મહેસાણા જિલ્લાના અંબાલા ગામની અને હાલમાં કડીમાં રહી અભ્યાસ કરતી ગુજરાતની ગોલ્ડ મેડાલિસ્ટ યોગાક્વીન પૂજા પટેલે ફરી એકવાર આંતરરાષ્ટ્રીય સ્તરે તેના યોગ કૌશલ્યનો પરિચય કરાવ્યો છે. તાજેતરમાં હરિયાણામાં જીત મેળવી હતી અને હવે દેશનું શુકાન સંભાળીને બાંગ્લાદેશના ઢાકામાં એશિયન યોગા ચેમ્પિયનશીપમાં મહેસાણાની પૂજા ફરીવાર વિજય બની અને ગોલ્ડ મેડલથી નવાજવામાં આવી છે.
આજે પૂજાના પ્રયત્ન થકી દેશ અને ગુજરાત સહીત ઇન્ટરનેશનલ સ્પર્ધામાં એટલા મેડલ મેળવ્યા છે કે, આજે તેને સજાવવા માટે કબાટ પણ હાલમાં ટૂંકા પડે છે. તેથી મહેસાણાની આ દીકરીએ યોગ ગુરુ નહીં પરંતુ યોગાક્વીન કરીકે પ્રસિદ્ધિ મેળવી છે અને સ્ત્રી શક્તિનું આગવુ ઉદાહરણ ઉભું કર્યું છે તેમ કહીએ તો નવાઇ નથી.
