આજના સમયમાં લોકો જંક ફૂડ અને બજારના અલગ-અલગ ફૂડ ખાવાનું વધારે પસંદ કરે છે. આજકાલ ઘરનું ભોજન કોઈ ખાવાનું પસંદ નથી કરતું. બાળકો પણ ઘણીવાર બહારનું ખાવાનું પસંદ કરે છે. બહારનો ખોરાક ભલે સારો લાગતો હોય. પણ જ્યારે સ્વાસ્થ્યની વાત આવે તો તે હાનિકારક છે. પિઝાની વાત કરીએ તો તેનું નામ સાંભળતા જ લોકોના મોંમાં પાણી આવી જાય છે. આવી સ્થિતિમાં તમે કેવી રીતે લોટ અને લોટ વિના ઘરે સરળતાથી હેલ્ધી પિઝા બનાવી શકો છો. જે ખાવામાં સ્વાદિષ્ટ તો હશે જ પણ સ્વાસ્થ્ય માટે પણ ફાયદાકારક છે. તો જાણો મગની દાળ પીઝા બનાવવાની રેસીપી.
મગની દાળ પીઝા બનાવવા માટેની સામગ્રી
- એક કપ મગની દાળ
- મકાઈ
- કેપ્સીકમ
- મોઝેરેલા ચીઝ
- લીલું મરચું
- ડુંગળી
- પિઝા સોસ
- આદુ
- મીઠું (સ્વાદ મુજબ)
- ઓરેગાનો
- ચિલી ફ્લેક્સ
મગ દાળ પિઝા બનાવવાની રેસીપી
મગની દાળ પીઝા બનાવવા માટે પહેલા મગની દાળને પાણીમાં 2-3 કલાક પલાળી રાખો. જ્યારે મગની દાળ ભીની થઈ જાય ત્યારે તેને ગ્રાઇન્ડરમાં નાંખો અને તેમાં લીલા મરચાં અને આદુ ઉમેરીને બરાબર પીસી લો. ત્યારબાદ પીસતી વખતે બેટર વધારે પાતળું ન થઈ જાય તેનું ખાસ ધ્યાન રાખો. હવે આ પેસ્ટમાં સ્વાદ મુજબ મીઠું અને સોડા ઉમેરો. આ પછી બધા શાકભાજી જેમ કે કેપ્સિકમ અને ડુંગળીને સુધારી લો. હવે એક તવા લો અને તેને ગેસ પર ચઢાવી તેને તેલથી ગ્રીસ કરો અને પછી તેમાં મગની દાળનું ખીરું રેડો. ત્યારબાદ હવે તેને ધીમા તાપ પર બે થી ત્રણ મિનિટ સુધી રાંધવા માટે રાખો. તેમજ બેઝ એક બાજુ રાંધ્યા પછી તેને ફેરવો અને રાંધેલી બાજુ પર પીઝા સોસ લગાવો. ત્યારબાદ હવે પીઝાની ઉપર સમારેલા શાકભાજી મૂકો અને ઉપર મોઝેરેલા ચીઝ મૂકો. આ પછી તેને પ્લેટથી ઢાંકીને ચીઝ પીગળે ત્યાં સુધી પકાવો. તૈયાર છે તમારા મગની દાળ પીઝા. હવે તેને ઓરેગાનો અને ચીલી ફ્લેક્સથી ગાર્નિશ કરો.
