- ‘વૈશ્વિક અર્થતંત્ર 2049 સુધીમાં દર વર્ષે $38 ટ્રિલિયન ગુમાવશે’; અભ્યાસમાં દાવો કરે છે
International News : કલાઇમેટ ચેન્જના કારણે દુબઈમાં મુશળાધાર વરસાદ, ભારતમાં ઉનાળાની શરૂઆતમાં ક્યાક વરસાદ તો ક્યાક હિટ વેવ આ બધી પરિસ્થિતી સર્જાઈ છે. ક્લાઈમેટ ચેન્જને કારણે આગામી 25 વર્ષમાં વૈશ્વિક અર્થતંત્રમાં લગભગ 19 ટકા આવક ગુમાવવાની ધારણા છે. બુધવારે પ્રકાશિત થયેલા એક નવા અભ્યાસમાં આ માહિતી આપવામાં આવી છે. આ અભ્યાસ જર્મનીની પોડ્સડેમ ઈન્સ્ટિટ્યૂટ ફોર ક્લાઈમેટ ઈમ્પેક્ટ રિસર્ચના વૈજ્ઞાનિકોએ કર્યો છે.
અભ્યાસ કહે છે કે આબોહવાની અસરોથી 2049 સુધીમાં વૈશ્વિક અર્થવ્યવસ્થાને વાર્ષિક $38 ટ્રિલિયનનું નુકસાન થઈ શકે છે.
વિવિધ અભ્યાસમાં જાણવા મળ્યું છે કે …
નેચર જર્નલમાં પ્રકાશિત થયેલા અભ્યાસનું નેતૃત્વ કરનાર વૈજ્ઞાનિક લિયોની વેન્ઝે જણાવ્યું હતું કે: “અમારું વિશ્લેષણ દર્શાવે છે કે આબોહવા પરિવર્તન આગામી 25 વર્ષમાં વિશ્વના લગભગ તમામ દેશોમાં મોટા પાયે આર્થિક નુકસાન કરશે. તેમાં અમેરિકા, ફ્રાન્સ, જર્મની જેવા અત્યંત વિકસિત દેશોનો પણ સમાવેશ થાય છે.
અન્ય એક સંશોધક મેક્સિમિલિયન કોટઝે કહ્યું કે દક્ષિણ એશિયા અને આફ્રિકા આનાથી ખરાબ રીતે પ્રભાવિત થશે. સંશોધકોએ છેલ્લા ચાલીસ વર્ષોમાં વિશ્વભરના 1,600 થી વધુ પ્રદેશોના હવામાન અને આર્થિક ડેટાનો અભ્યાસ કર્યો. તેમણે જણાવ્યું હતું કે વિવિધ આબોહવાની પરિસ્થિતિઓમાં અનિશ્ચિતતાઓ અને ડેટાના આધારે વૈશ્વિક આવકમાં ઘટાડો 11 ટકા અને 29 ટકાની વચ્ચે હોઈ શકે છે.
સંશોધકોએ જણાવ્યું હતું કે નુકસાન મોટા પ્રમાણમાં હોવાનો અંદાજ છે. કાર્બન ઉત્સર્જન ઘટાડવા માટે લગભગ છ ગણો ખર્ચ થશે, જે સરેરાશ તાપમાનમાં વધારો માત્ર બે ડિગ્રી સેલ્સિયસ રાખવા માટે પૂરતો હશે.
