Table of Contents

સાપ્તાહિક રાશિ ભવિષ્ય

મેષ અ,લ,ઈ

સ્વગૃહી તથા ઉચ્ચસ્થ ગુરુ વાળા જાતકો આ સપ્તાહ બહુ લાભદાયક નીવડશે. સર્વિસ બિઝનેસના જાતકો માટે આ સપ્તાહ બહુ લાભદાયી નીવડશે. સરકારી વિદ્યાલય તેમજ ખાનગી વિદ્યાલયના શિક્ષકો, કર્મચારીઓ માટે આ સપ્તાહ હળવું લાભદાયક નીવડશે. ઔદ્યોગિક તથા વ્યાપાર-વણિજના એકમના જાતકો માટે આ સપ્તાહ હળવું સાનુકૂળ નીવડશે. નાના વ્યાપાર વણિજ તથા છૂટક વ્યાપાર કે ફેરી કરતા જાતકો માટે આ સપ્તાહ હળવું લાભદાયક નીવડશે. સરકારી કર્મચારીઓ તથા ખાનગી કર્મચારીઓ માટે આ સપ્તાહ સરેરાશ અથવા પ્રતિકૂળ નીવડશે. વિદ્યાર્થી, ગૃહિણી, મહિલા કર્મી તથા નિવૃત્ત માટે નિરાંત વાળું એવમ સાનુકૂળ સપ્તાહ. 12 એપ્રીલ મધ્યમ રહેશે. (પન્નોતિનો ઉપાય, ન્યાયિક માર્ગ ચાલવું ).

વૃષભ બ,વ,ઉ

પેરા મેડીકલ તથા મેડીકલ ક્ષેત્રના જાતકો એવમ ફાર્માસ્યુટીક્લ્સ ક્ષેત્રના જાતકો માટે હળવા ચડાવ ઉતાર આવવા તથા કોઈ વાદ વિવાદ થવાની સંભાવના. હોટલ ટુરિઝમ એકમ માટે આ સપ્તાહ લાભદાયક નીવડશે. ઔદ્યોગિક એકમના જાતકો માટે આ સપ્તાહ સાનુકૂળ એવમ હળવું લાભદાયી નીવડશે. કમીશન ગ્રેઈન મર્ચન્ટ, જથ્થાબંધ તથા છૂટક વ્યાપાર સાથે જોડાયેલ વ્યાપારી જાતકો માટે, આ સપ્તાહે, મંદીનો હળવો માહોલ જોવા મળશે. નાના વ્યાપારી માટે આ સપ્તાહ લાભદાયક નીવડશે. સરકારી તથા ખાનગી કર્મચારીઓ માટે આ સપ્તાહ સાનુકૂળ નીવડશે. વિજ્ઞાન શાખાના વિદ્યાર્થીઓ, નિવૃત્ત તથા ગૃહિણી માટે આ સપ્તાહ લાભદાયક નીવડશે. 6 તથા 8 એપ્રીલ મધ્યમ જણાશે.

મિથુન ક,છ,ઘ

બ્યુટી પાર્લર/સલુન/સ્પાના જાતકો, એવમ કોસ્મેટીક ઉત્પાદ કરતા ઉદ્યોગ ધંધા સાથે જોડાયેલ જાતકો માટે આ સપ્તાહ સાનુકૂળ નીવડશે. આ સિવાયના અન્ય, ઉદ્યોગ ધંધા વ્યવસાયમાં આકસ્મિક લાભ થવાના સંયોગો સર્જાય છે. ઉદ્યોગ તથા વ્યાપાર વણિજના જાતકો માટે આ સપ્તાહ સાનુકૂળ અને લાભદાયક નીવડશે. સરકારી ક્ષેત્રના કર્મચારીઓ તેમજ ખાનગી ક્ષેત્રના તમામ શ્રેણીના કર્મચારીઓ માટે આ સપ્તાહ હળવા સંઘર્ષ વાળું પરંતુ સાથોસાથ લાભકારી નીવડશે. કૌટુંબિક તેમજ પારિવારિક સુખ, શાંતિ તથા સુમેળ પ્રગાઢ થવાના સંયોગો. નિવૃત્ત, ગૃહિણી તથા વિદ્યાર્થી માટે આ સપ્તાહ લાભદાયક નીવડવાની સંભાવના. 8 તથા 12 એપ્રીલ સાધારણ રહેશે.

