્મક તણાવમાં રહે છે.
આપણી કિડની અને હાર્ટ શહેરી જીવનશૈલીને લીધે થતા તણાવને કારણે સૌથી વધુ પીડાય છે. લક્ઝરી અને સગવડથી ભરેલી આ જીવનશૈલીએ હાયપર ટેન્શન, ડાયાબિટીઝ અને હાર્ટ એટેક જેવા રોગોને જન્મ આપ્યો છે.
કિડનીના રોગ કેમ થાય છે?
આપણો આહાર જવાબદાર ઘટક છે, ધૂમ્રપાન, તળેલું ખોરાક ખાઈ રહ્યા છીએ, પરંતુ જાતે કામ કરી રહ્યા નથી તેનાથી શરીરમાં કોલેસ્ટરોલનું સ્તર વધે છે, આવેગિક તણાવ, ચિંતા, ડિપ્રેશન
ફોબિયા, પેનિક એટેક, વધુ મસાલેદાર ખોરાક, વધુ પડતું મીઠું લેવું, ગળ્યા પદાર્થો વધુ લેવા.
શું કરવુ જોઇએ
આપણી જીવનશૈલીમાં ફેરફાર કરીને આપણે આવા જીવલેણ રોગથી બચી શકીએ છીએ. દરરોજ 20 મિનિટ ઝડપી ગતિએ ચાલો.
ખોટી ચિંતા કરવાનું છોડો, તણાવથી દુર રહો, આવેગિક રીતે સ્વસ્થ રહો, મન પ્રફુલ્લિત રહે એવા કામ કરો, મીઠાનું પ્રમાણ ઓછું કરવું
વ્યસનથી દુર રહેવું..
