ચીનમાં વસ્તી ઘટાડાનો 60 વર્ષનો રેકોર્ડ તૂટ્યો, વર્ષ 2022ની સ્થિતિએ ચીનની વસ્તી 1.412 અબજ જ્યારે ભારતની વસ્તી 1.417 અબજ થઈ
છ દાયકા બાદ ચીનમાં વસ્તીમાં ઘટાડો નોંધાયો છે. 2022ના અંતમાં ચીનની વસ્તી લગભગ 8,50,000 ઘટીને 1.412 અબજ થઈ છે. જ્યારે 2022 સુધીમાં ભારતની વસ્તી 1.417 અબજ થઈ છે. રિપોર્ટમાં કહેવામાં આવ્યું છે કે વર્ષ 2050 સુધીમાં ચીનની વસ્તીમાં 1.3 અબજનો ઘટાડો થશે.
સતત ઘટતી વસ્તી અને ભૂતકાળમાં બનાવવામાં આવેલી વન ચાઈલ્ડ પોલિસીના કારણે 2050 સુધીમાં ચીનમાં 10 કરોડથી વધુની વસ્તીમાં ઘટાડો થઈ શકે છે. ઘટતી જતી વસ્તીને કારણે ચીનને ડર છે કે તેના કારણે મોટી વસ્તીની કાર્યક્ષમતામાં ઘણો ઘટાડો થશે, જેની અસર અર્થવ્યવસ્થા પર પડશે. તમને જણાવી દઈએ કે ગયા વર્ષે ચીનનો જન્મ દર 1,000 લોકો પર માત્ર 6.77 જન્મો હતો, જે 2021ના 7.52 ટકા જન્મ દર કરતા ઓછો છે અને તે રેકોર્ડ પર સૌથી ઓછો છે.
જન્મ દર કરતાં મૃત્યુ દર 1974 થી 1,000 લોકો દીઠ 7.37 મૃત્યુ નોંધવામાં આવ્યો છે, જે 2021 માં 7.18 મૃત્યુના દર કરતાં પણ વધુ છે. 1980 થી 2015 ની વચ્ચે અમલમાં આવેલ ચીનની એક-બાળક નીતિ, તેમજ ઉચ્ચ શિક્ષણ ખર્ચના પરિણામે વસ્તીમાં વિક્રમી ઘટાડો નોંધાયો છે
યુનિવર્સિટી ઓફ વિસ્કોન્સિન મેડિસનના વૈજ્ઞાનિક યી ફુજિયનનું કહેવું છે કે ભારતની વસ્તીમાં વધારો અને ચીનની વસ્તીમાં ઘટાડો ચીનની અર્થવ્યવસ્થા માટે ખતરનાક સાબિત થઈ શકે છે. તેમનું કહેવું છે કે વસ્તીના કારણે ચીન વિશ્વની ચિપ ફેક્ટરી બનવાનું બિરુદ ગુમાવી શકે છે. તેમનું માનવું છે કે વસ્તી વધારા પછી મોટાભાગની ઉત્પાદન ક્ષમતા ભારત તરફ વળશે. આ સાથે અમેરિકન માર્કેટમાં પણ મેડ ઈન ઈન્ડિયા સામાનની ભરમાર જોવા મળશે.
ભારતની વધતી વસ્તી ફાયદાઓ સાથે અનેક પડકારો પણ સર્જશે
જો કે, કેટલાક નિષ્ણાતો એવું પણ માને છે કે વધુ વસ્તી પણ ભારત માટે વધુ પડકારો લાવશે. દેશમાં ગરીબીનો દર થોડો નીચે આવ્યો છે પરંતુ હજુ પણ આર્થિક અસમાનતા ચાલુ છે. છેલ્લા ત્રણ દાયકામાં તેમાં નોંધપાત્ર વધારો થયો છે. સેન્ટર ફોર મોનિટરિંગ ઈન્ડિયન ઈકોનોમી અનુસાર, ભારતની માત્ર 40 ટકા વસ્તી કામ કરે છે અથવા કામ કરવા માંગે છે. મહિલાઓને વધુને વધુ રોજગારી આપવી પડશે. મોટી વસ્તી દેશ છોડીને ચાલી ગઈ છે. તેમને પાછા લાવવું અને વધતી વસ્તી માટે રોજગારીનું સર્જન કરવું અને ખાદ્ય સુરક્ષા પ્રદાન કરવી એ સૌથી મોટો પડકાર હશે.