કર્ક ડ,હ

આ સપ્તાહ દરમિયાન વર્ષ અગાઉ વણસી ગયેલા જૂના સંબંધો સુધરવાના સંયોગો. સટ્ટો, જુગાર, કડા કુડી, ગાળીયાઓથી તથા શેરબજારથી દૂર રહેવું. કપાસ, યાર્ન, ફેબ્રિક્સના વ્યાપારી જાતક માટે આ સપ્તાહ લાભકારી જણાશે. ઉદ્યોગ તથા ધંધા-વ્યવસાય સંબંધિત અધૂરા રહેલ કે અટકી ગયેલ તમામ કામકાજ પૂરા થઈ જવાની સંભાવના. ઔદ્યોગિક તથા વ્યાપાર-વાણિજ્ય એકમના જાતકો માટે આ સપ્તાહ હળવું ચડાવ ઉતાર વાળું જણાશે. છૂટક વ્યાપારી માટે આ સપ્તાહ હળવી દોડધામ જણાશે. સરકારી તેમજ ખાનગી ક્ષેત્રના કર્મચારીઓ માટે આ લાભકારી સપ્તાહ. વિદ્યાર્થી, નિવૃત્ત, મહિલા કર્મી, ગૃહિણીઓ માટે આ સપ્તાહ લાભકર્તા નીવડશે. 9 એપ્રીલ સાવ સામાન્ય જણાશે.

સિંહ મ,ટ

આ સપ્તાહે સખત પરિશ્રમ સાથે સતત ભાગદોડ થવાના સંયોગો. અગાઉ બોલીને બગડી ગયેલા સંબંધો સુધરતા જણાશે. બહારી અવૈધ સંબંધોમાં સાચવવું નિષ્ઠાવાન અધિકારી/ કર્મચારી માટે આ સપ્તાહ બહુ જ લાભદાયક નીવડશે. ઔદ્યોગિક એકમ તથા વ્યાપાર- વાણિજ્ય એકમના જાતકો માટે આ સપ્તાહ હળવું ચડાવ ઉતાર વાળું જણાશે. ખાનગી એકાઉન્ટ, મેનેજમેન્ટ ફર્મસ તથા પ્રિન્ટ અને પબ્લિકેશન એકમના જાતકો માટે આ સપ્તાહ સરેરાશ રહેશે. સરકારી ક્ષેત્ર તથા ખાનગી ક્ષેત્રના કર્મચારીઓ માટે આ સપ્તાહ હળવું રહેશે. પરિવાર દ્વારા સહકારના સંયોગો. મહિલા કર્મી, ગૃહિણી તથા નિવૃત્ત, વિદ્યાર્થી માટે લાભદાયક સપ્તાહ. 11 તથા 12 એપ્રીલ મધ્યમ જણાશે.

કન્યા પ,ઠ,ણ

ઈવેંટ મેનેજમેન્ટ ત્થા આઉટડોર કેટરીંગ સર્વિસીઝનાં જાતકો માટે આ સપ્તાહ હળવું લાભદાયી જણાશે. સરકારી બેંક, ખાનગી ફાઇનાન્સ એકમ તેમજ એકાઉન્ટન્સી એકમના જાતકો માટે આ સપ્તાહ સાવ સામાન્ય નીવડશે. નાના ઔધોગિક એકમ વાળા જાતકો માટે આ સપ્તાહ લાભદાયક નીવડશે, આ સિવાયના અન્ય ઔદ્યોગિક તથા વ્યાપાર વણિજ ક્ષેત્રના જાતકો માટે આ સપ્તાહ ચડાવ ઉતાર વાળું રહેશે. પરંતુ છૂટક વ્યાપાર તથા ફેરી કરતા વ્યાપારી જાતકો માટે આ સપ્તાહ બહુ લાભદાયી રહેશે. અર્ધ સરકારી તથા સરકારી કર્મચારીઓ માટે આ સપ્તાહ હળવું રહેશે. ઉચ્ચાભ્યાસ કરતા વિદ્યાર્થી, ગૃહિણી, મહિલા કર્મી તથા નિવૃત્ત માટે આ સપ્તાહ સાનુકૂળ જણાશે. 7 તથા 8 એપ્રીલ સરેરાશ રહેશે.

