ધારાસભ્ય વિરજીભાઈ ઠુંમરની રજૂઆત રંગ લાવી
બાબરા તાલુકાના ગ્રામ્ય વિસ્તારના રોડ રસ્તાઓ નબળા પડતા લાઠી બાબરાના ધારાસભ્ય વિરજીભાઈ ઠુંમર દ્વારા રાજ્ય સરકારમાં મુખ્યમંત્રી સડક યોજના હેઠળ કાચા થી ડામર રોડ બનાવવા માટે રાજ્ય સરકારમાં સફળ રજૂઆત કરતા રાજ્ય સરકારના નાયબ મુખ્યમંત્રી નીતિનભાઈ પટેલ દ્વારા તાલુકાના ગ્રામ્ય વિસ્તારોમાં ડામર રોડ બનાવવા માટે રૂપિયા ૧૨ કરોડ ની ફાળવણી કરી જોબ નંબર આપતા તાલુકામાં આનંદ ની લાગણી પ્રસરી ગઈ હતી
ધારાસભ્ય વિરજીભાઈ ઠુંમરે જણાવ્યું હતું કે બાબરા તાલુકાના પ્રવાસ દરમિયાન ગામડાઓના રસ્તાઓ બિસમાર બન્યાં હોવાનું ધ્યાનમાં પણ આવ્યું છે સ્થાનિક ગામના સરપંચ તેમજ આગેવાનો દ્વારા રજુઆત પણ મળેલ છે જેથી રાજ્ય સરકાર પાસે મુખ્યમંત્રી સડક યોજના હેઠળ તાલુકાને રોડ રસ્તાઓ બ્રિજ નાળાની મજૂર કરવા બાબતે રજુઆત કરવામાં આવતા હાલ ૧૨, કરોડના રસ્તાઓ મંજુર કરાવી જોબ નંબરની ફાળવણી કરવામાં આવી છે અને થોડા સમયમાં કામગીરી પણ શરૂ કરવામાં આવશે
બાબરા તાલુકામાં વલારડી થી ચિતલ ૯.૫૦ કિલોમીટર તેમજ જીવાપર – થોરખાણ ૪.૫૦ કિલોમીટર અને મોટા દેવળીયા થી ગમપીપળીયા સુધી નો રસ્તો ૭ કિલોમીટરનો બનશે
ઉપરોક્ત તમામ માર્ગ નોન પ્લાન હેઠળ માટીકામ, મેટલીગ, સીસીરોડ,નાળા તેમજ માઇનોર બ્રિજ પણ બનાવશે તેમ અંતમાં ધારાસભ્ય વિરજીભાઈ ઠુંમરે જણાવ્યું હતું
