જગત જમાદાર અમેરિકા માનવ અધિકાર અને કાયદાના પાલન માટે સમગ્ર વિશ્વ પર વારંવાર શિખામણનો મારો ચલાવે છે પણ પોતાના દેશનું કલ્ચર અત્યારે અસલામતીનું કારણ બની ગયું છે. અમેરિકામાં ગમે ત્યારે ગમે તે જગ્યાએ અંધાધૂંધ ગોળીબાર થઈ જાય તેનું કાંઈ નક્કી હોતું નથી કારણ કે ત્યાં સરળતાથી બંદૂકો મળી જાય છે અને લાયસન્સની પણ જરૂર નથી. કોલોરાડોમાં બનેલી એક ઘટનામાં રવિવારે જન્મદિવસની પાર્ટીમાં અજાણ્યો શખ્સ બંદૂક સાથે ધસી આવ્યો હતો અને અંધાધૂંધ ગોળીબાર કરીને પોતાની ગર્લફ્રેન્ડ સહિત છને ઠાર મારીને પોતે પણ બંદૂક ખાઈને મોતને શરણે થઈ ગયો હતોખ. સદ્નસીબે નાના બાળકો બાજુના રૂમમાં હોવાથી આ ઘટનામાં એક પણ બાળકનું મૃત્યુ થયું ન હતું.