તુલા ર,ત

રાજકીય એવમ જાહેર ક્ષેત્ર સાથે પ્રત્યક્ષ કે પરોક્ષ સંકળાયેલ વ્યક્તિઓ માટે આ સપ્તાહ લાભદાયક રહેશે. ધંધા વ્યવસાય હેતુ ભાગદોડ તથા હળવી પ્રતિકૂળતા રહે તેવી સંભાવના. કમીશન મર્ચન્ટ અને બ્રોકર્સ માટે આ સપ્તાહ ચડાવ ઉતાર તથા હળવા અવરોધ વાળું નીવડશે. ઔધોગિક એકમ વાળા જાતકો માટે આ સપ્તાહ સાધારણ પરંતુ સાનુકૂળ નીવડશે. વ્યાપાર-વણિજના જાતકો માટે આ સપ્તાહ દરમિયાન લાભ સાથે હળવા ચડાવ ઉતાર પણ જોવા મળશે. સરકારી ક્ષેત્રના કર્મચારીઓ તેમજ ખાનગી ક્ષેત્રના કર્મચારીઓ માટે આ સપ્તાહ બહુ લાભદાયક નીવડશે. નિવૃત્ત, ગૃહિણી, વિદ્યાર્થી માટે આ સપ્તાહ લાભદાયક નીવડશે. 6 તથા 10 એપ્રીલ અર્ધ મધ્યમ જણાશે.

વૃશ્ચિક ન,ય

આ સપ્તાહ દરમિયાન અનેક જગ્યાએથી હકારાત્મક તથા હિતકારક ધંધાકીય તેમ ઔદ્યોગિક કામકાજ મળવાના સંયોગો. ઉદ્યોગ ધંધાના નવા કામકાજની શરૂઆત માટે આ સપ્તાહ આગળ જતા બહુ ફળદાયક નીવડશે. સાથોસાથ સરકારી કામકાજ જેવા કે દસ્તાવેજી કાર્ય માટેનું આ સપ્તાહ સરવાળે સાનુકૂળ નીવડશે. સરકારી ક્ષેત્રના કર્મચારીઓ તથા સુરક્ષા કર્મીઓ માટે આ સપ્તાહ હળવું સાનુકૂળ જણાશે. ખાનગી ક્ષેત્રના કર્મચારી માટે આ સપ્તાહ મધ્યમ નીવડશે. મિત્રો સાથે મતભેદ થવાના સંયોગો. વિજ્ઞાન શાખાના પ્રોફેસર્સ, શિક્ષકો તેમજ વિદ્યાર્થી, તથા ગૃહિણી, મહિલા કર્મીઓ, નિવૃત્ત માટે આ સપ્તાહ અર્ધ લાભકારી જણાશે. 11 એપ્રીલ સામાન્ય રહેશે.

ધન ભ,ફ,ધ,ઢ

વ્યસાયિક લલિત કલા એવમ તમામ કારીગરી એવમ શિલ્પ એકમના તમામ જાતકો માટે આ સપ્તાહ બહુ લાભદાયક નીવડશે. કાયદો-વ્યવસ્થા વિભાગના ઉચ્ચાધિકારીઓ, સમેત તમામ કર્મચારીઓ માટે આ સપ્તાહ શ્રેષ્ઠ અને શ્રેયકર નીવડશે. ક્ધસલ્ટન્સી તેમજ સર્વિસ બિઝનેસના જાતકો માટે આ સપ્તાહ અતિ સાનુકૂળ જણાશે. વ્યાપાર વણિજ તથા ઔદ્યોગિક એકમના જાતકો માટે આ સપ્તાહ અર્ધ લાભદાયક રહેશે. સરકારી ક્ષેત્રના કર્મચારીઓ એવમ ખાનગી ક્ષેત્રના કર્મચારીઓ માટે અર્ધ-લાભકારી સપ્તાહ. મિત્રો, સગાં સ્નેહીઓ તરફથી સાથ સહકાર મળવાની સંભાવનાઓ. મહિલા કર્મી, ગૃહિણી, નિવૃત્ત તથા વિદ્યાર્થી માટે આ સપ્તાહ પણ ફાયદાકારક. 12 એપ્રીલ સાધારણ રહેશે.

