૪૦ કેમેરા લગાવાયા પોલીસ કમિશનર મનોજ અગ્રવાલના હસ્તે લોકાર્પણ
રાજકોટના ગુંદાવાડી વિસ્તારમાં વર્ષો જૂની માર્કેટ આવેલી છે. આ વિસ્તારમાં આવેલી સાંકડી માર્કેટમાં આશરે ત્રણેક હજાર જેટલી દુકાનો આવેલી છે. વિવિધ પ્રકારનો વ્યવસાય કરતા આ દુકાનદારો અવાર નવાર ગ્રાહકોના સ્વાંગમાં આવા ઠગોનો ભોગ બનતા હોય છે. તથા ટ્રાફીકની સમસ્યા પણ વિકરાળ બની છે. જેથી, ભકિતનગર, પોલીસ સ્ટાફની પ્રેરણાથી ગુંદાવાડી ઓલ મરચન્ટ એસોસીએશન દ્વારા આ માર્કેટમાં સ્વખર્ચે સીસીટીવી કેમેરા ફીટ કર્યા છે.
આ સીસીટીવી કેમેરાનું લોકાર્પણ શહેર પોલીસ કમિશ્નર મનોજ અગ્રવાલના હસ્તે કરવામાં આવ્યું હતુ આ પ્રસંગે અધિક પોલીસ કમિશ્નર સિધ્ધાર્થ ખત્રી, નાયબ પોલીસ કમિશ્નર ડો. સૈમી, પોલીસ ઈન્સ્પેકટર વી.કે.ગઢવી તથા મોટી સંખ્યામાં ગુંદાવાડીના વેપારીઓ ઉપસ્થિત રહ્યા હતા.
આ પ્રસંગે પોલીસ કમિશ્નર મનોજ અગ્રવાલે જણાવ્યું હતુ કે આ માર્કેટમાં સીસીટીવીક કેમેરા લગાવવાથી વેપારીઓને ઠગતા ઠગોને ઓળખી શકાશે. ઉપરાંત, ટ્રાફીકની સમસ્યાને પણ કાબુમાં લઈ શકશે આ સીસીટીવી કેમેરાને આઈવે પ્રોજેકટ સાથે જોડીને મોનીટરીંગ કરવામાં આવશે.
આ પ્રસંગે ગુંદાવાડી એશોસીએશનના પ્રમુખ પરેશ કોરાટે જણાવ્યું હતુ કે આખી ગુંદાવાડીમાં ૪૦ કેમેરા લગાવેલા છે. અને ટોટલ ખર્ચ ગુંદાવાડી એસોસીએશનના દરેક સભ્યોએ ઉઠાવેલો છે. ક્રાઈમ ઘટે અને ક્રાઈમ ન થાય તેન માટે અંદાજે સવા ચાર લાખના ખર્ચે આ પ્રોજેકટ અમારો તૈયાર થયેલ છે. પોલીસ વેપારીઓ અને આવનાર ગ્રાહકોને મદદરૂપ થાય તેના માટે કરવામાં આવ્યું છે.
