- GPSC વર્ગ 1-2 પ્રિલિમ પરીક્ષાની તારીખો કરાઈ જાહેર
- 6 એપ્રિલ પ્રિલિમ પરીક્ષા અને 13, 14 અને 20, 21 સપ્ટેમ્બર 2025ના લેવાશે મેઈન પરીક્ષા
- જાન્યુઆરીના અંતમાં ભરતી કેલેન્ડર 2025-26 કરાશે જાહેર
GPSC વર્ગ 1-2ની પરીક્ષાને લઈને મોટી અપડેટ સામે આવી છે. તેમજ તેમણે જણાવ્યું છે કે, GPSC વર્ગ 1-2 પ્રિલિમ પરીક્ષાની તારીખો જાહેર કરવામાં આવી છે. 6 એપ્રિલ પ્રિલિમ પરીક્ષા અને 13, 14 અને 20, 21 સપ્ટેમ્બર 2025ના મેઈન પરીક્ષા લેવામાં આવશે. તેમજ જાન્યુઆરીના અંતમાં ભરતી કેલેન્ડર 2025-26 જાહેર કરવામાં આવશે.
GPSC દ્વારા વર્ગ 1-2ની પ્રિલિમ પરીક્ષા તારીખ જાહેર કરવામાં આવેલ છે. 6 એપ્રિલ 2025ના રોજ પ્રિલિમ પરીક્ષા યોજાશે. મેઈન પરીક્ષા 13,14 તથા 20, 21 સપ્ટેમ્બર, 2025ના રોજ યોજાશે. વર્ષ 2025-26નું ભરતી કેલેન્ડર જાન્યુઆરીના અંતમાં જાહેર થશે.
GPSCએ ઉમેદવારોની પરીક્ષા ફી અંગે મહત્વનો નિર્ણય લીધો
GPSCની પરીક્ષા આપતા અનામત કેટેગરીના ઉમેદવારોએ પણ પરીક્ષા માટે ડિપોઝીટ ભરવી પડશે. તેમજ વિવિધ પરીક્ષામાં ઉમેદવારી કર્યા બાદ પરીક્ષા ના આપતા ઉમેદવારો માટે નિર્ણય લેવામાં આવ્યો છે. પરીક્ષા આપ્યા બાદ ઉમેદવારોને ડિપોઝીટ રિફંડ કરાશે. આ ઉપરાંત બિનઅનામત વર્ગના ઉમેદવારોએ 500 રૂપિયા ડિપોઝીટ ભરવા પડશે. તેમજ અનામત વર્ગના ઉમેદવારોએ 400 રૂપિયા ડિપોઝીટ ભરવી પડશે.
ગુજરાત જાહેર સેવા આયોગ દ્વારા લેવાતી વિવિધ પ્રાથમિક પરીક્ષાઓમાં અરજી કરનાર ઉમેદવારોની સંખ્યા સામે પરીક્ષામાં ઉપસ્થિત રહેતા ઉમેદવારોની સંખ્યા ક્યારેક ખૂબ જ ઓછી હોય છે. તેમજ ઉમેદવારી નોંધાવનાર તમામ ઉમેદવારો માટે પ્રશ્નપત્રો છપાવવા, તમામ ઉમેદવારોની સંખ્યાના આધારે સેન્ટરો લેવા, તમામ સેન્ટર પર જરૂરી સ્ટાફની નિમણૂક કરવી વગેરે માટે થતો ખર્ચ તથા આ માટે માનવબળનો વ્યય ધ્યાને લેતા આયોગમાં થયેલ વિચારણાને અંતે હવે પછી જાહેર થનાર પ્રાથમિક પરીક્ષાઓ માટે અરજી કરનાર ઉમેદવારોની સંખ્યાને આધિન આયોગ દ્વારા જરૂર જણાય ડિપોઝિટ તરીકે લેવાનો નિર્ણય લેવામાં આવ્યો છે. આ ઉપરાંત જાન્યુઆરીના અંતમાં ભરતી કેલેન્ડર 2025-26 જાહેર કરવામાં આવશે.
