સચિન-કોહલીને પાછળ છોડી નાની વયે વનડેમાં આઠ સદી ફટકારી ગુરબાઝ બીજો યુવા ખેલાડી બન્યો

• બાંગ્લાદેશ સામેની ત્રીજી વનડેમાં અફઘાનિસ્તાનની પાંચ વિકેટે જીત: શ્રેણી 2-1થી જીતી લીધી

અફઘાનિસ્તાનના રહેમાનુલ્લાહ ગુરબાઝે સોમવારે એક માસ્ટરફુલ સદી ફટકારીને પુરૂષોની વન-ડે આંતરરાષ્ટ્રીય ક્રિકેટમાં આઠ સદી ફટકારનાર બીજો સૌથી યુવા ખેલાડી બન્યો છે.અઝમતુલ્લા ઓમરઝાઈના 77 બોલમાં 70 રનની શાનદાર ઈનિંગની મદદથી ગુરબાઝની સદીએ શારજાહમાં ત્રીજી વનડે બાંગ્લાદેશ સામે પાંચ વિકેટથી જીત મેળવી હતી. આ જીતથી અફઘાનિસ્તાને ટાઇગર્સ પર 2-1થી શ્રેણી જીતવામાં મદદ કરી હતી. ગુરબાઝે 120 બોલમાં 101 રન ફટકાર્યા હતા કારણ કે હવે અફઘાનિસ્તાન માટે 22 વર્ષ અને 349 દિવસની ઉંમરમાં આઠ વનડે સદી છે. જે દિગ્ગ્જ ખેલાડીઓ સચિન અને વિરાટને પણ પાછળ છોડી દીધા છે. દિગ્ગજ સચિન તેંડુલકર 22 વર્ષ અને 357 દિવસનો હતો જ્યારે તેણે તેની 8મી વનડે સદી ફટકારી હતી જ્યારે સુપરસ્ટાર વિરાટ કોહલીએ 23 વર્ષ અને 27 દિવસમાં આ સિદ્ધિ મેળવી હતી. દક્ષિણ આફ્રિકાનો ક્વિન્ટન ડી કોક આ યાદીમાં ટોચ પર છે કારણ કે જ્યારે તેણે તેની 8મી વનડે સદી ફટકારી ત્યારે તે માત્ર 22 વર્ષ 312 દિવસનો હતો. ગુરબાઝે અફઘાનિસ્તાન માટે વનડેમાં સૌથી વધુ સદી ફટકારી છે અને ત્યારબાદ મોહમ્મદ શહઝાદ છે. શ્રેણીની જીત માટે 245 રનનો પીછો કરતા, ગુરબાઝ અને ઓમરઝાઈએ 49મી ઓવરમાં તેમની ટીમને પાર કરવામાં સફળ રહી હતી.