તાજેતરમાં હરિવંદના કોલેજ ખાતે સરકાર દ્વારા મહિલાઓ માટે ચલાવાતું મહિલા હેલ્પલાઈન અભયમ-૧૮૧ની સેવા દરેક મહિલાઓ તેમજ વિદ્યાર્થીનીઓ સુધી પહોંચે તે માટે અવેરનેસ પ્રોગ્રામનું આયોજન કરવામાં આવ્યું હતું. જેમાં કાજલબેન કોલડિયા દ્વારા વિદ્યાર્થીનીઓ અને લેડીઝ સ્ટાફને અભયમ દ્વારા મળતી સેવાઓ વિશે જાણકારી પુરી પાડવામાં આવી હતી અને ૧૮૧ મહિલા હેલ્પલાઈનની એપ્લીકેશનને દરેક વિદ્યાર્થીનીના ફોનમાં ઈન્સ્ટોલ કરીને તેનો ઉપયોગ સમજાવવામાં આવ્યો હતો. આ સંદર્ભે કોલેજના ચેરમેન ડો.મહેશભાઈ ચૌહાણ તેમજ કેમ્પસ ડીરેકટર ડો.સર્વેશ્વરભાઈ ચૌહાણના માર્ગદર્શન હેઠળ બધા વિદ્યાર્થીઓએ ઉત્સાહભેર ભાગ લીધો હતો.
