જીએસટી નું રેકોર્ડ બ્રેક કલેક્શન: વેગીલા વિકાસ માટે એક માતબર પ્લેટફોર્મ

વિશ્વની સૌથી મોટી લોકશાહી નુ માન ધરાવતા ભારત ના અર્થતંત્ર નેપાંચ ટ્રીલિયન અમેરિકન ડોલર નું કદ આપવાના રોડ મેપ પર વિકાસ વેગવાન બની ચૂકયું છે ત્યારે દેશનું અર્થતંત્ર ખરા અર્થમાં પ્રગતિશીલ બની રહ્યું હોય તેમ એપ્રિલ માસમાં જ જીએસટી નું અત્યાર સુધીનું સૌથી વધુ કલેક્શન નો આંક 1.7 લાખ કરોડે પહોંચ્યો છે જીએસટીની આવકમાં 20 ટકાનો વધારો નોંધાયો છે અને હજુ આ આવકમાં સતત વૃદ્ધિ થાય તે નિશ્ચિત મનાઇ રહ્યું છે, વિકાસ માટે સક્ષમ અર્થતંત્ર હોવું જરૂરી છે, આવક સામે ખર્ચનું સંતુલન જાળવવું જરૂરી છે કોઈપણ સુવિધા નાણાં ખર્ચ્યા વગર મળે નહીં, યોગ્ય વ્યવસ્થા માટે યોગ્ય ભંડોળ પણ અનિવાર્ય છે, ત્યારે દેશના અર્થતંત્ર માટે મહેસુલી આવક વધારવી અનિવાર્ય છે, તેવા સંજોગોમાં વિકાસ માટેના રૂપિયા ઉભા કરવા માટે અત્યારે ગુડ એન્ડ સર્વિસ ટેક્સ ની આવક સરકાર માટે કમાઉ દીકરો સાબિત થઇ રહી છે,

વિકાસના વેગીલા રોડ મેપ પર જીએસટી ની આવક પણ સતત પણે વધતી જાય છે હાલના તબક્કે ભારતની આવક ઉત્તરોત્તર વધી રહી છે દુનિયાભરમાં જ્યારે કોરોના જેવી વૈશ્વિક મહામારી ના કારણે ઊભી થયેલી આર્થિક કટોકટી ને લઈને મોટા મોટા પદેશોનું અર્થતંત્ર ખાડે ગયું હતું,તેવી સ્થિતિમાં ભારતે લાંબાગાળાના આયોજન, કોરોનાના મુકાબલાની સાથે સાથે વૈશ્વિક આર્થિક પરિસ્થિતિ, ક્રૂડ ઓઇલના વધતા જતા ભાવો, કોરોના ની કામગીરી ના ખર્ચ , વેપાર-ઉદ્યોગ નું સંતુલન સાધવામાં ભારે ચીવટતા દાખવીને પડકારજનક પરિસ્થિતિમાં પણ દેશના અર્થતંત્રમાં સંતુલન જાળવવામાં સફળતા મેળવી છે, હવે જ્યારે બધું રાબેતા મુજબ થઈ રહ્યું છે ત્યારે જીએસટીની આવકમાં પણ ઉત્તરોત્તર વધારો થયો છે 1.7 લાખ કરોડની જીએસટી ની આવક હજુ વધશે ..દેશના વિકાસના રોડમેપ માટે જીએસટી મુખ્ય પ્લેટફોર્મ બની જાયતે સંભવ બન્યું છે