મકર ખ,જ

ફ્રોઝન આહાર એવમ શાકભાજી, પેકીંગ ફૂડ, કેનિંગ ફૂડ તથા ફાસ્ટ ફૂડ એકમના જાતકો માટે બહુ લાભકારી સપ્તાહ. પ્રવાહી જ્વલનશીલ ઉત્પાદના ઔદ્યોગિક તથા વાણિજ્યક એકમના જાતકો માટે આ સપ્તાહ હળવું લાભદાયક નીવડશે અન્ય, ઔદ્યોગિક ક્ષેત્રના જાતકો માટે આ સપ્તાહે અણધાર્યા ફાયદા થવાના સંયોગો, મધ્યમ કદના વ્યાપાર વણિજ તથા સર્વિસ બિઝનેસ ધરાવતા જાતકો માટે આ સપ્તાહ બહુ જ લાભકારક નીવડશે. સરકારી કર્મચારી તથા ખાનગી ક્ષેત્રના કર્મચારીઓ માટે આ સપ્તાહ પણ લાભકારક નીવડશે. પરિવાર સાથે સુમેળ થવાના સંયોગો. ગૃહિણી, નિવૃત્ત તથા ઉચ્ચાભ્યાસ કરતા વિદ્યાર્થી માટે આ સપ્તાહ બહુ લાભદાયી જણાશે. 6 એપ્રીલ સાવ સામાન્ય રહેશે.

કુંભ ગ,શ,ષ

આ સપ્તાહે આરોગ્ય પ્રત્યે સંભાળ રાખવી. કોમોડીટી, શેર બજાર તથા સટ્ટા બજારના જાતકો માટે પ્રતિકૂળ સપ્તાહ. મોટા ઔદ્યોગિક એકમના જાતકો તથા જથ્થાબંધ વાણિજયના એકમનાં જાતકો માટે આ સપ્તાહ સરેરાશ એવમ દોડધામ વાળું નીવડશે. સાથે ધંધા ઉદ્યોગમાં નવી નવી તકો મળવાના સંયોગો. સરકારી કર્મચારીઓ તથા ખાનગી ક્ષેત્રના કર્મચારીઓ માટે આ સપ્તાહ હળવું પ્રતિકૂળ નીવડશે, સાથોસાથ બદલી અથવા સ્થળાંતર થવાના પણ સંયોગ. સગાં, કુટુંબીઓ સાથે વાદવિવાદ અને ખટરાગના સંયોગો. વિદ્યાર્થીઓ, મહિલા કર્મચારી/ કર્મી, ગૃહિણી તથા નિવૃત્ત માટે આ સપ્તાહ હળવું લાભકારી જણાશે. 7 તથા 10 ઓગસ્ટ સાધારણ જણાશે. (પન્નોતિનો ઉપાય શ્રમદાન).

મીન દ,ચ,ઝ,થ

આ સપ્તાહે આવેગ અને ઉતાવળ પર કાબુ રાખવો. અન્યથા, નુકસાન થવાના ભારે સંયોગો. આ સપ્તાહ દરમિયાન ખાનગી ક્ષેત્રના કર્મચારીઓ તેમજ સરકારી કર્મચારીઓ માટે, હળવી પ્રતિકૂળતા જણાશે. પરિવારમાં મોસાળ ત્થા સાસરા પક્ષે હળવા ખટરાગ થવાના સંયોગો. વાહન હંકારવા માં કાળજી રાખવી. હેવી વ્હીકલ એકમના જાતકો માટે આ સપ્તાહ લાભકારી નીવડશે. નાના નાના ઉદ્યોગ તથા વ્યાપાર-વાણિજયના તમામ એકમોના જાતકો માટે આ સપ્તાહ અર્ધ-સાધારણ જણાશે સરકારી એવમ ખાનગી શૈક્ષણિક એકમના જાતકો માટે આ સપ્તાહ મધ્યમ અથવા સામાન્ય રહેશે. સ્વજનો તરફથી સહકાર યથાવત રહેશે. કેવળ 11 એપ્રીલ જ સાધારણ રહેશે. (પન્નોતિનો ઉપાય અભ્યંગ સ્નાન).