- નાણા મંત્રી નિર્મલા સીતારમણની અધ્યક્ષતામાં 28મી એફ.એસ.ડી.સી સભામાં યોજાઇ બેઠક
સામાન્ય માણસ સાથે જોડાયેલા મોટા સમાચાર આવ્યા છે. નવા કે.વાઈ.સી નિયમો ટૂંક સમયમાં આવી શકે છે. વાસ્તવમાં નાણાકીય અને વિકાસ પરિષદની બેઠક સમાપ્ત થઈ ગઈ છે. આ બેઠકમાં કે.વાઈ.સી નિયમો, કે.વાઈ.સી રેકોર્ડની ભલામણ કરવામાં આવી છે. કેવાયસીને સરળ અને ડિજિટલ બનાવવા પર ભાર મૂકવાની તૈયારી છે. તમને જણાવી દઈએ કે નાણા મંત્રી નિર્મલા સીતારમણની અધ્યક્ષતામાં 28મી એફ.એસ. ડી. સી સભા યોજાઈ હતી.
વર્ષ 2023 માં બજેટ રજૂ કરતી વખતે, નાણા પ્રધાન નિર્મલા સીતારમણે કહ્યું હતું કે વ્યક્તિઓની ઓળખ અને સરનામાંને પ્રમાણિત કરવા માટે વન-સ્ટોપ સોલ્યુશનનો ઉપયોગ કરી શકાય છે. નાણામંત્રીએ કહ્યું હતું કે વિવિધ સરકારી એજન્સીઓ, નિયમનકારો અને નિયમનકારી સંસ્થાઓને ડીજીલોકર સેવા અને આધાર દ્વારા ઓળખ અને સરનામાને મેચ કરવા અને અપડેટ કરવા માટે વન-સ્ટોપ સોલ્યુશન પ્રદાન કરવું જોઈએ.
આ પ્રક્રિયા હેઠળ, ગ્રાહકો કે.વાઈ.સી ફોર્મની સાથે આધાર કાર્ડ, પાન કાર્ડ, મતદાર કાર્ડ, પાસપોર્ટ વગેરે જેવા તમામ જરૂરી દસ્તાવેજોની ફોટો કોપી સબમિટ કરે છે. તમામ કંપનીઓ, બેંકો, સરકારી યોજનાઓ અને નાણાકીય સંસ્થાઓ તમામ દસ્તાવેજો એકત્ર કરે છે જેથી ભવિષ્યમાં કોઈ પણ પ્રકારની દુર્ઘટના થાય તો વ્યક્તિની ઓળખ કરી શકાય. દરેક વ્યક્તિ માટે કે.વાઈ.સી કરાવવું મહત્વપૂર્ણ છે. એક રીતે, કે.વાઈ.સી બેંક અને ગ્રાહક વચ્ચેના સંબંધને મજબૂત બનાવે છે. કેવાયસી વિના રોકાણ શક્ય નથી, તેના વિના બેંક ખાતું ખોલવું પણ સરળ નથી.
મ્યુચ્યુઅલ ફંડ ઉદ્યોગની જેમ સીમલેસ કેવાયસી સિસ્ટમ અમલમાં મૂકવાનો વિચાર છે, જ્યાં બેંકો અથવા વીમા કંપનીઓથી વિપરીત વારંવાર ચકાસણીની જરૂર નથી. આ યોજના વિવિધ સેગમેન્ટમાં કે.વાઈ.સી ઉપયોગ કરવાની છે. સરકાર અને નિયમનકારોએ કે.વાઈ.સી પ્રક્રિયાના સરળીકરણ અને ડિજિટલાઇઝેશન અંગે પણ ચર્ચા કરી હતી, એમ નાણાકીય સ્થિરતા અને વિકાસ પરિષદની બેઠક બાદ જારી કરાયેલા નિવેદનમાં જણાવાયું હતું.
