તમારી ત્વચા અનુસાર યોગ્ય મેકઅપ કેવી રીતે પસંદ કરવો?

આજના સમયમાં મહિલાઓ ચહેરાને સુંદર દેખાડવા વિવિધ પ્રકારની પ્રોડક્ટસનો ઉપયોગ કરે છે. પણ કેટલીક મહિલાઓને મેકઅપ કઈ રીતે કરવો એ ખબર નથી હોતી. આનાથી ક્યારેક ચહેરો ખરાબ પણ દેખાય આવે છે. આનું કારણ એ છે કે તમારે તમારી ત્વચા મુજબ મેકઅપ બેઝ પસંદ કરવો જોઈએ. લાગે છે તો ક્યારેક મેકઅપ આપણને શોભે નથી.

જો આપણે આપણી ત્વચા અનુસાર મેકઅપ બેઝ પસંદ ન કરીએ અને મેકઓવર કરવા માટેના સ્ટેપ્સ ફોલો ન કરીએ. જેના લીધે ચહેરો ખરાબ દેખાય આવે છે. આવી સ્થિતિમાં, જો તમે પણ તમારા ચહેરાની સુંદરતા વધારવા માંગો છો, તો મેકઅપ બેઝ પસંદ કરતી વખતે આ ટિપ્સ અપનાવો.

ક્લીન્સર, ટોનર, મોઇશ્ચરાઇઝર

ચહેરા પર મેકઅપ પ્રોડક્ટ્સ લગાવતા પહેલા સ્કિનકેર રૂટિન ફોલો કરવાનું ભૂલતા નહીં. તેનાથી ત્વચા પર જમા થયેલા બેક્ટેરિયા અને ગંદકીને સરળતાથી સાફ કરી શકાય છે. સૌપ્રથમ તમારી ત્વચાના પ્રકાર અનુસાર સારા ક્લીન્સરનો ઉપયોગ કરીને તમારા ચહેરાને ધોઈ લો. ત્યારબાદ કોટન સ્વેબ વડે ચહેરા પર ટોનર લગાવો. જે ખુલ્લા છિદ્રોને કડક કરવાનું કામ કરે છે. આ પછી ચહેરા પર સારી રીતે મોઈશ્ચરાઈઝર લગાવો.

અંડરટોન સમજવું જરૂરી છે

સ્કિન ટોન સમજતા પહેલા અંડરટોન સમજવું જરૂરી છે. હકીકતમાં અંડરટોન એ રંગો છે જે તમારી ત્વચાનો એકંદર રંગ બતાવે છે. ખરેખર કેટલીકવાર ત્વચામાં ફેરફાર થાય છે. ખીલ, ટેનિંગ, ડેડ સ્કિન, આ બધું તમારી સ્કિન ટોનને ડાર્ક કરવાનું કામ કરે છે. પણ અંડરટોન હંમેશા એક જ રહે છે. અન્ડરટોનને 3 રીતે વિભાજિત કરવામાં આવે છે. ઠંડા, ગરમ અને તટસ્થ જે વિવિધ રંગોમાં જોવા મળે છે. ઉદાહરણ તરીકે જો તમારો અંડરટોન કૂલ છે. તો તમારી ત્વચા ગુલાબી, લાલ અને વાદળી રંગોમાં ચમકશે. જો અંડરટોન ગરમ હશે તો ત્વચામાં પીચ, પીળા અને સોનેરી સંકેતો દેખાશે. આ ઉપરાંત તમે ન્યુટ્રલ અંડરટોનમાં ઠંડુ અને ગરમ બંનેનું મિશ્રણ પણ જોઈ શકો છો.

તૈલી ત્વચા માટે

જો તમારી ત્વચા તૈલી છે તો ચહેરો ધોયા પછી ટોનર લગાવો. તે તમારી ત્વચાના pH વેલ્યૂને બેલેન્સ કરે છે અને સ્કીનને ઓઇલી થતાં અટકાવે છે. આ માટે તમે કોઈપણ આલ્કોહોલ ફ્રી ટોનરનો ઉપયોગ કરી શકો છો. ટોનર પછી તમારે હળવા મોઈશ્ચરાઈઝરનો ઉપયોગ કરવો જોઈએ. તૈલી ત્વચા ધરાવતી મોટાભાગની મહિલાઓ વિચારે છે કે તેમણે મોઈશ્ચરાઈઝરનો ઉપયોગ ન કરવો જોઈએ. પણ આ બિલકુલ ખોટું છે. મોઇશ્ચરાઇઝર ન લગાવવાથી તમારી ત્વચા વધુ ઓઇલી બની જાય છે. તેથી, ફાઉન્ડેશન લગાવતા પહેલા મોઇશ્ચરાઇઝર લગાવવું ખૂબ જ જરૂરી છે.

ફોલ્લીઓ માટે ડાર્ક શેડ પસંદ કરો

જો તમારા ચહેરા પર ડાઘ, ખીલ અથવા ફોલ્લીઓ હોય તો તમારી ત્વચાના ટોન કરતાં લગભગ એક શેડ ઘાટા હોય તેવું કન્સીલર પસંદ કરવું વધુ સારું છે. આ પિમ્પલની લાલાશને રોકવામાં મદદ કરે છે. સ્વસ્થ ત્વચા માટે કન્સિલરને હળવા ફાઉન્ડેશન સાથે સારી રીતે બ્લેન્ડ કરો. જેથી કરીને તમને સ્મૂધ મેકઅપ બેઝ મળી શકે.

કોમ્પેક્ટ

જો તમને ફાઉન્ડેશન અને પછી પાઉડર લગાવવું ખૂબ જ બોજારૂપ લાગતું હોય અથવા તમે તૈયાર થવાની ઉતાવળમાં હોવ તો કોમ્પેક્ટનો ઉપયોગ કરો. આજકાલ દરેક ત્વચા સાથે મેળ ખાતા કોમ્પેક્ટ પાવડર બજારમાં મળી આવે છે. કોમ્પેક્ટ પફ સાથે આવે છે અને તમે તેની મદદથી જ તેને ચહેરા પર લગાવી શકો છો.

ચહેરા પર પ્રાઈમર લગાવવાનું રાખો

મેકઅપની તાજગી પ્રાઈમર પર રહે છે. જો તમે લાંબા સમય સુધી ચાલતો મેકઅપ શોધી રહ્યા છો, તો ચહેરા પર પ્રાઈમર લગાવવાનું ભૂલતા નહીં. પ્રાઈમર ચહેરાના ફાઈન લાઈન્સ અને ખુલ્લા છિદ્રોને છુપાવવામાં મદદ કરે છે. તેને લગાવવા માટે મેકઅપ બ્રશ અથવા સ્પોન્જ પર વટાણાના કદની માત્રામાં પ્રાઈમર મૂકો. ત્યારબાદ તેને ગોળાકાર ગતિમાં ચહેરા પર લગાવો. આનાથી તમારો ચહેરો સુંદર દેખાય છે. આ ટિપ્સને અપનાવીને તમે તમારા ચહેરાને વધુ સુંદર બનાવી શકો છો.

અસ્વીકરણ : અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે અબતક મીડિયા કોઈપણ માહિતીનું સમર્થન કે પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો.