- ગોલ્ડન પીરીયડ જીવનભર જાળવી રાખો
- સુખી લગ્નજીવન માટે સમય, પ્રયત્ન અને પરસ્પર આદર જરૂરી
સુખી લગ્નજીવન સુખી સમાજનો પાયો છે. મનોવિજ્ઞાન અનુસાર કહેવાર કહેવાયું છે કે દુખી લગ્નજીવન, લગ્ન ન કરવા કરતા પણ વધુ ખરાબ છે. ત્યારે દરેક દંપતી સુખી અને ખુશખુશાલ લગ્નજીવનની કામના કરતા હોય છે. પરંતુ આપને સુખી લગ્નજીવન કઈ રીતે રીતે બનાવી શકીએ તે હંમેશા આપણા હાથમાં હોય છે. લગ્નની શરૂઆતનો તબ્બકો સારો જ હોય છે. જેને ગોલ્ડન પીરીયડ કહી શકાય પરંતુ તે જીવનભર જાળવી રાખવું વધુ જરૂરી છે. સુખી લગ્નજીવન માટે સમય જતાં સમય, પ્રયત્ન અને પરસ્પર આદરની જરૂર પડે છે. સુખી અને સ્થાયી સંબંધો ધરાવતા મોટાભાગના યુગલોમાં ચોક્કસ વર્તન સામાન્ય હોય છે. અમુક એવી નાની નાની ક્રિયાઓ હોય છે જે દંપતીના બંધન અને ભાવનાત્મક આત્મીયતાને મજબૂત બનાવે છે. આવી જ કેટલીક જડીબુટ્ટીઓ અહી આપેલી છે કે જે તમારા લગ્નજીવનને ખુશ-ખુશાલ બનાવી દેશે :
નિયમિતપણે ખુલ્લી અને પ્રામાણિક વાતચીત કરો
વ્યસ્ત સમયપત્રક હોવા છતાં, સુખીલગ્નજીવન જીવતા યુગલો સ્પષ્ટ અને પ્રામાણિક વાતચીતને પ્રાથમિકતા આપે છે. તે પણ આદરપૂર્વક! તેઓ ફક્ત તેમના કામકાજ અથવા સમયપત્રક વિશે વાત કરતા નથી, પરંતુ તેના બદલે, તેઓ તેમની સાચી લાગણીઓ, સપના, ચિંતાઓ અને આશાઓ એકબીજા સાથે શેર કરે છે. આ સાથે માત્ર બોલવા સિવાય, તેઓ એકબીજાને સક્રિયપણે સાંભળે છે. આ તેમને એકબીજાને સમજવા, ટેકો આપવા અને બંધનને મજબુત કરવા મદદ કરે છે.
એકબીજા સાથે ગુણવત્તાયુક્ત સમયને પ્રાથમિકતા આપે છે
આપણામાંથી મોટાભાગના લોકો જે ઝડપી ગતિવાળા જીવન જીવે છે, તેઓને એકબીજાને વધુ સમય નથી મળતો, અથવા નથી કાઢી શકતા. ત્યારે સ્વસ્થ લગ્નજીવનમાં રહેતા લોકો એકબીજાને પ્રાથમિકતા આપે છે અને ઇરાદાપૂર્વક એકબીજા સાથે ગુણવત્તાયુક્ત સમય વિતાવે છે. આ માટે કોઈ સ્પેશીયલ દિવસ કે ઉજવણી જરૂરી નથી – દરરોજ સવારે કે સાંજે સાથે ચા પીવા, ફરવા જવા અથવા ઘરકામ કરવા જેવી સરળ બાબત પણ તેમના જીવનસાથી સાથેના સંબંધને મજબુત કરવામાં મદદ કરે છે. એકબીજાની હાજરીને મહત્વ આપી સમજવાનો પ્રયત્ન કરે છે.
એકબીજાને માફ કરે છે
કોઈ પણ સંબંધ સંપૂર્ણ નથી હોતો, તેથી જાણે અજાણે દંપતી ભૂલો, ગેરસમજણો અને ઠેસ પહોંચાડતા હોય છે. પરંતુ મહત્વની વાત એ છે યુગલોને આ તકરારને કઈ રીતે હેન્ડલ કરે છે અને આ મુશ્કેલીઓને એકસાથે ટીમ તરીકે કેવી રીતે દૂર કરે છે. એકબીજા સાથે લડવાને બદલે, તેઓ સમસ્યા સામે લડે છે અને ઉકેલો શોધે છે. તેઓ ઘણીવાર એકબીજાને તેમની ભૂલો માટે માફ કરે છે. તેઓ સમજે છે કે લગ્નને સફળ બનાવવા માટે “સાચા” હોવા કરતાં શાંતિ પસંદ કરવી વધુ મહત્વપૂર્ણ છે. આનો અર્થ એ પણ છે કે તેઓ તેમની ભૂલોમાંથી શીખે છે અને તેમના જીવનસાથી માટે પોતાના સારા સંસ્કરણ બને છે. તે પ્રેમનું એક ઉત્તમ ઉદાહરણ છે.
એકબીજાની પ્રશંસા કરે છે
સુખી લગ્નજીવનમાં લોકો તેમના જીવનસાથીના સૌથી મોટા ચીયરલીડર્સ હોય છે. તેઓ પોતાની જીતની ઉજવણી કરે છે – ભલે તે નાની હોય કે મોટી – અને તેને સ્પેશીયલ બનાવે છે. તેઓ એકબીજા માટે કૃતજ્ઞતા અને પ્રશંસા પણ વ્યક્ત કરે છે. આ ઉપરાંત, તેઓ નિયમિતપણે નાની-નાની બાબતોને મહત્વ આપી એકબીજાને વેલ્યુએબલ ફીલ કરાવે છે. આ નાના હાવભાવ છે જેમ કે તમારા જીવનસાથીને કોઈ કામ કરવામાં મદદ કરવી અથવા ફક્ત ‘હું તને પ્રેમ કરું છું‘ કહેવું અને તેમને ફૂલો આપવા. આ નાના હાવભાવ ઘણું બધું કહી જાય છે અને વ્યક્તિને પ્રેમનો અહેસાસ કરાવે છે.
સહજીવનમાં વ્યક્તિગત ઓળખને જાળવી રાખે છે
સ્વસ્થ, સુખી લગ્નમાં બે વ્યક્તિઓ જોડાયેલ હોય છે. અને તેથી, સુખી લગ્નજીવનમાં લોકો ફક્ત સાથે રહેવાનું જ પસંદ કરતા નથી, પરંતુ તેઓ તેમના સમયનો આનંદ પણ માણે છે. તેઓ સતત પોતાના પર કામ કરે છે, તેમની વ્યક્તિગત ઓળખ ધરાવે છે, અને દંપતી તરીકે સાથે વધવાની સાથે સાથે એક વ્યક્તિ તરીકે પણ વિકાસ કરતા રહે છે. તેઓ સમજે છે કે તેમના પોતાના હિતો, ધ્યેયો અને મિત્રતા જાળવવાથી સંબંધમાં તાજગી બની રહે છે. તેઓ લગ્નજીવનમાં પોતાની જાતને ગુમાવતા નથી; તેના બદલે, તેઓ એકબીજાની સાથે આગળ વધે છે, વ્યક્તિગત સિદ્ધિઓ પર ઉત્સાહિત થાય છે અને નિષ્ફળતાના સમયમાં ટેકો આપે છે.
