આધાર અપડેટને લઈને ખુશખબર, હવે આ તારીખ સુધી કરાવી શકાશે ફ્રીમાં અપડેટ

આધાર કાર્ડ ધારકો માટે મોટા સમાચાર આવ્યા છે. UIDAI એ મફત આધાર અપડેટ કરવાની સમયમર્યાદા વધારી દીધી છે. હવે ડિસેમ્બર 2024 સુધી મફતમાં આધાર અપડેટ કરી શકાશે. આ સમયમર્યાદા પૂરી થઈ રહી હતી, પરંતુ ઓથોરિટીએ તેને 3 મહિના માટે લંબાવવાનો નિર્ણય કર્યો છે.

UIDAI એ 10 વર્ષથી વધુ સમય પહેલા બનાવેલા આધાર કાર્ડને મફતમાં અપડેટ કરવાની સુવિધા પૂરી પાડી છે અને તેની સમયમર્યાદા આજે સમાપ્ત થઈ રહી હતી, જે હવે 3 મહિના સુધી લંબાવવામાં આવી છે. ત્યારે આ પહેલા પણ આ કામ ફ્રીમાં કરાવવાની છેલ્લી તારીખ ઘણી વખત લંબાવવામાં આવી છે. આ પહેલા તેને 14 માર્ચથી 14 જૂન 2024 સુધી લંબાવવામાં આવી હતી અને પછી આ છેલ્લી તારીખ ફરી એકવાર વધારીને 14 સપ્ટેમ્બર કરવામાં આવી હતી. શનિવારે તેમાં વધુ 1 વધારો કરવામાં આવ્યો છે અને હવે આધાર કાર્ડ યુઝર્સ આ કામને 14મી ડિસેમ્બર સુધી બિલકુલ ફ્રીમાં કરાવી શકશે.

આધાર કાર્ડને ફ્રીમાં અપડેટ કરવાની આ નિશ્ચિત સમયમર્યાદા પૂરી થયા બાદ તમારે આ મહત્વપૂર્ણ કામ કરવા માટે UIDAI દ્વારા નક્કી કરાયેલ ચાર્જને ચૂકવવો પડશે, જે 50 રૂપિયા છે. તેમજ UIDAI દ્વારા આપવામાં આવતી આધાર કાર્ડ અપડેટ કરવાની આ ફ્રી સર્વિસ માત્ર myAadhaar પોર્ટલ પર ઉપલબ્ધ છે.

ચાલો જાણીએ આધાર અપડેટ કરવાની સરળ રીત

-સૌ પ્રથમ, UIDAI ની સત્તાવાર વેબસાઇટ “uidai.gov.in” પર જાઓ.

-અહીં તમારે તમારી ભાષા પસંદ કરવાની રહેશે. તેમજ તમારી અનુકૂળતા મુજબ અહીં દર્શાવેલ કોઈપણ ભાષા પસંદ કરી શકો છો.

-હવે તમે જે પણ માહિતી અપડેટ કરવા માંગો છો તેના પર ક્લિક કરો. ઉદાહરણ તરીકે  જો તમે તમારું સરનામું અપડેટ કરવા માંગો છો તો તમારે આધાર અપડેટનો વિકલ્પ પસંદ કરવો પડશે.

-હવે આગલી સ્ક્રીન પર તમારે myAadhaar પર જઈને લોગ ઇન કરવું પડશે, જેના માટે તમારે તમારો આધાર નંબર અને કેપ્ચા કોડ ભરવાનો રહેશે.

-આ પછી વેરિફિકેશન માટે તમારા રજિસ્ટર્ડ મોબાઈલ નંબર પર OTP મોકલવામાં આવશે. તેના દ્વારા તમે લોગીન કરી શકશો.

-ત્યારબાદ 1 નવી વિન્ડો ખુલશે જ્યાં તમને ટોપ પર ડોક્યુમેન્ટ અપડેટનો વિકલ્પ જોવા મળશે.

-હવે ડોક્યુમેન્ટ અપડેટ પર જાઓ અને તમારી વસ્તી વિષયક વિગતો જેમ કે નામ, જન્મ તારીખ, સરનામું તપાસો.

-બધી વિગતો ચકાસ્યા પછી, ઓળખ અને સરનામાના પુરાવાના દસ્તાવેજો અપલોડ કરો.

-આ દસ્તાવેજ માત્ર PDF, JPEG અથવા PNG ફોર્મેટમાં હોવો જોઈએ અને 2 MB કરતા ઓછો હોવો જોઈએ.

-તમે પુરાવા તરીકે પાન કાર્ડ, મતદાર કાર્ડ, પાસપોર્ટ, ડ્રાઇવિંગ લાઇસન્સ સહિત સૂચિબદ્ધ કોઈપણ દસ્તાવેજો અપલોડ કરી શકો છો.

-અહીં તમામ વિગતો અને દસ્તાવેજો અપલોડ કર્યા પછી સબમિટ બટન પર ક્લિક કરો.

-ત્યારપછી તમારા રજિસ્ટર્ડ મોબાઇલ નંબર પર 14 અંકનો અપડેટ રિક્વેસ્ટ નંબર મોકલવામાં આવશે. આ નંબર વડે તમે તમારી આધાર અપડેટ વિનંતીને ટ્રેક કરી શકો છો.

-જ્યારે આધાર કાર્ડ અપડેટ થશે, ત્યારે તમને UIDAI તરફથી 1 મેઇલ અથવા મેસેજ મોકલવામાં આવશે.

-ત્યારબાદ એકવાર આધાર અપડેટ થઈ ગયા પછી, તમે UIDAI સાઇટ પર જઈને તમારા અપડેટ આધારકાર્ડને ડાઉનલોડ કરી શકો છો.